Filipenses 1:1 - Kaxinawá Bíblia (BR)

¹ Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Kashinawa : Diosun Jesúswen taexun yuba bena yiniki

¹ En Pablo inun Timoteon, Jesucriston tsumapan, man jabun Jesucristo ikunwainbu Filipos anuabu inun, jabun matu mekemisbu inun, matu medabewamisbu man dasibi Jesucristoki dasiabu nun matu kene bumai uindakanwen.

Filipenses 1:1 Referans Kwoze

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

1 Timóteo 3:8

Habiaskari wakĩ merabewanikabu katukinã, eskari akubaĩkãwẽ. Hunibũ hakiri pe xinaĩ haki kasheisbuma inũ, hawara yubaka bestitã kaneisbuma inũ, paeĩsbuma inũ, hatu beparãtã pei inũ hatũ mabu ibubis binumatã itxawaisbuma hau ikubainũbũwẽ.

2 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ ana matu kene bumai uĩrakãwẽ. Tessalônica mae ewapa anushũ mã ikũwaĩbu nukũ Epa Deus inũ nukũ Shanẽ Ibu Jesus Cristobe mã dasikẽ Deusũ matu duawakĩ hawama unãnuma hau matu hiwemakubainũwẽ.

1 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ matu kene bumai uĩrakãwẽ. Tessalônica mae anushũ mã ikũwaĩ nukũ Epa Deus inũ nukũ Shanẽ Ibu Jesus Cristobe mã ma dasia hatubekẽ Deusũ hau matu duawakĩ unãnuma matu hiwemakubainũwẽ.

Efésios 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

Santiago 1:1

Matu Israelĩ 12 huni bakebũ hatũ bababũ mã Jesus Cristo ikũwaĩbu mai hirabi anu mã sa ini manibaunabu ẽ Tiagõ, Deus inũ nukũ Shanẽ Ibu Jesus Cristõ tsumapã ẽ matu kene bumai uĩrakãwẽ.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

1 Pedro 2:25

Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

1 Tesalonicenses 2:2

Ha inũ, matu anu nũ hikiriamakẽ Filipos anushũ nuku itxakawakĩ nuku nuitapawaimabu mã unãriaii. Nuku bika tenemabiaibũ Deusũ nuku kuxipa wakubaina hawẽ kakape nũ matu yusĩkubainimaki.

Efésios 1:15

Haskakẽ nukũ Shanẽ Ibu Jesus mã ikũwaĩ inũ mã dasibi Jesusunabu meribibu mã hawenabu mã nuinameaibu eã haska ẽ matukiri xinaiĩ.

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Hechos 9:13

Ananiasĩ nĩkatã Jesus yuikĩ: —Shanẽ Ibuũ, Jerusalém anushũ minabu meribi mĩ hatu wai ha hunĩ mia hatu itxakãwãmiskiri itxapabũ hakiri hãtxakĩ txakabu ea yuimisbuki.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

Marcos 13:34

Haska inũ, huni txai kakĩ hawẽ tsumabu hawẽ daya tibi hawẽ hiwe anu yunuakeaketã hiwe beputi keshemis yunutã bumisbu keska wakĩ ẽ matu yunubaĩkĩ akawaii.

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã

Apocalipse 2:12

Ana Jesusũ ẽ João ea yuikĩ: “Hatũ Deusũ hãtxa yuinika Pérgamo anu itxamisbu mekea na hãtxa ẽ mia yuiai keneshũriwe: ‘Ẽ mane nupe txaipahaira kenu dabeya hayatũ ẽ matu yuiai nĩkakãwẽ.

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.

Apocalipse 1:20

Ha hawara hunea mĩ uĩshu shabakabi mia yusĩnũ nĩkawe. Ha sete bixi ẽ mekẽ yusiuri ẽ tsuma mĩ uĩshurã, ha sete mae itxamisbu tibitũ merabenã Deus yuishunikaki. Ha dikabi haki bĩ tsaũti sete ouro mane txãka daka mĩ uĩshurã, ha sete mae ikũwaĩbu itxamisbuki”, iwanã,

Hechos 1:20

Txanima Salmos una merã Judaskiri Davĩ bebũkiri yuikĩ: ‘Hawẽ mae henebainaya ana tsua hanu hiweama ishanikiki’, ani inũ: ‘Hawẽ daya henebaina huni betsã hau ibu washanũwẽ’, aniki.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Efésios 6:24

Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo

Filipenses 2:5

Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.

Filipenses 2:19

Nukũ Shanẽ Ibũ haska xinãyã matu anu Timóteo yunukatsi haska ẽ xinaiĩ, hau matu nĩkatãkĩ matũ kaka beshũ ea benimawayushanunã.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 3:8

Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

Filipenses 3:12

Jesus besti txibãkatsis ibiai ẽ pepai keyuriama inũ ẽ tapĩ keyuriamariki. Hakia pepa besti ẽ ikũkaĩshanũ Jesus Cristõ ea abukĩ ea katuniwẽ taea hawẽ xinã txibaĩ pepatã haki nukukatsis iki heneama manai ẽ txĩtũkiranamaki.

Filemom 1:1

Ẽ Paulo Jesus Cristokiri kakape ẽ yusĩbaunai ea nemakĩ beshtenũ ishũ ea bitxikĩ akawanibu inũ nukũ betsa Timóteobetã mĩ nukube dayamis nukũ haibu pepa Filemoom, ẽ mia keneshũ bumaii,