Ezequiel 3:12 - Kaxinawá Bíblia (BR)

¹² hanushũ Deusũ Yushĩ kushipatũ ea benitã ea dũtãbainaya ea katxũ Senhor Deusũ shãtu anua hawẽ kushipa txasha txasha iki benikainaya mai patxa sakui keskai unãshubima dãka ikaĩkaini keska ẽ nĩkaya

Ezequiel 3:12 Referans Kwoze

Hechos 8:39

hene anua neshekerabebiranaibũ hanushũ Deusũ Yushĩ Pepatũ Filipe dami wabaĩkĩ yamawabainaya ha shanẽ ibũ Filipe ana uĩyama hawẽ tarãbaĩtiki inatã ha kaikiri kai benimahairakainaya

Hechos 2:2

hawaira nai anua hawẽ bana niwe kuxipa bei dãka imis keska shũku ibirani hanu maniabu anu kerũ kerũ ikĩ

Ezequiel 3:14

Deusũ Yushinẽ ha ẽ nia anua ea nuyãbaĩkĩ ea iyukĩ Senhor Deusũ hawẽ mekẽnẽ ea tsuma txakayamashũ ea iyua punu nuka sinatayabi dunukaini kai

Apocalipse 19:6

Hanushũ ẽ nĩkaya yura mirimabu hãtxai hene diri ikai keskawẽ inũ tĩ ikaĩkainai keskawẽ yuikĩ: “Aleluya! Nukũ Epa Deus kuxipahaira dasibi binu keyua ha bestitũ nuku dasibi mekei ma shanẽ ibui taeikiki. Pehairaki. Kẽwanãkãwẽ.

Apocalipse 1:15

Ha inũ, hawẽ tae mane taxipa betsa hawẽ kena latão reluzente txi merã napua txashahaira keskaki. Ha inũ, hawẽ hui hene diri ikai nĩka keskaki.

Apocalipse 1:10

nukũ Shanẽ Ibu hanu bestẽni shaba domingo betsatiã Deus ẽ yushĩki nukushũ ea betsa wa ẽ nĩkaya ẽ petxiurishũ hui kuxipahaira trombeta mimawati keskawẽ

Ezequiel 2:2

ha hui kaĩkĩ ea hãtxa waya habiatiãri hawaira Deusũ Yushĩ kushipa ea merã hikitã ea benia ẽ nikẽ habias huiwẽ ea hãtxa washu ana ẽ nĩkaya

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

2 Reis 2:16

habu Deusũ hãtxa yuishunika betsã yuikĩ: —Uĩwẽ! Mĩ dayaru nukuburã, 50 huni kushipabu nũ hayaki. Senhor Deusũ Yushinẽ Elias ainibiabaĩkĩ mati betsa anu henebaina kasmai, pashku napaku anu pakebainamẽkaĩ. Mĩ huni yusinã hau benatanũbũ betsabu hatu yunupa?— akabu hakia Eliseũ hatu yuikĩ: —Haskamahairaki. Hatu yunuyamakãwẽ— hatu wa

1 Reis 18:12

Mĩ ea haska wamatiru mia yuinũ nĩkawe. Ẽ mia henebainaya hanu ẽ unãma anu Senhor Deusũ Yushinẽ mia iyuaya Acabe anu kashũ mikiri ẽ banabima nenu hua Acabe miki nukukĩ mia betxiama yuikĩ: ‘Mĩ txanitxakaii’, ishũ ea tenãshanikiki. Ẽ mĩ dayarurã, hamẽ berunãtũ Senhor Deus kẽwãkĩ taewanishũ hawa heneama ẽ kẽwãriakubainaii.

Ezequiel 3:11

Minabu Babilônia anu iwenibu hatu uĩ kariwe. Mia nĩkatirubumẽkaĩ, mia nĩkabumabiakẽ: ‘Senhor Deusũ eska matu yuikiki. Nĩkakãwẽ’, iwanã, ea hatu yuishũshãwẽ”, ea wa