Gênesis 44:18 - Kaxinawá Bíblia (BR)

¹⁸ Judá nashukukĩ Joséki kemashũ hãtxa mae wanikawẽ ana yuikĩ: —Shanẽ ibuũ, eska nũ mibe hãtxaima hune ẽ mia yuiai mĩ ea nĩkatirumẽ, eki sinatamarã? Faraó keska mĩ shanẽ ibu kushipahairakirã.

Gênesis 44:18 Referans Kwoze

Êxodo 32:22

Arãonẽ Moisés beparãkĩ kemakĩ: —Ẽ shanẽ ibuũ, eki sinatayamawe, na yurabũ txakabu betxipaikĩ amisburã, mĩ unaĩwẽ taearã.

Gênesis 41:40

Haskawẽ taeshũ Egito mai pakea hirabi anushũ habia mia ẽ mia katuaii. Mĩ ẽ yunua akai enabũ mia nĩkatã ẽ hiwe ewapa hawẽrua anu inũ ẽ mai pakea dasibi anushũ mia uĩkĩ hau dasibibũ mĩ yunua txibãkubaĩshanũbũwẽ, hamẽ earã, ẽ shanẽ ibuhaira bestikirã, mia binuarã— atã

Gênesis 18:30

nĩkamas ana ea akĩ: —Eki sinatayamawe. Ana ea akĩ ẽ mia ana yukairã, 30 pepabu besti hayakẽ habuwẽ taeshũ dasibi mĩ hatu kupiriashanai?— aka Senhor Deusũ ana kemakĩ: —Peki. 30 pepabu hayakẽ ẽ hatu akamaki, kupikinã— aka

Gênesis 41:44

Haskakaũtani txĩtũkiranaya Faraónẽ José yuikĩ: —Mia mĩ haskabia earã, ẽ shanẽ ibuhaira Faraó bestiki. Haskawẽ taeshũ hau mia txibãkĩ kaneyamanũbũ enabu hatu yunupakeshãwẽ, Egito hirabi anuaburã, mĩ hatu yunuama tsuã hawa watirumakirã— atã

Gênesis 18:32

ana ea akĩ: —Eki sinatayamayuwe. Ana bestiwakĩ ea akĩ ẽ mia yukaii. 10 pepabu besti hayakẽ haskara mĩ hatu wai kai?— aka Senhor Deusũ ana kemakĩ: —Peki. 10 pepabuwẽ taea habuwẽ taeshũ Sodoma nawabu ẽ hatu yamawama iki kaii— atã

Hechos 2:29

—Ẽ betsabu inũ ẽ puibuũ, nukũ shenipabu kayabi Davikiri txanima shabakabi matu yuinũ ea nĩkakãwẽ. Davi mawa hanu maiwakĩ hawẽ yura hananibu nũ uĩmiski.

João 5:22

Haskawẽ taeshũ tsuara Epa Deusũ unãti waismaki. Hakia hau dasibibu hawẽ bakẽ hatu unãti washanũ hawẽ kuxipa inãni hayaki. Haskawẽ taeshũ habias Deus kẽwãmisbu keska wakĩ hawẽ bakeri hau kẽwãshanũbunã. Tsuabũra hawẽ bake ma yununi kẽwãbumarã, haskatã hawẽ Epari kẽwã kayabitirumaki.

Daniel 5:19

Hawẽ kushipa Deusũ ma inãniwẽ taea yurabu shukuabu tibi inũ hãtxa betsa betsapawẽ hãtxamisbu mĩ hutxi bebunua datei saki saki ipaunibuki. Tsuabura tenãkatsi ikĩ tenãkubainiki. Tsuabura hau hiweyunũbũ mĩ hutxĩ hatu henekubainiki. Betsa betsapa shanẽ ibu wakubaĩkĩ betsa betsapa hatu nuitapa wakĩ hatu babu wakubainiki.

Daniel 3:15

Mimawati mawaibu nĩkakĩ hawaira mane ouro dami ẽ hatu amashina bebũ dãti iki beutã mã kẽwãtirumẽ, ikisrã? Hakia mã kẽwãmakẽ na habiatiã txi here hi ikai anu matu urẽkanikiki. Haska matu waibũ haratura yushinẽ matu mekekĩ piskumatirumẽ?— hatu wa

Provérbios 19:12

Inu betsa leão pubeĩ tekerẽ imis keskai shanẽ ibu sinatakĩ hawẽ hãtxa kushipa hatu nĩkamamiski. Hakia shanẽ ibũ hawenabu hatu merabewakinã, hatu benimawamiski, basi anu ui eskarabes ikĩ txa amis keska hatu wakinã.

Ester 1:12

Vasti anu bushũ haska hawẽ benẽ yunushu yuiabu hakia shanẽ ibũ yunuti hãtxa ikatsi ikama hatu danãkĩ hawẽ aĩ kayabi Vastĩ hatu hawa nĩkamakẽ txĩtũbirã Vastĩ hãtxa yuiabu nĩkatã shanẽ ibuhaira Assuero sinatahairai mĩ haki kematiruma dakashũ

Gênesis 44:17

José kemakĩ: —Ẽ matu haska wamahairaki. Ha hatũ sakukia kẽtxa ẽ tsumapã betxishu ha besti ẽ dayaru escravo ẽ waii. Hamẽ maturã, unanuma matũ epã hiwe anu burikãwẽ, tsuã matu hawawamakirã— hatu wabia