Gênesis 8:21 - Kaxinawá Bíblia (BR)

²¹ hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Gênesis 8:21 Referans Kwoze

2 Coríntios 2:15

Ha inũ, hawẽ Epa benimawakĩ Cristõ hawẽ hiwea sheni ininipa keska inãkubaini haska keska yusĩkĩ Epa Deus benimawakĩ yurabu anu nũ bumiski, Cristokiri yurabu dasibi, betsabũ Cristo ikũwaĩbu inũ betsabũ nĩkabiakĩ ikũwãbuma benushanaibu anurã.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Filipenses 4:18

Epafrodito yunukĩ matũ pei mã ea bumaima dasibi ẽ bimaki. Hawẽ ẽ hamapai ẽ paka keyubia teshe ẽ hayayuaki. Haska inãkuĩ ea yunukinã, Templo anushũ inĩti pepa inĩhaira kuakĩ Deus inãbu haska shetei Deus benimamis keskai eari matuwẽ ẽ habiaskariaii.

Romanos 3:23

Ha inũ, yura dasibibũ txakabuwakubaĩmisbuwẽ taea haskatã ibubis Deus pepaki nũ tsua kematirubumaki, kanei hiwei peisbumawẽ taearã.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Gênesis 3:17

huniri yuikĩ: —“Hi bimirã, piyamashãwẽ”, ẽ mia wabiashina mĩ ainẽ hãtxa nĩkatã mĩ pishuki. Haskawẽ taeshũ mai itxakanika ẽ mia washuaiĩ. Bari tibi hiwea mĩ piti mai anua bishũ pi mĩ dayahairapakeshanaii. Mĩ yunu banabia musha inũ txaka maĩ mia benemashũpakeshanikiki. Mĩ mai puturiama mĩ piti pi dayahairai mĩ niskãpakeshanaii. Mai ẽ mia damiwa mĩ mawarã, mĩ ana hawẽri maishanaii— akaya

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Salmos 51:5

Txanima ẽ kaĩ bena ẽ txakabu iki taeniki. Ẽ txakaburã, ẽ kaĩriama ẽ ibu anua ẽ hayaniki.

1 João 5:19

Satanásã mai hirabi anu hiweabu hatu parã keyuikiki. Hamẽ nukurã, nũ Deusũ bakebu nũ unãriaii.

Romanos 1:21

Hanushũ yura itxapabũ Deuskiri tapĩbianishũ hawẽ hãtxa danãkĩ duawama inũ kẽwãma inibuki. Hakia haki petxitã hatũ xinãnẽ besti txakabu xinaĩ unaĩsmapakĩ ana txanima hãtxa tapĩtirubuma ikubainibuki.

Jeremias 18:12

habũ mia kemakĩ yuikĩ: ‘Hamẽ mĩ hãtxa txakawayamawe. Haska nũ betxipaiai keska ma nũ beyawani nũ hiwekatsis ikaii, txakabubiai hawa heneamarã’, mia washãkanikiki”, akĩ Senhor Deusũ ea yuiniki.

Provérbios 20:9

Tsuãra eska yuitirumahairaki: “Ẽ shinã pepaswẽ taea ẽ huĩti merã ẽ hawa txakabu hayamaki”, ikĩ yuikinã.

Gênesis 6:17

Mĩ ma haska wakĩ keyukẽ ẽ hene tueaya yurabu dasibi mai hirabi hiwebaunabu atxi keyua henẽ hasai debui keyushãkanikiki.

Gênesis 5:29

kenakĩ: “Noéki”, iwanã, “Ha dukũ huni damiwa nĩkamakẽ Deusũ mai yupumaniwẽ taea nukũ daya bikahairakẽ nuku hatũ daya meputakamakĩ huĩrukũmakĩ nuku merabewashanikiki”, ani

Gênesis 6:7

yuikĩ: “Yurabu ẽ hatu damiwabiani ea sinatamakanikiki. Yurabu hatu tenãkĩ yamawakĩ habiaskari yuinaka betsa betsapa inũ, maĩ sharaibu inũ, peiyaburi mai anu ẽ hatu damiwani dasibi ẽ habube tenã keyuriashanaii. Ẽ hatu damiwabiani hatukiri ẽ ma shinã betsa hayaki”, inikiaki.