Êxodo 8:4 - Kaxinawá Bíblia (BR)

⁴ Miki inũ mĩ merabewanika shanẽ ibubuki inũ minabu dasibiki tsamĩbaũkĩ matu bika tenemashãkanikiki”, akĩ habias hãtxa Faraó ea yuishũtãwẽ— aka

Êxodo 8:4 Referans Kwoze

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Êxodo 8:3

Mĩ henewã anua hene kukatsa ikasi heu mirima kaĩ txube ibirã mĩ hiwe ewapa hawẽrua merã ishtxubaĩbaini hiki keyui mĩ dĩtu merã matai, mĩ ushati merã matai, inũ mĩ merabewanika shanẽ ibubũ hiwe merãri ishtxubaĩbaini matai inũ, minabũ hanushũ misi wamisbu anuri matai inũ, matũ misi wati hi kẽtxa merãri matai tsami keyubaũshãkanikiki.

Êxodo 8:5

kashũ habias hãtxa Faraó yuibiabu ana hatu nĩkamahairakẽ hanushũ Senhor Deusũ Moisés ana yuikĩ: —Mĩ betsa Arão amariwe, hau hatũ hene inũ, hatũ pashku debu dasibi inũ, hatũ ianẽwã dasibi bemaki hau hawẽ mestẽti sanãbaũkĩ hanira Egito nawabu hiwebaunabu anu hau heu mirimahaira ishtxubirã hau dasibi hatu merã matai keyunũbũ dami wamariwe— aka

Êxodo 8:24

ushashini penaya kashũ Faraó habias hãtxa Moisĩ yuibia ana nĩkamahairakẽ txupe mirimahaira nai kuĩ meshubiranai keska wakĩ Senhor Deusũ yunuaya Faraónẽ hiwe anu inũ hawenabũ hiwe tibi anu txupe mirimahaira niri ibirã hatu pikubaĩkĩ heneama Egito mai hirabi hawa tukã wãma txupewã matashũ hatu txakabuwaya

Êxodo 9:28

Kana tĩ itxakayamai inũ barush ui mirimahaira niri ikaiwẽ taeshũ shinã betsa watã minabu ẽ ana hatu bashiama ishanaii. Haskakẽ barush ui hau nesenũ Senhor Deus nuku yukashũkãwẽ. Senhor Deus mã kẽwaĩ bunũbũ ẽ matu nitxĩshanaii— hatu wa

Números 21:7

hatiri isĩ tenei Moisés anu itxashũ yuikĩ: —Senhor Deus inũ mia itxai nũ kanehairashinaki. Dunu hau nitxinũ Senhor Deus nuku yuishũwẽ— akabu Moisĩ hatu yukashuna