Gênesis 16:7 - Kaxinawá Bíblia (BR)

^7-8 mae betsa Sur bai kawẽ kai hanu tsua hiweabumanu Agar pashashina hari ha txatxa dapi tsaukẽ Senhor Deusũ nai tsuma haki nukutã yukakĩ: —Agarĩ, mĩ Sarai dayaru escravoki. Harakiria mĩ huamẽ? Harakiri mĩ kai?— aka yuikĩ: —Ẽ tsuma Sarai anua pashai ẽ hunekirãshinaki— akĩ yuia

Gênesis 16:7 Referans Kwoze

Êxodo 15:22

Ianẽwã Tashipa anua Moisĩ hatu kaĩmabaĩkĩ iyua bui hanu tsua hiweabumanu hawẽ kena Sur anu shaba dabe inũ besti bukubaini ũpash hawa betxiama

Gênesis 25:18

Ismaelĩ enabu pairã shuku betsai Havilá mai pakea inũ Sur mai pakea anu namakis ibu wai dasibi hiwea akeakerianibukiaki, Egito bari huaikiri inũ Assur bai bui binubaĩmisbu anurã, hawẽ betsabubes unanuma pe hiweama detenameirã.

Gênesis 21:17

hanua hawẽ bakẽ hui Deusũ nĩkaya nai anushũ Deusũ nai tsumã Agar kenakĩ yuikĩ: “Agarĩ, mĩ haskai ikai? Mĩ bake ni utapã namã daka kashai Deusũ nĩkashuki. Miarã, dateyamawe, mã mawamakirã.

Provérbios 15:3

Senhor Deusũnã, dasibi mae tibi anuabu hatu uĩ keyubaunikiki, habu pepabu inũ habu txakabuburã.

1 Samuel 15:7

haskabiranaibũ hawẽ detenamenikabubetã Saulũ Amaleque nawabu hatu dete taewakĩ Havilá anushũ hatu txibãbaĩkĩ Egito maiwã pakea kesha anu mae betsa Surkiri hiki buaibu hatu detekĩ keyutã

Gênesis 22:15

Hanushũ nai anushũ Senhor Deusũ nai tsumã Abraão ana kenakĩ yuikĩ: —Ẽ tsuma Senhor Deusũ mia yuikĩ: “Ẽ mia yuishina mĩ ma ashuki. Mĩ huni bake bestitxai mĩ eki hawa yaushiamaki. Haskawẽ taeshũ ẽ mia yubaii. Ẽ kushipawẽ emebi ẽ mia yubai ea nĩkawe. Pepawakĩ ẽ mia duawashanaii, pa wakinã. Pa wakĩ minabu ẽ mirimawashanaii, bishi mĩ uiaĩti wakĩ inũ ianẽwã kesha mashiti wakinã, tsuã tanatiruma wakinã. Tsuabura minabuki sinataibu minabũ hatu maemakubaĩshãkanikiki.

Gênesis 22:11

hawaira nai anushũ Senhor Deusũ nai tsumã kenakĩ: —Abraãonẽ, Abraãonẽ— aka nĩkai teku iki e itã yuikĩ: —Ẽ nenuki. Ea yuiwe— aka

Gênesis 20:1

Manre ni shukua anua Abraão kaĩkaini hawẽ aĩ inũ hawẽ escravo dayarubu inũ hawẽ inabube kakũkaini atimas mai pakea Neguebe anu mae betsa Cades inũ mae betsa Sur namakis nashui ika Gerar mae anu hikitã hanu Gerar nawabube hiweyukatsi ikĩ

Gênesis 21:18

Benitã mĩ bakeri metsũshũ heneyamawe, mĩ bake Ismael duawakĩ hawenabu itxapa ẽ hatu wariashanairã”, atã

Gênesis 21:19

hanua Deusũ Agar ũpash inãkĩ txatxa uĩma kashũ bikĩ bitxi bishtuki txatxa ũpash mata washũtã hawẽ bake amanikiaki.

Êxodo 3:2

hi mashu hamebi menui hawẽ here anua Senhor Deusũ hãtxa bunika Moisésbe hãtxanũ ika butua hi mashu anu txi herehairabiai hawa hi menuama metakara ibestiaya betxishũ