Gênesis 31:50 - Kaxinawá Bíblia (BR)

⁵⁰ Ẽ aĩbu bakebu mĩ ea hatu itxakawã kasmakĩ mĩ hatu danãkĩ aĩbu betsa biayarã, huni betsã mia nematirumabiakẽ: “Nũ yubakaiwẽ taeshũ mĩ haskaya Deusũ unaĩkiki”, hakimayamashãwẽ— aka haskawẽ taeshũ ha mishki maspu kenakĩ: “Mispaki”, nukũ hãtxawẽ yuiarã, “Hakishũ Deusũ Uĩbaũtiki.”

Gênesis 31:50 Referans Kwoze

Miquéias 1:2

Mae tibi anu hiweabu inũ nukũ mai pakea hirabi anu hiwebaunabuũ, na eska hãtxa matu yuinũ nĩka peirawakubaĩkãwẽ. Senhor Jeová hanu haki nukuti Templo meribi anushũ haska txakabuwakĩ mã kanekubaĩmis matu txitekĩ matu yuikubaĩshanikiki.

1 Tesalonicenses 2:5

Haska wakĩ hãtxa hawẽrua bestiwẽ hau hawẽ mã nuku kẽwãnũbũ nũ matu parãma ikima mã unaiĩ. Ha inũ, matu parãtã pei binũ, iwanã, nũ matu yusĩama ikima Deusũ unãriaikiki.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Malaquias 2:14

Hakia: “Haskakĩ nukũ inãkuĩ nami Senhor Deusũ nuku dananaĩ ikimẽkaĩ?” ika mã yuka ikairã. Eskaki, matu yuinũ nĩkakãwẽ. Berunã aĩyãtã hawa heneama habe hiwekũkaĩkatsi mĩ habe yubakabiani mĩ haska habe yubakani habe hiwei ikibi ikama itxakawakĩ putai mimebi mĩ parananaĩ Senhor Deusũ matu uĩkĩ unaĩwẽ taeshũ matu danãkubainikiki.

1 Samuel 12:5

Samuelĩ ana hatu yuikĩ: —Haskakenã, ekiri txakabu mã betxiamarã, Senhor Deus inũ matũ yununika shanẽ ibuhaira Senhor Deusũ katuimatũ habias unãkanikiki, txakabuwakĩ ẽ hawa kaneismarã— hatu wa habũ kemakĩ: —Haa, txanimaki— akeakeaibũ

Gênesis 31:51

Hanushũ Labãonẽ ana hãtxa wakubaĩkĩ: —Uiã. Na mishki maspuabu inũ mishki keyatapa ẽ nitxĩshurã, habuwẽ nũ yubakai nukũ shinãmatiki. Ea inũ mia namakis nia keska nũ ashuki. Ea miki sinatakĩ mia txakabuwakatsi ikĩ ha dabe ẽ binuama ishanaii. Miari eki sinatakĩ ea txakabuwakatsi ikĩ ha dabe mĩ binuamari iriashanaii. Nũ ma yubaka haska haya haratutũra nũ txakabuwakĩ kaneaya ea kasmai miã nũ kaneayarã, mĩ hutxi Abraão mekenika Deus inũ ẽ hutxi Naorĩ mekenika Deus habiastũ nuku betsa kupishanikiki— aka haska wa Jacó nĩkatã hawẽ epa Isaque mekenika Deuski datekĩ yuikĩ: —Peki. Haska nũ yubakai keska ipakenãshãwẽ— iwanã,