Hebreus 9:9 - Kaxinawá Bíblia (BR)

⁹ Ha inũ, hanu Deuski nukuti tari hiwe anushũ hawẽ daewati beshũ inãbu hatu kuashũkĩ keyubiakẽ tsuã xinã pewakĩ keyuama ipaunibuki. Haska wakinã, hawẽ nũ unãtirubu apaunibuki.

Kashinawa : Diosun Jesúswen taexun yuba bena yiniki

⁹ Ja inun, jawen Dioski nukuti tadi jiwe anuxun jawen daewati bexun inanbu jatu kuaxunkin keyubiaken tsuan shinan pewakin keyuama ipaunibuki. Jaska wakinan, jawen nun unantidubu apaunibuki.

Hebreus 9:9 Referans Kwoze

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

Hebreus 5:1

Haska inũ, hawenabu txakabukubaĩmisbuwẽ taea Deus hatuki sinatai habuã hatu daewashũkĩ merabewakĩ txashuwã tesẽshũ hau hatu kua keyupakeshũshanũbũ dasibi Deusbe hawenabu hãtxashunika shanẽ ibu tibi hunibu anua Deusũ katumiski, Moisés betsa Arão katuni keska wakinã.

Romanos 5:14

Haskakẽ Deusũ Adão damiwashũ hari hiwemani anua inũ hanu Moisés hiwenitiã Moisés Deusũ hãtxa yurabu yusĩkĩ taewariama hawẽ yunua keskawẽ txakabui yurabu ibubis mawakubainibukiaki, Adão keskakĩ Deus nĩkama inũ txakabu betsa betsapa wakubainirã. Ha dukũ huni Adão Deusũ damiwaniki. Hatũ txakabuwanikẽ hanua huni betsa pepa Adão binua ha katxu hau hushanũ Deusũ yubani hushũ hatũ hiweti bai bena nuku washuniki.

Hebreus 11:19

Haska Deusũ ashuã uĩkĩ hawẽ kuxipakiri Abraãonẽ tapĩniki, Deusũ mawabu bestẽwãtirukiri tapĩkinã. Haskawẽ taeshũ hawẽ bake inãkĩ Deus tenãshũbiai kashũ ana hawẽri hawẽ bake hiwea txĩtũwãbirãkĩ hawa wama ishu keska iwenikiaki. Haska wakĩ Deusũ kuxipa hawẽ xinãmati shabakabi hatu unãmaniki.

Hebreus 10:11

Haska inũ, hatũ txakabu hatu buashunũ, iwanã, inãkuĩ betsa betsapa Deus inãkĩ habias bestikima yuinaka kuai bikamisbuki, haskawẽ hatũ txakabu tere akĩ keyutirubumabia Deuski nukuti Templo hemaĩtĩ anu dayakĩ bari tibi nukunabu Deusbe hãtxashunikabũ habiawẽs daewati wakubaĩmisbuki.

Hebreus 9:24

Hanua hanu Deuski nukuti tari hiwe hunibũ na mai anushũ anibu anu Jesus Cristo hikiama, hakia nai anu hanu Deuski nukuti kayabi anu hikinishũ Deus bebunua natiã nuku hãtxashũkĩ Jesus Cristõ nuku ea ashuĩkiki.

Hebreus 7:11

Israelbu Deusũ hatu hawẽ pepawayukatsi hawẽ yunuti inũ hawẽ nemati hãtxa Moisés hatu inãmakĩ yununikiaki. Hawẽ taeshũ Levĩ bababu Deusbe hawenabu hãtxashunika wakĩ ha hãtxa txibãkĩ hau hatu pewakubaĩshanũbũ, iwanã, Deusũ Moisés habu katumanikiaki. Hatu haska waniwẽ taeshũ habuã hawa pewama kanekubaini hiwenibuki. Haskawẽ taea huni betsa Deusbe nuku hãtxashunika betsa Deus anua huniki. Hamẽ Arãonẽ bababũ amis keskama hakia Melquisedeque imis keskai Deusbe nukunabu hãtxashunika bena hau ipakeshanũ haska Deusũ xinãnishũ hawẽ yunuti maewanikiaki.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Hebreus 8:4

Hamẽ nenu mai anushũ Deusũ hãtxa Moisés yusĩni txibãkĩ Deusbe nukunabu hãtxashunikabũ txashuwã bake inũ ina awa tesẽshũ kuakĩ ma hatu menu keyushũkubaĩmisbuwẽ taearã, nukũ Shanẽ Ibu Jesusrã, hania Deusbe nuku hãtxashũtiruma ikeanaii.