Gênesis 13:8 - Kaxinawá Bíblia (BR)

⁸ hanushũ hawẽ betsã bake Ló Abrão yuikĩ: “Epaã, mĩ enabi kayabiki. Haskawẽ taea ha ikarã, txakabuki. Haskayamanãwẽ, nukũ ina mekenikabu mina inũ eanabuberã.

Gênesis 13:8 Referans Kwoze

Hechos 7:26

Hanua mexukiri betsatiã Moisés ana kashũ hawenabu Israelbu dabe ana detenameaibuki nukutã daewakĩ hatu nemanũ ikaĩ hatu yuikĩ: “Matu dabe mã huni betsamaki. Haskai mã detenamei ikanai?” hatu wa

2 Pedro 1:7

matubetã ikũwaĩbube haibunaĩ beyanamei haska tibiwẽ nuii hiwekubaĩkãwẽ.

1 Pedro 4:8

Matu dasibirã, eska besti ikubaĩkãwẽ. Hawara mã hatubetã kanemis mã nui itxapa hayarã, hawẽri matũ txakabu mã buatiruwẽ taea nuinamei inũ abuname kayabikubaĩkãwẽ.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

Romanos 12:10

Ha inũ, matũ betsa kayabi keska wakĩ ikũwaĩbu betsabu hawara pepa mã amis xinãma hakia ikũwaĩbu betsabube merabenamekĩ habube nuinamei duanamekubaĩkãwẽ.

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Gênesis 45:24

hanushũ José hatu nitxĩkĩ nemakĩ: —Buirã, bai tanabaini matũmebi ha iki detenameama butãkãwẽ— hatu wa habu buaibũ

1 João 4:7

Ẽ betsabu inũ ẽ puibuũ, nui pae Deus anua humiski. Haskawẽ taea tsuabura nũ hawẽ bakebui ikaiburã, Deus unãkĩ haibuwakanikiki. Haskakẽ nukubu nui abunamekubainãkãwẽ.

1 Pedro 2:17

Dasibibũ matu yunumisbu hatu nĩkakĩ uĩmakubaĩkãwẽ, matubetã ikũwaĩbube nuinamei inũ Deusũ kuxipaki mesekĩ hawẽ hãtxa txibaĩ inũ Romano shanẽ ibu binuatũ hawẽ hãtxa nĩkatã txibãriakinã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

Hebreus 13:1

Ma hawẽ henea yusĩa kene ẽ matu bumai uĩkãwẽ. Jesus matubetã ikũwaĩbube nui heneama hatube abunamei duanamepakekubaĩkãwẽ.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

1 Tesalonicenses 4:9

Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.

Filipenses 2:14

Mã ma haskarã, ana tsuabura nãtakeabuki nĩkabumabiakẽ matũ hãtxa hamẽ ha ikĩ txakawama inũ ana ha irabeama pe hiwekubaĩkãwẽ.

Mateus 5:9

—Ha inũ, tsuabura duapa unãnuma hatube hiwekatsi yura betsabu sinataibu hatu daewamisbu Deusũ hawẽ bakebu wakĩ hatu kenamiswẽ taea benimapaketi xinaĩ benimakubaĩkanikiki.

Provérbios 15:18

Hawaira sinatai hãtxakĩ hatu pubẽmamisbuki. Hakia tsuabũra pe shinaĩ hawaira sinatama hawẽ hãtxa pewẽ hatu nemamisbuki.

Êxodo 2:13

ushashini bestẽtã ana hawenabu uinũ ika kakẽ hawenabu Hebreu daberi ha irabei detenameriaibũ betxitã ha huni pubẽ Moisĩ yukakĩ: —Haskai yura betsa ikaskĩ hanubi minabu mĩ kushai?— aka huni pubenẽ yuikĩ:

Gênesis 13:9

Haskakẽ mai hamẽ ikikiki. Nuku dapikea haratura mai pepa uĩtã katuwe, hanu tari hiwetãshunã, ea dapashkabainã. Hanua mĩ nortekiri kaya ea kairã, sulkiri Zoar anu ẽ kashanaii. Hanua mĩ sulkiri kaya ea nortekiri ẽ kashanaii. Mianã, ha dukũ miã hanu mĩ unanuma hiweshanai benabaũkĩ uĩbaũkĩ haratura miã dukũ katuwe”, aka

Gênesis 46:34

unanumas yuiyamashãkãwẽ: “Nukurã, nũ txashuwã mekenikabuki, nukũ shenipabu keskarã”, mã wa matu nĩkatã ha mae Gósen anu matu hiwemashanikiki, Egito nawabu txashuwã mekenikabube mã husitã hiwetirubumawẽ taearã— hatu watã

Gênesis 14:14

Hanua haska Ló atxiriabaĩshinabu Abrão banabima nĩkatã Abrão hawẽ tsumabũ bake pawaimabu hawenabu keska detenamenikabu hatuki txiti ikaĩ mebikinãtanũ ishũ hau habũ merabewanũ 318 hunibu hatu itxawatã hawẽ haibuaiburi Amorreu nawa detenamenikabu habu dikabi itxawariatã Ló ibukĩ hatũ tae tanabaini bukĩ Dã mae anua hune hatu betxitã