Ezequiel 3:20 - Kaxinawá Bíblia (BR)

²⁰ Haska inũ, betsa ẽ shinainã, tsuãra ea nĩkai pepabiakũkaini hatũ pepa henetã ana txakabuwakubainaibũ mesekiri ẽ hatu yunua bui huti ikaĩ di ikabu keska nemakĩ mĩ hawa hatu hãtxa wama hatũ txakabu heneabumawẽ taea mawashãkanikiki, ẽ hatu kupiarã. Hatũ pepa akubainimabukiri ẽ ana shinãma hatũ txakabuwẽ taea mawaibũ hakia miã kanekĩ mĩ hatu nemama ishiãwẽ taeshũ ẽ mia kupishanaii.

Ezequiel 3:20 Referans Kwoze

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Ezequiel 3:18

Eskakiri ẽ shinaĩ ea nĩkawe. Tsuara ha txakabuaikiri ẽ kupitiwẽ hau mawanũbũ ẽ hakiri mia yuia hawẽ txakabu henetã hau hiwekũkaĩshanũ nemakĩ mĩ hawa hatu hãtxa wama, hawẽ txakabuwẽ taea mawashanikiki, ẽ kupiarã. Hakia miã kanekĩ tsuara hawẽ txakabukiri nemakĩ mĩ merabewama ma mawakẽ hawẽ taeshũ ẽ mia kupishanaii.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

Ezequiel 18:26

Huni pepatũ hawẽ pepa henetã txakabukũkainairã, ibubis hawẽ shinã txakabuwẽ taea mawashanikiki, ẽ kupiarã.

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

1 Pedro 2:8

Ha dikabi Deusũ na eskakiri Isaías yuikĩ: “Haki huti itã tĩ iti mixkiki, hawẽ hatu sinatamatirã”, ani keskariai tsuabũra ha hãtxa hakiri kakape nĩkatã txibãkatsi ikama danaĩ haki huti itã haki sinatai keskabu Deusũ habu kupishanikiki.

Jeremias 6:21

haskawẽ taeshũ Senhor Deusũ ana yuikĩ: “Huti ikaĩ hau di ikubaĩshanũbũ mishki keska hawara txakabu hatu bebũ ẽ datã hatũ ibubu inũ, hatũ huni bakebu inũ, hatu dapi hiweabu inũ, hatũ haibuaibu di iki habiaswẽ mawashãkanikiki”, iwanã,

Isaías 64:6

Dasibi nukuburã, nũ txakabuki, huni hamapai txakabu iruma keskabu Deuski nũ kematirubumarã. Dasibi nũ merabenãmis tibi nukũ aka peparã, tari txakabu nũ detsis keskabuki. Dasibi nukubunã, kanei nũ ma di iki keyuabuki, ni pei shanai niri imis keskairã. Sinatakĩ nũ yurabu txakabuwamisrã, ha txakabunã, niwẽ nuku buawamiski, sharabaĩkinã.

Isaías 8:14

Earã, matuwẽ taea ẽ eskaki. Ẽ matũ itxati hiwe meribi keskaki. Hakia Israelĩ bakebũ shanẽ ibu dabe ẽ mishki daka haki huti itirubu keskaki. Eki huti ika keskatã ea danaĩ ha shanẽ ibu dabe hatunabube di ishãkanikiki. Jerusalém merã hiweaburã, ẽ birũ keska anu hikitã haburi harakiri kaĩtima nuitapashãkanikiki.

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Romanos 11:9

Haska inũ, ana Deus txibãbuma ishanaikiri Davĩ yuikĩ: “Hamapai piti betsa betsapa haya hawẽ besti beyusi unaĩsmapai harakiri pashai kaĩtirubumaki, nawatikis ikabu hau Deusũ hatu kupinũwẽ.

Lucas 8:15

Hakia heshe betsa mai pepa anu banarã, Deusũ hãtxa pepa tapĩtã huĩti xinã txãkãkĩ heneama mestẽtã txibãkubaĩkĩ hanushũ yura betsabu yusĩkĩ hatu ikũwãmamisbuki, mai pepa anu heshe sa aka ewai benei pamis keskairã— hatu watã

Deuteronômio 13:3

nĩkakĩ ikũwãyamakubaĩshãkãwẽ. Hakia matũ hiwea dasibiwẽ inũ matũ shinã dasibiwẽ mã Senhor Deus betxipaiai matu unãkatsis ishanikiki. Haskaya ha huni nematã txibãyamashãkãwẽ.

Lucas 2:34

hanushũ Simeãonẽ hatu yuikĩ: —Deusũ hau matu duawakubaĩshanũwẽ— iwanã, Maria besti yuikĩ: —Na bakerã, hawẽ yura Israelbu unãti wakatsi Deusũ katuniki. Hawẽ yusĩa nĩkatã hatiritũ xinã betsa watã txibaĩbũ inũ hatiritũ xinã betsa wama danãkubaĩshãkanikiki. Mĩ bake danãkĩ nupe kenuhairawẽ mĩ huĩti txatxia keska wakĩ mia yumãwãkĩ mia nuitapawashãkanikiki— anikiaki.

Mateus 18:15

ana nuku yusĩkĩ: —Ea ikũwaĩ betsã kanekĩ mia txakabuwa habes hãtxai pekĩ harakirira mia txakabuwashu hau unãnũ yuiwe. Mia nĩkaya mĩ habe haibunameshanaii.