Gênesis 13:13 - Kaxinawá Bíblia (BR)

¹³ Hanua Sodoma nawabu hiweaburã, hunibu txakabu atimapahairakĩ Senhor Deus danaĩ txakakubainibukiaki.

Gênesis 13:13 Referans Kwoze

2 Pedro 2:10

Nukũ Shanẽ Ibuã hatu kupikinã, habu dasibibu hatũ kemu pae heneisbuma inũ hawẽ kuxipa danãkubainaibu hatu ashanikiki. Habu yusĩnanaĩ parananãmisburã, huĩti kuxitã tsua nĩkaisma inũ kẽkĩ xinã betsa wakatsi ikabuma hawaki dateama hatũ hãtxawẽ yushĩ txakabu hatũ shanẽ ibuya hatu itxakĩ ha amisbuki.

Judas 1:7

Ha hawẽ nai tsumabu hatu ashanai keskari wakĩ nawabu Sodoma inũ Gomorra mae ewapa inũ hatu dapi mae urama anu hiweabu txutawẽ kemukĩ hunibu habe hunibe txutanameaibu Deusũ hatu kupikĩ hawẽ yusĩa danaĩbu txi nukaismawẽ hatu kupishanai keska wakĩ shabakabi Sodoma inũ Gomorra hatu kupinikiaki, habias nukubũri dasibibũ hatuwẽ taeshũ nũ unãshanũbũ hatu kupikinã.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Gênesis 18:20

hanushũ Senhor Deusũ Abraão yuikĩ: —Txanima Sodoma nawabu inũ Gomorra nawabu txakabuhairamisbuki. Habu itxakanikanamei kũyã iki sinatanamemisbukiaki.

João 9:31

Huni txakabũ Deus ea akairã, Deusũ nĩkaismaki. Hakia Deuski datekĩ hawẽ hãtxa ikũwãkĩ yukai Deusũ nĩkamiski, nũ unãnã.

Mateus 9:10

ẽ hiwe anu iyushũ hatu pimanũ, iwanã, Roma pei bishũmisbu inũ Deusũ hãtxa kenenibu yusĩnanãmisbu hatu nĩkaisbuma ẽ haibuaibu itxawashũ Jesusbetã nũ piaibũ

Isaías 1:9

Senhor Deus dasibi binuatũ hawa nukunabu eskarabes nuku hatube teshewama inirã, na habiatianã, ha nawabu Sodoma inũ Gomorra anu hiweabu Deusũ hatu yamawani keska nũ ikeanaii.

1 Samuel 15:18

Eskaki, shinãwẽ. Senhor Deusũ mia yunukĩ hawẽ nemati kushipawẽ ha Amaleque nawa txakabubu mia detemakĩ hatũ mabu mĩ yama washanũ mia yunushinaki.

Gênesis 38:7

Erĩ Deusũ yunua txibãma hamebi hawẽ shinanẽ hiwe txakaiwẽ taea Senhor Deusũ betxipaiama tenãkẽ

Gênesis 15:16

Hakia ha mai pakea anu minabu hikitã hatũ ibuwẽ 4 shenipabu pakea tibi hiwekubainaibutiã habũ bakewakubainaibu ewatã habiatiãri 400 ano binukainaya minabu hari hiwea hatu itxakawabu ẽ hatu pashawa minabu Canaã anu nenu habianuri ana hiwei txĩtũbirani benũbarikanikiki. Hanua Amorreu nawabu na nenu hiweaburã, hatũ txakabu pikuhairariabumakẽ ẽ hatu kupinũbariai ẽ manayukubaĩshanaii— aka

Gênesis 6:11

Mai anu hiweabu txakabui detenamei itxakanikai hatũ mae txakabuwapaunibukiaki. Hatũ txakabu uĩkĩ Deusũ Noé yuikĩ: “Yurabũ shinã txakakĩ akaibu uĩtã eska hatukiri ẽ shinãshinaki. Mai anu ibubis txakabuwaibuwẽ taeshũ yurabu dasibi inũ mai anuabu dasibi ẽ hatu tenãkĩ keyushanaii, yamawakinã”, iwanã,

João 9:24

hanua ana yuinametã shushawaxina ana kenashũ yuikĩ: —Txani txakamahaira Deusũ besuubi nuku yuiwe. Nukũ nũ uiaĩnã, ha hunirã txakabuki, Deusũ hãtxa txibãmarã— akabu

1 Samuel 2:17

Senhor Deus inãkuĩ nami hawenabiakẽ ha berunãbũ ibubis txakabukĩ ha inãkuĩ Senhor Deus beshuãbu hawẽ berubi atimapahairawakĩ Senhor Deus kẽwãti beya danãkĩ Senhor Deus sinatamahairaibũ