Hechos 12:11 - Kaxinawá Bíblia (BR)

¹¹ hanushũ Pedrõ xinã kayatiwakĩ unãtã: —Herodes inũ judeu shanẽ ibubũ dasibi ea haska wakatsi ikaibu nemanũ, iwanã, txanima ẽ Shanẽ Ibũ hawẽ nai tsuma yunua hushũ ea tashnimashu xinãkĩ ẽ unaiĩ— itã,

Kashinawa : Diosun Jesúswen taexun yuba bena yiniki

¹¹ januxun Pedron shinan kayatiwakin unantan: —Herodes inun judio xanen ibubun dasibi ea jaska wakatsi ikaibu nemanun, iwanan, chanima en Xanen Ibun jawen nai tsuma yunua juxun ea taxnimaxu shinankin en unaiin— itan,

Hechos 12:11 Referans Kwoze

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Hechos 5:19

hanushũ mexu merã Deusũ nai tsuma hushũ habũ mekeabu hatu unãmamatã bitxiti hiwe beputi bepẽtã hatu kaĩmatã yuikĩ:

Lucas 15:17

hanushũ shabakabi xinã pewakĩ yuikĩ: “Ẽ epã hiwe anushũ hawẽ dayarubũ piti piabu teshe hayabiakẽ nenua buni ẽ mawatiruki.

Salmos 33:18

Hakia tsuabũra haki mesei inũ hakiri pe hãtxakĩ nũ yuimis Deus nukuwẽ nuimis nũ ikũwaĩbu nuku putama nuku mekekubaĩmiski,

Hechos 12:7

hanua bitxiti hiwe merã Deusũ nai tsuma damii hiki txashai shabakaĩ bitxiti dĩtu merã shaba wa nitã nai tsumã Pedro usha bestẽwãkĩ tima tima aka besteĩ tekuitanai yuikĩ: —Menaã, hawaira beniriwe— akaya ha Pedro mane dispi soldadobube meneshekea hawaira hamebi txurekei niri ikaya

Daniel 3:25

shanẽ ibũ ana hatu yuikĩ: —Haska wabiakãshukẽ eã uĩkinã, huni dabe inũ dabe neakama txi anu mapubaunaibu hawa menui txakabuama ẽ uiaiĩ. Ha betsarã, tsuã ha txi anu ureãma yushibũ huni bake itsaki— ikĩ

Salmos 34:22

Hakia Senhor Deusũnã, hawẽ dayarubu haki txiti imisburã, hatũ hiwea hatu itxakawama hatu mekekubaĩshanikiki.

Jó 31:31

Tsuara ebe hiweabũ nawa betsa txaikea beaibu hatuwẽ kemukĩ hatu itxakawanũ ikaibu

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Hechos 24:27

hawẽ hãtxa nĩkabiakĩ judeu shanẽ ibubu daewakatsis ikĩ Paulo hawa nitxiãma ma bari dabe ka hanua Félix hawẽ daya menetã kaĩkainaya Roma anua shanẽ ibu betsa hawẽ kena Pórcio Festo Cesaréia anu shanẽ ibui taeniki.

Jó 5:19

Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Gênesis 26:9

hau iweshunũbũ hawenabu yunua Isaque hua haki sinatakĩ yuikĩ: —Haskakenã, Rebecarã, mĩ aĩki. Mĩ habe menameai dama ẽ matu uĩshuki. Hawai: “Ẽ puiki”, mĩ ikimamẽ, nuku yuirã?— aka Isaque kemakĩ: —“Ẽ aĩki”, akĩ ẽ matu yuia: “Tsuãra Rebeca bikatsi mã ea tenãtiruki”, ishũ shinãkĩ: “Ẽ puiki”, akĩ ẽ matu yuimaki, hawẽ taeshũ mã ea tenãtiru matu parainã— aka

Gênesis 18:13

hanushũ haska Sarã shinaĩ Senhor Deusũ unãkĩ Abraão yuikĩ: —Haskai Sarã nuku ikũwãma usãmẽkaĩ: “Ẽ yushabubia ẽ bake bitã kaĩshanai?” ikirã? Earã, ẽ habia matũ mekenika Deuski. Earã, Senhor Deus kushipahairatũ hamapai sharabu ẽ atiruki. Txanima mia ashũtiruki. Ana bari betsatiã ana hushũ ẽ matu uĩyuaya ẽ kushipawẽ Sarã huni bake bitã hayashanikiki— aka

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Hechos 25:9

hanua judeu shanẽ ibubũ hau Festokiri pe xinãnũbũ, iwanã, Paulo yukakĩ: —Jerusalém anurã, mĩ kakatsis ikai, harishũ mĩ haskayama hau ẽ mia unãti washanunã?— aka

Salmos 33:19

hatũ hiwea benui hau mawayamanũbũ inũ bunitiãbiakẽ hau debuama hiweyukubainũbunã.