Gênesis 37:14 - Kaxinawá Bíblia (BR)

¹⁴ —Mĩ betsabu inũ nukũ inaburã, haskaramẽkaĩ? Hatu uĩtãwẽ, hushũ ea banabimayushunã— iwanã, haska hanu Hebrom napãpa anushũ José yunua kai Siquém anu José hikitã

Gênesis 37:14 Referans Kwoze

Gênesis 35:27

Manre hawẽ kena betsa dabe Quiriate-Arba inũ Hebromrã, hanu Abraão inũ Isaque hiwea mapupaunibu anu Jacó hawẽ epa Isaqueki ana nukutushinikiaki.

Lucas 19:42

yuikĩ: —Hawẽ Deus daewati mã ea unãyã matu kupiama ikeãshãkanikiki. Hakia natiã ikũwãbumawẽ taeshũ hunea keskakẽ xinãkĩ mã ana uĩtirubumaki. Mã peirawa!

2 Samuel 18:32

Etiópia nawa shanẽ ibuhaira Davĩ yukakĩ: —Ẽ bake Absalãonã, haska pemẽ?— aka Etiópia nawã yuikĩ: —Miki sinataibu inũ mĩ shanẽ ibu mia mebĩkatsis ikaibu inũ mia txakabuwanũ ikaibu ha huni ishu keskai hau ikubaĩshanũbũwẽ— aka

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka

Gênesis 29:6

—Haskaramẽ? Hawa isĩ teneamamẽ?— hatu wa kemakĩ: —Peki. Uĩwẽ. Hanu hawẽ aĩbu bake Raquel hawẽ txashuwãbube ma nenu huikiki— akabu

Gênesis 13:18

hanua Abrão hawẽ tari hiwe hawẽ tsumabu pekamatã bekubirãkĩ Manre ni shukua merã hatũ tari hiwe ana nitxĩtã hiwenibukiaki, mae Hebrom dapirã. Hanushũ mishki txi tapu wakĩ mishki itxawakĩ maspu watã Abrão hanushũ Senhor Deus kẽwanikiaki.

Gênesis 37:15

hatu benakubauni hamakiri benui kaya huni betsa haki nukushũ yukakĩ: —Mĩ hawa benakubaunai?— aka

2 Samuel 11:7

hukirã Davi bebũ nitushiai Urias Davĩ yukakĩ: “Joabe inũ nukũ detenamenikaburã, haskara kaya detenameaibu kaka beshũ mĩ ea yuiai?” aka Uriasĩ haskaibu dasibi yuia

Gênesis 43:27

José hatu yukakĩ —Mã haska pe hushumẽ? Hamẽ matũ ibu anibu mã ea yuimarã, harã haskaramẽ? Hiweriamẽ?— hatu wa

1 Samuel 17:22

hanu piti inũ mabu mekeabu anu ha piti bushu hanu arubaini detenameaibu uinũ ika kushikaĩ ha mapubaunabu anu hikishũ hawẽ betsabuki nukushũ yukakĩ: “Mã haskaramẽ, nukũ epa ẽ yui kairã”, iki

Ester 2:11

hanua haska Ester pewakubaĩkanimẽkaĩ, nĩkanũ ika shaba tibi aĩbuaibũ hiwe hemaĩtĩ anu Mardoqueũ hatu daĩbaĩkĩ uĩtãtanaya