Gênesis 42:21 - Kaxinawá Bíblia (BR)

²¹ hãtxa maewanika ma kakẽ habu besti hatũ hãtxa shabakabi yuinamei: —Nukunã, nukũ betsa José nũ itxakawaniki. José: “Ea haska wayamakãwẽ”, iki nuitapakĩ nuku haska wabiaya nũ nĩkama iniki. Haskawẽ taeshũ ikis nukũri nũ bika teneriaii— ikaibũ

Gênesis 42:21 Referans Kwoze

1 João 1:9

Hakia hau nukũ txakabu nuku buashunũ hawara mekĩ nũ hatu mexu waxinaki dateama Deus inũ tsuabura nũ txakabuwaxina hau nĩkanũbũ shabakabi nũ hatuki txaniaya Deus pepa nukuwẽ nuikĩ nukũ txakabu buatã ana xinãma nuku hakimawatiruki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

Hechos 19:18

Hanu ikũwaĩbu itxabu anua betsabu benishũ haska wakĩ txakabuwakubaĩnimabu hatuki shabakabi txanikubaĩnaibũ

Mateus 7:2

Hamẽ hatuwẽ nuiama txitekĩ mã hatu ha amiskẽ habiaskari wakĩ Deusũ ha mã hãtxai ha imiswẽ Deusũ matu ha akĩ txiteriashanikiki. Ha inũ, habias xinãwẽri mĩ hatu unãti wamiswẽ Deusũ maturi unãti washanikiki, kaneamarã.

Jeremias 2:19

Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

Jeremias 2:17

Na eska nawabũ matu wakinã, ea ẽ matũ mekenika Senhor Deusũ ẽ baiwẽ ẽ matu iyubia ea txibãma mã ea heneabuwẽ taeshũ matu itxakawamisbuki, ẽ ana hawa matu hatu nemashunamarã.

Provérbios 21:13

Tsuara nuitapakĩ hatu ea abiabu hawa merabewakĩ hatu uĩmaismarã, txipu habiaskariai merabe yuka iki ea iriaya ha manakukĩ tsuã hari hawa inãma ishanikiki.

1 Reis 17:18

hawẽ ewa datehairakĩ Elias yuikĩ: —Deus anua huniĩ, haskara nũ uinanaĩ? mia inũ earã. Ẽ txakabukũkaini ea shinãmakĩ ẽ bake debuwanũ ika mĩ ebe hiwei huimamẽ?— aka

2 Samuel 12:13

e itã haskaima Natã bebushũ Davĩ yuikĩ: —Senhor Deus danãkĩ txakabu betsa betsapa ẽ akimaki— ikaya kemakĩ Natãnẽ yuikĩ: —Mĩ txakabuwaimawẽ taeshũ Senhor Deusũ mia kupia mĩ mia mawama ishanaii.

Gênesis 41:9

Hanushũ vinho hushkeshũtã meshũmis shanẽ ibũ atimas Josékiri shinãtã Faraó yuikĩ: —Ẽ txakabuwẽ taeshũ mĩ nuku aka ẽ uĩyama ha shinãkĩ ẽ mia yuiaii. Mĩ tsumabuki sinatakĩ ea inũ misi wanika shanẽ ibu nuku dabe mekenika capitãonẽ hiwe anu mĩ hatu nuku yunua nuku bitximabu ea inũ misi wanika shanẽ iburã, shaba betsatiã habias meshu merã usha namakĩ nukũ nama betsa tibi uĩshĩkĩ hawẽ shinã nũ unãma shanẽ ibũ mekenika dayaru escravo Hebreu nawa berunãtũ nukũ nama tibi nũ yuia nukũ nama tibi shabakabi yuikĩ nuku unãmashĩkẽ shaba dabe inũ besti kaya habiaskari Hebreu nawã nuku yuishina keska wakĩ mĩ ana ea txĩtũwãyamaki, ẽ namayama keska wakinã. Ha inũ, misi wanika shanẽ ibu mĩ hatu teneshmayamaki, haska hawẽ nama yuiyama keska wakinã— aka

Gênesis 45:3

José hawẽ betsabu shabakabi hatu unãmakĩ habũ hãtxawẽ hatu hãtxa wakĩ: —Earã, ẽ Joséki. Ẽ epa hiweyuamẽ?— hatu waya habũ itxakawanibuwẽ taea haki datetxakayamai huĩti metesheketxakayamatã hawa yuiama hashpa ha dapi mapuabũ

Gênesis 50:15

Hanua hatũ epa mawaimakẽ José betsabũ shinã txakai yuinamekĩ: “Eskatianã, José nũ itxakahairawaniwẽ taeshunã, nuku danãkĩ nukuri kupihairashanikiki”, ikĩ

Gênesis 44:16

Judá kemakĩ: —Shanẽ ibuhairatuũ, harakiri nũ mia yuitima kaya mĩ nuku waii. Haska wakĩ nũ hawa yumetsuama ishu haskatã nukumebi nũ petirumaki. Haskakẽ nũ txakabuwaniwẽ taeshũ Deusũ nuku unãti washuki, nuku kupinũ ishunã. Mĩ kẽtxa txashakapa tsuãra saku anua mĩ tsumapã betxishuwẽ taeshũ ha bestima nuku dasibiri mĩ dayaru escravo nuku wariwe— aka