Hebreus 12:25 - Kaxinawá Bíblia (BR)

²⁵ Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Kashinawa : Diosun Jesúswen taexun yuba bena yiniki

²⁵ Ja inun, Mati Sinaí anuxun Diosun jawen yunua jatu yuibia ninkama jawen kupiti paxama inibuki. Ikis nai anuxun Diosun jawen bakebetan nuku yusiain jaskanibu keskakin nun ninkama nukudi nun jaskatan paxatidubumawen taexun jawada Diosun nuku unanmai jaki pechitan dananma uindakubainankanwen.

Hebreus 12:25 Referans Kwoze

Hebreus 8:5

Ha inũ, haska Mati Sinai anushũ Deusũ nai anua tari inũ bitxi hiwe dami Moisés uĩmaxina Moisés hatu amanũ ikaya hanushũ Deusũ Moisés ana yuikĩ: “Uĩrawe. Haska mati anushũ ẽ mia uĩmaxina keska ha itsa hatu amashãwẽ”, aniwẽ taeshũ Deusũ Moisés uĩmani ha kayabima ha itsa uĩmani keska ha Israelbu hawenabu Deusbe hãtxashunikabũ txibãkĩ akubaĩmisbuki.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

Provérbios 13:18

Hawẽ merabewati yusĩti hãtxa tsuãra danãmisrã, yumaĩ dakekubaĩshãkanikiki. Hakia merabewati yusĩti hãtxa tsuãra nĩkamisbu yurabũ hatu kẽwãshãkanikiki.

Mateus 8:4

Jesusũ nemakĩ yuikĩ: —Ẽ mia yuiai nĩkairawe. Hawara ẽ mia ashukiri tsua yuiyamayukubaĩtãwẽ. Ha dukunã, Deusbe nukunabu hãtxashunika anu mĩ yura mĩ ma kayashu hatu uĩmatãwẽ. Haska mĩ ma kayashu hau habũ mikiri unãnũbũ habiaskari inãkuĩ Moisés yununi hatu anu buritãwẽ. Mĩ haska buaya mĩ ma kayashu habũ mia unãshãkanikiki— abainikiaki.

Provérbios 8:33

Ea unanepakiri ẽ matu yusiaĩ nĩkakĩ tapĩkĩ ea danãyamashãkãwẽ.

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 1:24

Mã ea nĩkai benũbũ ẽ matu kenabia hushũ mã ea hawa nĩkakatsis ikamaki.

1 Reis 12:16

shanẽ ibuhaira Roboãonẽ haska betxipaiaibu hatu ashũkatsi ikama hawa hatu nĩkama ibubis ikaya Israelĩ enabu shukuabu shanẽ ibubu inũ anibu unanepabũ uĩkĩ unãtã hawaira yuinamei shinã betsaibũ habias shinaĩbu keska huni betsã hatu kemashũkĩ hui kushipawẽ shanẽ ibuhaira yuikĩ: “Txanima, nukuburã nũ hawa Davĩ enabumaki. Jessé enabube hiwekũkaini nũ hawa hatũ hamapai biama ikũkaĩshanaii. Davĩ enabu shukuabu bestitxai ibubis hatumebi shanẽ ibutirubuki. Haskakenã, enabu Israelbuũ, nukũ hiwe tibi burinãkãwẽ”, hatu wa hawẽ hãtxa nĩkatã henebaini Israelĩ enabu 10 shukuabu nortekiri hatũ mae tibi hawaira buake buakeaibũ

Êxodo 16:29

Nĩkakãwẽ. Ha huĩrukũtitianã, matũ huĩrukũtiki. Mekẽ bushkati shaba penaya dabeki piti ea Senhor Deusũ ẽ matu inãkubaĩshanaii.

2 Timóteo 4:4

Jesus Cristokiri txanima hãtxa henei haki petxitã miyui betsa betsapawẽ besti yusĩaĩbu txibãkinã.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

Hechos 7:35

Uatiã ha habias Moisés danãkĩ hawenabũ yuikĩ: “Mĩ nuku uĩnũ tsuã mia shanẽ ibu wakĩ nukũ pewanika mia waxinamẽ, nuku anurã?” abianibu habias Moisés shanẽ ibu wakĩ hatũ merabenã wakĩ hawenabu merabewamakatsi ha nai tsuma hi mashu kui menui keska here hi hi ikai anua hãtxamakĩ Deusũ Moisés yununikiaki.

Isaías 64:9

Senhor Deusuũ, ana nukuki sinata txakayamama inũ hawẽtsaĩs ana nukũ txakabu tibi shinãyamakubaĩwẽ. Uĩwẽ. Nukuburã, nũ minabuki!

Provérbios 15:32

Tsuãra txakabuwai nemabiabu hatũ nemati hãtxa nĩkama hatumebi danananãmisbuki. Hakia tsuãra hatũ nemati hãtxa nĩkakĩ tapĩkubainirã, beshtekei unanepamisbuki.

Hebreus 3:17

Tsuabuki inimẽ, 40 ano Deus hatuki sinatairã? Hanu tsua hiweabumanushũ Deus nĩkama hatũ txakabuwẽ hatu kupia mawakubirãkĩ imanibuki.

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

Deuteronômio 4:36

Nai anushũ hawẽ huiwẽ matu hãtxa wakĩ mã kaneaibu matu pewakubiraniki. Hanua mai anushũri hawẽ kushipa txi here meranua Senhor Deusũ hãtxa tashniai mã nĩkakubiraniki.

Deuteronômio 18:19

Hamẽ ẽ kenawẽ hãtxakĩ ea hatu yuishunai tsuabũra hawẽ hãtxa nĩkama ikubainaibu eanã, ẽ hatu kupishanaii.

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Hebreus 12:19

Ha inũ, trombeta txã ikai nĩkama hawa Deusũ hui kaĩyaĩ nĩkamari inibuki. Hamẽ habuã ha hui tashniai nĩkakĩ hau ana hãtxayamanũ nemakĩ ea anibuki.