Gênesis 37:35 - Kaxinawá Bíblia (BR)

³⁵ hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.

Gênesis 37:35 Referans Kwoze

Jó 2:11

Haska Jó txami inũ bika betsa betsapa tenekubainai nĩkatã hawẽ haibuaibu Temã mae pakeanua Elifaz inũ, Suá mae pakeanua Bildade inũ, Naamá mae pakeanua Zofar habu Jówẽ nuikĩ merabewakĩ pe shinãmanũ ika hatũ mae tibi anua hanus dasitã haki nukui bekĩ

2 Samuel 12:17

hanua anibu unanepabũ Davi merabewamisbu bushũ maĩ daka benitã pimanũ, iwanã, unãshubira yui pewabiabu hakia hatu nĩkabiatã hatubetã piama ikũkainaya

Gênesis 42:38

Jacó yuikĩ: —Ẽ bakerã, ẽ matube nitxiãmahairaki. Hawẽ betsa José mawaniwẽ taeshũ hawẽ ewã ha besti bitã haya ea mawashunikẽ haskawẽ taea matube kai bai namakia yutekakenã, earã ẽ haskashanai? Matũ ibu mestebu mã ea tenãshanaii, nui paewenã— hatu waimakẽ

Jeremias 31:15

ana Senhor Deusũ yuikĩ: “Nuihairai kashai bis bis ikaibu ha mae Ramá anushũ nĩkashãkanikiki. Jacó aĩ Raquelĩ enabu aĩbuaibu hatũ bakebuwẽ taea kasha neseama hatũ bakebu dasibi hayabumawẽ taea hawenabũ hatu daewabiabu nĩkama ishãkanikiki”, iwanã,

Gênesis 45:28

hatũ epã yuikĩ: —Menã hanũ ẽ mawanũ ẽ bake hiwea mã ea yuiairã, menã ea haki nukumakĩ uĩmari bukãwẽ, hanũ ẽ mawanunã— itã

Gênesis 31:43

haska wa nĩkatã Labãonẽ yuikĩ: —Haskamaki. Ea nĩkawe. Ha mĩ aĩ dabe mĩ iweshinarã, ẽ bakebuki. Hawẽ bakeburã, ẽ bababuriki. Ha mĩ inabu dasibirã, enaki. Dasibi mĩ beshianã, enaski. Hakia ẽ aĩbu bake dabe inũ hawẽ bakeburã, ẽ ana hawa hatu washũtirumaki, merabewakinã.

2 Samuel 12:23

Ikis ma mawakẽ haska washũ ẽ ana hiwematirumawẽ taea hamẽ ẽ samaketirumaki. Haska watã ana txĩtũwãkĩ ẽ hiwematirumaki. Txipu eari mawatã ẽ haki nukui ka hari eki nukushanikiki— hatu wanikiaki.

Gênesis 48:11

hawẽ epã José yuikĩ: —Mĩ ma ea benushuni dabanẽ ẽ ikũkaĩmis ẽ mia uiaiĩ. Hanushũ mĩ bakeburi Deusũ ea hatube mia uĩmaikiki— ikaya

2 Samuel 19:1

Davi hawẽ bake mawashuwẽ taea nuihairai kasha txakayamaya Israelĩ enabu dasibibũ nĩka keyubaunaibũ Joabe anu ana kashũ yuiabu ha shabatiã detenamei maemanãbiakãshu hawẽ benimatima hatu punu nuka wakĩ keyuabũ