Gênesis 50:24 - Kaxinawá Bíblia (BR)

²⁴ Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Gênesis 50:24 Referans Kwoze

Gênesis 35:12

Na mai pakea mĩ hutxi Abraão inũ mĩ epa Isaque yubakĩ ẽ yununi habiaskari wakĩ ẽ mia yunuaii. Hanushũ txipuri minaburi pakubainaibu ẽ hatu yununũbariaii”, atã

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Gênesis 46:4

Earã, ẽ mibe kaii, Egito anurã. Habia ea kayabistũri minabu ẽ hatu tashnimabirãshanaii. Mĩ haria mawayarã, mĩ bake José mia putama mĩ haũbia mawashanaii— aka nĩka ishĩ

Gênesis 15:18

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Gênesis 15:7

ana yuikĩ: —Earã, ẽ Senhor Deuski. Na mai mĩ bĩshanũ mia inãkatsi ikĩ mĩ mae Ur Caldéia mai pakea anua ẽ mia iweniki— aka

Gênesis 13:17

Hanua benia nishũ mai hirabi uĩbaũwẽ, hawẽ hashpa inũ hawẽ txaiparã. Ha mĩ uiainã, ẽ mia ha ibu wamakĩ inãshanaii”, aka

Gênesis 13:15

Ha mai hirabi mĩ uiaĩ inãkĩ ẽ mia ibu wamashanaii, mina inũ minabu paiburã.

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Hebreus 11:22

Ha inũ, Deusũ Israelbu Egito anua hatu tashnimabainũbariai Josẽ ikũwaĩ mawakĩ hawenabu hatu yuikĩ: “Nenua kaĩbaĩkinã, mai pakea pepa Deusũ matu ibu wamashanai anu ẽ shau ẽ bababũ hau ea bunũbarinũbũwẽ”, akĩ hatu yununikiaki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Romanos 5:12

Mai anua ha huni bestitxai ha dukũ Deusũ damiwashũ nemabiabaina nĩkama txakabu hikimakĩ tateskĩ taewakẽ hawẽ taea hau mawashanũ Adão anibuai Deusũ kupikĩ nemama inikiaki. Haska wanikẽ yurabu dasibi Adão keskariai Deus nĩkama kanemisbuwẽ taea anibui inũ yushabui mawariakubaĩmisbuki, Adão ini txibaĩnã.

Jó 30:23

Hanu mawa bushanaibu anu mĩ ea iyukatsis ikai ẽ unaiĩ, dasibi mawabu hanu hatu mekekĩ mĩ iyumis anurã.

Deuteronômio 6:10

“Matũ mekenika Senhor Deusũ matũ shenipabu Abraão inũ Isaque inũ Jacó mai pakea yubani anu ma matu hikimai kaikiki. Mae ewapa hawẽrua sharabu anu dayakĩ mã beniama ini nawabũ ayamabu anu Senhor Deusũ matu ma ibuwamai kaikiki.

Deuteronômio 1:8

Ha mai hirabi dasibi Abraão inũ, Isaque inũ, Jacó inũ, matunabu pakubaĩshanaiburi matũ shenipabu ea Senhor Deusũ inãkatsi ẽ hatu yubani anu bukĩ hanu hiweabu mebĩkĩ putakĩ hatu yamawatã ha mai hirabi ibuwakubaĩshãkãwẽ’, akĩ Senhor Deusũ nuku yuini ẽ matu shinãmaii”, akĩ Moisĩ hatu yuinikiaki.

Êxodo 33:1

Habiatiãri Senhor Deusũ Moisés ana yuikĩ: —Minabu iyui nenua kariwe. Ha dukũ Abraão, ha katxu hawẽ bake Isaque, ana ha katxu hawẽ baba Jacó ẽ yubakĩ: “Na mai pakea hirabi minabu ẽ ibu wamashanaii”, akĩ ha dabe inũ besti habiaskasri ẽ hatu yubani anu minabu Egito anua mĩ hatu tashnimabiranima hatu iyuritãwẽ.

Êxodo 4:31

ha dami hatu haska washuna hawenabũ uĩ txanima ikũwãkĩ Egito nawabũ hatu itxakawamisbu Senhor Deusũ uĩmis unãtã Israelĩ enabu dãti itã beti ishũ Senhor Deus kẽwanibukiaki.

Gênesis 50:5

Ẽ epabe ẽ habe yubakaima ma ea henebaĩshina Canaã anu ẽ mai wai kakatsis ikaii, hari hawenabu mai wamisbu anurã, mai watani ẽ ana txĩtũkatsis ikairã— hatu wa haska Faraó yuishunabu

Gênesis 21:1

Senhor Deusũ Abraão yubaimashũ Sara shinãkĩ hatu merabewaya hanushũ Abraão mestebuhairabiatũ hawẽ aĩ Sara txutakĩ bakewaima haska Deusũ yubakĩ yuima keska Sara huni bake bimaima kaiã Abraão kenakĩ: “Isaqueki”, ashĩshũ 8 shabatiã hawẽ hina kubitxi bikĩ meshtenikiaki, haska Deusũ yunuima txibãkinã.

Gênesis 17:8

Canaã na hanu mĩ ikarã, mai pakea hirabi hanu mĩ hiwearã, habiari mia inũ minabu ẽ hatu ibu wamashanaii, inãkĩ yunukibi yunukinã. Mĩ mawakẽ ẽ hatũ mekenika Deus ipakeshanaii, hatu merabewanũ ikarã— iwanã,

Gênesis 15:8

—Senhor Deusuũ, na mai ẽ ibu washanairã, mĩ ea hawawẽ unãti wamakĩ mestẽwãmai ẽ hawẽ unanunã?— aka

Êxodo 3:8

Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Êxodo 13:19

hatũ shenipabu shanẽ ibu José mawa hawẽ yura maiwama hawẽ shau bau merã naneshũ dĩtu merã hawenabũ arunibu Moisĩ hatu bumaya haska José hatu yubakĩ: “Nukunabu pakubaĩshanaibu Deusũ hatu ana shinãkĩ iyuaya nenua ẽ shau hau bushanũbũwẽ”, hatu aniwẽ taeshũ hawẽ shau bau merã nanenishũ buaibũ

Josué 24:32

Egito anua José shau besti bekubiranishũ mae Siquém anu Hamorĩ huni bakebu Siquém inũ hawẽ betsabu anua 100 ouro pei heshewẽ bai bikĩ Jacó ibuwani anu José shau maiwanibukiaki. Natianã, ha bai José bababunakiaki.

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia