Ezequiel 18:21 - Kaxinawá Bíblia (BR)

²¹ “Hunibũ txakabuwabiakubaini hatũ txakabu hene keyutã ẽ yunuti hãtxa inũ ẽ nemati hãtxa shinãkubaĩkĩ ana kaneama pepas akubaini hiwekubaĩshãkanikiki, ẽ kupitiwẽ hawa mawamarã.

Ezequiel 18:21 Referans Kwoze

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Ezequiel 18:9

Ha huni peparã, ẽ yunuti hãtxa inũ ẽ nemati hãtxa shinãkĩ ẽ yusĩti hãtxa dasibi txanima txibãkĩ tsua hatu paraĩsma ha huni pepa kayabibuwẽ taea pe hiwekubaĩshãkanikiki, ẽ hawa hatu kupiamarã. Ea Senhor Deusũ txanima ẽ hãtxa ẽ mestẽwaiĩ.

Santiago 2:26

Ha inũ, yura yushĩyãbia hawẽ yushĩ kaĩkainaya mawamiski. Haska keskariai ikũwã bestikĩ haska Deusũ yunua txibãkĩ dayashunama hawẽ akarã, hamẽki, hatũ xinã pewama mawa keskarã.

Ezequiel 18:5

Hamẽ huni pepabu ikirã, eskamisbuki. Parananaĩsma inũ txanitxakaisma ikubaĩmisbuki.

Ezequiel 18:30

Mã Israelburã, matu tibi haska mã hiwemiswẽ taea eã ẽ matu unãti watirumamẽ? Ea Senhor Deusũ ẽ hãtxa txanima ẽ mestẽwaiĩ. Ibubis mã ea sinatamabiamis hawẽ taeshũ ẽ matu kupiyamashanũ matũ txakabu dasibi hawaira hene keyurikãwẽ, hamẽ matũ hiwea mã benuyamashanunã.

Ezequiel 18:19

Hakia matubu yuka iki: ‘Haskakĩ hawẽ huni bake nũ kupiamamẽ, hawẽ epã txakabuwẽ taeshunã?’ mã ikaya eskaki. Matu yuinũ nĩkakãwẽ. Hawẽ huni bakẽ ẽ yunuti hãtxa inũ ẽ nemati hãtxa shinãkĩ ẽ yusĩti hãtxa txibãkubaini hatu paraĩsma inũ txanitxakaismawẽ taea txanima hiweshanikiki, ẽ merabewakubainarã.

Santiago 2:14

Ẽ betsabu inũ ẽ puibuũ, tsuabura eska hãtxamisbuki. “Ẽ Deus hiweshũkĩ pe txibãkĩ ẽ ikũwaiĩ”, ibiamisbu hakia haska Deusũ yununi ashũkĩ benimawatirubumaki, hamẽ hawẽ hãtxa bestiwẽ yuirã, hawa hawẽ ikũwaĩ kayabi shabakabi hawẽ hatu uĩmakĩ ashũamabiarã. Haska Deus ikũwaĩkiri besti hãtxamisburã, Deus anu mekei pashati hawẽ ikũwaĩ hayamaki.

Ezequiel 36:27

Matu merã ẽ yushĩ mistushũ ẽ yunuti hãtxa inũ, ẽ nemati hãtxa inũ, ẽ yusĩti hãtxa mã hawẽ hiwekĩ mã ea uinũbũ ẽ matu txibãmakubaĩshanaii.

Ezequiel 18:17

hawa tsua itxakawakĩ txakabuwaisma inũ, pei inãyutã ana hawena bikĩ shekakĩ yukaismarã, ha hunĩ haska wakinã, ẽ yunuti hãtxa inũ ẽ nemati hãtxa shinãkubaĩkĩ ẽ yusĩti hãtxa txibaĩ hatũ ibubũ txakabuwẽ taea hawa mawama ishãkanikiki, ẽ hatu hiwemakubainarã.

Ezequiel 3:21

Hakia hau txakabuwayamanũ nemakĩ bebũkiri mĩ shabakabi yuia mia nĩkatã ana hawa txakabuwamawẽ taea hiweyushanikiki, ẽ ana kupiamarã. Bebũkiri mĩ hatu yuishinawẽ taea hamẽ miarã, ibubis mekei mĩ hiweyukũkaĩshanaii”, itã,

Jeremias 18:8

Hakia tsuara shukua betsabu inũ hatũ shanẽ ibubũ shinã betsakĩ hatũ txakabu henetã pe shinaĩ hiwekubainaibu haska hatũ kupiti ẽ hatuki tanabiashina ha txakabu ẽ hatu anu yunuama ishanaii.

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Jeremias 26:3

Hẽtsã, haska mia nĩkatã hatũ txakabu heneshãkanimẽkainã. Haskaibũ eã haska ẽ shinãshina hatũ txakabuwẽ taeshũ hatu kupiama ẽ shinã betsa watiruki.