Gálatas 5:26 - Kaxinawá Bíblia (BR)

²⁶ Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Kashinawa : Diosun Jesúswen taexun yuba bena yiniki

²⁶ Jaskaken nukubudan, ibubis keanma betsa binunkatsis ikama jawada yuda betsan bimiswen kemuama inun jawen nuiama jiwekubainankanwen.

Gálatas 5:26 Referans Kwoze

Santiago 4:16

Hamẽ haskama matu ibubis hãtxai kẽkĩ hawara Deusũ matu amakatsis ikai xinãma haska mã akatsi ikai besti matũmebi kẽkĩ anũ ibestikũkainairã, txakabuki.

Gálatas 5:15

Hakia yuinaka hawẽ betsabe keyunamekĩ tenã keyumis keskakĩ, maturã, ikũwaĩ betsabube mã binũkatsis iki yuãnanaĩ maturi mã beshtekei yamatirubuki. Pe mekekĩ uĩrakubaĩkãwẽ.

1 Coríntios 3:7

Matu yusĩkĩ matũ huĩtiki Deusũ kakape ẽ bana keska watanima mibã naxima keska wakĩ Apolõ txanima matu merabewatanimaki. Hamẽ nuku daberã, nũ hawamaki. Hawẽ kakape matũ huĩti anu Deusũ besti ewawakĩ yumewamiski. Haskakẽ ha daya nũ amisrã, nukunamaki. Epa Deusũ daya bestikẽ ha besti kẽwãkubaĩkãwẽ.

Lucas 14:10

Hakia mia kayabis iwãshũ hawẽ henei mã bashti ika dakakẽ hiwe ibũ mia uĩkĩ yuikĩ: “Baa, ha shanẽ ibu dapi ikiyuwe”, iwanã, mia yunuikiki. Mia haska watã mibetã piaibu mikiri hatu pe xinãmashanikiki.

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

Filipenses 4:15

Hanu matũ mai pakea Macedônia anua kashũ Deusũ kakape ẽ matu yusĩbaini ana mae betsa tibi anu ẽ yusĩkĩ taewakubainaya hanua matu anua ẽ kaĩkainaya ikũwaĩbu betsabũ ea merabewabumabiakẽ mã Filipos anuabũ besti matũ pei ea bumakĩ mã ea merabewaniki, haskai merabenãti ẽ matu yusĩma haska ẽ yusĩa txibãkĩ hiwea ẽ matu tapĩmaima hanushũ hawẽ taeshũ matũri mã ea merabewanibuki.