Êxodo 33:16 - Kaxinawá Bíblia (BR)

¹⁶ Mĩ nukube kama nukuwẽ mĩ nuiai ẽ unãtirumaki. Hakia mĩ nukube kai nukuwẽ mĩ nuiai ẽ unãtiruki. Nukube mĩ kaya ea inũ minaburã, nawa betsa betsapabu anua mina wakĩ mĩ nuku katunirã, dasibibu mai hirabi anushũ mikiri unãkubaĩshãkanikiki— aka

Êxodo 33:16 Referans Kwoze

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.

Números 14:14

Haska mĩ ea dama yuishu mĩ hatu akaya Egito nawabũ nĩkatã Canaã mai pakea hirabi anu hiwebaunabũri nĩkariashãkanikiki. Habianuri eska mikiri ma mia nĩkaimabuki. Senhor Deus na yurabu hatube kakĩ hatu beismakĩ mĩ hatu kupiama ikimaki. Nai kuĩ merã mĩ hatu bebũ kai inũ hanua meshu merã nai kuĩ dami txi here merã mĩ hatu bebũri hukĩ iwekubiranaii.

Êxodo 34:10

hanushũ Senhor Deusũ Moisés ana hãtxa wakĩ yuikĩ: “Natiã ana minabukiri ẽ mia yubai ea nĩkairawe. Haska ẽ kushipawẽ ẽ matu ashuaĩ dami itxapa dasibibũ uĩshãkanikiki, haska nawa betsabũ uiãma ipauniburã. Ẽ hatu e imaiwẽ taeshũ hanira mã bukubainaibu anushũ ẽ kushipa dami itxapa nawa betsa betsapabũ uĩkubaĩshãkanikiki, ẽ pepa matu anushũ ẽ hatu uĩmakubainairã.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

2 Samuel 7:23

Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

Êxodo 8:22

Na Egito anu ẽ haska waitianã, enabu Israelĩ enabu Gósen anu hiwebaunabu merã ẽ hatu yunuama hawa txupe betsa taska ẽ yunuama ishanaii. Ẽ haska waya mĩ ea uĩkĩ ẽ Hamebi Hiwemis Senhor Deus earã, na mae anu ẽ nia mĩ unãshanaii.

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

Números 23:9

Na mishki mati keyatapa anushũ shabakabi ẽ hatu uĩ keyutiruki, na mati matipa anushunã. Yurabu meribi hiweabu ha yura betsabu keskamaki. Na mati matipa anushũ ẽ hatu uiaiĩ.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka