Hechos 12:20 - Kaxinawá Bíblia (BR)

²⁰ Hanua Tiro anuabu inũ Sidom anuabuki Herodes hatuki sinataya Tiro inũ Sidom yurabũ piti Herodesĩ maiwã anua bimisbuwẽ taeshũ shanẽ ibu Herodes daewakatsis iki habe shanẽ ibu beshmas Herodes merabewamis Blasto anu beshũ hau hatu merabewakĩ daewamashanũ haibu watã yukaxinabu

Kashinawa : Diosun Jesúswen taexun yuba bena yiniki

²⁰ Janua Tiro anuabu inun Sidón anuabuki Herodes jatuki sinataya Tiro inun Sidón yudabun piti Herodesin maiwan anua bimisbuwen taexun xanen ibu Herodes daewakatsis iki jabe xanen ibu bexmas Herodes medabewamis Blasto anu bexun jau jatu medabewakin daewamaxanun jaibu watan yukashinabu

Hechos 12:20 Referans Kwoze

Esdras 3:7

Haska Pérsia nawa shanẽ ibuhaira Cirõ hawẽ yunuti una hatu inaĩmawẽ taeshũ hau Senhor Deus kẽwãti hiwe wanũbũ Líbano mati anushũ kusha derashũ sẽkekĩ itxapawashũ ha hi kekukĩ txaipa washũ ianẽwãwẽ bukĩ Jope anu keti ashũ hene anua mapemakĩ ianẽwã kesha hau mãtxĩkubainũbũ maewã dabe Tiro inũ Sidom anu hiweabũ yubakatã piti inũ nushuti inũ piti sheni hawa yaushiama hatu inãkubaĩkĩ habu mishki dayanikabu inũ hi mastanikabu dayamakĩ peiwẽ hatu pakakubainaibũ

Lucas 16:8

deveabu tibi habiaskas hatu wakẽ hawẽ tsumapã hawẽ aka haki txaniaibu unãtã haska nuitapatiruma haskai haibuyai hiweshanai unãtã hawẽ mabu mekenika txakabubia unãnepawẽ taeshũ kẽwãniki. Txanima mabuwẽ kemukĩ inãnãnaĩ hawẽ nuiama unãnepatã Deusunabumã haska wai hiwekĩ habũ Deus nĩkaibu hatu binumisbuki.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Gênesis 10:19

Hanua Canaãnẽ baba betsa betsapabu hatũ maewã kesha kesuakea Sidom mae ianẽwã kesha betsa dapi anua kai Gerar binui Gaza anu yusmauri txĩtũkauã Sodoma inũ Gomorra anu ana yusmauri txĩtũkauã Admá inũ Zeboim binui Lasa anu ana yusmauri txĩtũkauana anu maewã Sidom anu hikia hanu hiwepaunibukiaki.

Gênesis 10:15

Hanua Camnẽ bake betsa Canaãnẽ huni bake dabe bawani ha dukũ Sidom inũ ha katxu Hete inibukiaki. Hawẽ bababu betsa betsapa hiwea akeakeshũ bake bawai shukui pahairanibukiaki, Jebuseu nawabu inũ, Amorreu nawabu inũ, Girgaseu nawabu inũ, Heveu nawabu inũ, Arqueu nawabu inũ, Sineu nawabu inũ, Arvadeu nawabu inũ, Zemareu nawabu inũ, Hamateu nawabu wakinã.

Provérbios 20:18

Hatube detenamekĩ hau hatu binushanũ, iwanã, hatũ unanepabũ hatu merabewakĩ hatu yusiãbu nĩkatã habu detenamenika shanẽ ibubu ana pe yubakatirubuki.

Hechos 12:21

hanua shaba betsatiã Herodesĩ hatu hãtxa wakatsi hatu kenaxina bea shanẽ ibu betsaburi beria itxa maniabũ hatũ besuuri Herodesĩ itxati tari hawẽruahaira sawea hanushũ yunumis anu tsaushũ hawẽ hãtxa hatu yuikĩ taewaya

Hechos 21:3

ana patãbaĩkatsi ikama besusi pukei natukã ewapa hawẽ kena Chipre yusiuri daĩbaini mai kesua Síria anu patãkubauni Tiro anu hatũ mabu apakatsis iki hanu hikikaũ keti ikẽ

Hechos 21:7

hanua Tiro anua kai mae betsa Ptolemaida anu keti itã ha shashuwẽ nũ huai henetã ikũwaĩbu nũ hatu betxima benimakĩ nuku yukabu hatuki bayui hanu ushaxini