Êxodo 32:4 - Kaxinawá Bíblia (BR)

⁴ Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Êxodo 32:4 Referans Kwoze

Hechos 7:41

hanushũ mane damiwakĩ ina awa bake itsa hatu washũxina kẽwãkĩ txashuwã bake deteshũ kua keyui hatũmebi hatũ mekenẽ axiãwẽ taea haki besikĩ duawai benimahairanibukiaki.

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

1 Reis 12:28

haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Isaías 46:6

Huni betsabũ hatũ ouro pei inũ hatũ prata pei itxapa itxawatã tanakĩ hawẽ shakama balançaki unãtã hatũ yushĩ deus wakatsi tsuãra mane mabu wamistũ hau dami washunũ yunutã pakamisbuki, ha yushĩ dami bitã ha bebũ beti ishũ duawakatsirã.

Êxodo 32:1

ha 40 shaba binukaini mati anua Moisés yane buturiamakẽ Israelĩ enabũ uĩ Arão anu hunibus bua haki itxashũ yuikĩ: —Ha Moisĩ Egito anua hatũ nuku tashnimabiranimarã, haskashinamẽ? Nũ unãmaki. Haskakenã, nukũ mekenika yushĩ betsabu wakĩ nuku dami washũwẽ, hau hatũ iyukĩ nuku bebushũbainũbunã— akabu

1 Reis 12:32

hanushũ Judá enabu Jerusalém anua hanu besimisbutiã habias shabatiãri Jeroboãonẽ hawenabu habianuri hatũ besiti bena washũkĩ ha habias oitavo ushe shaba 15tiã Betel anushũ hatu amashĩshũ taewakĩ hawenabu ouro ina awa bake dami wamashĩshũ hanu hatu mestẽwãmakĩ hatũ yushibu dami kẽwãkĩ inabu menukĩ hau kuakubaĩshanũbũ ibubis shinãkĩ Jeroboãonẽ hatu yunuima hawenabu hatũ deus benabe hãtxashunikabubetã hau apakeshanũbũ Betel anushũ hawẽ kẽwãti txi tapu waimabu anushũ Jeroboãonẽ inabu nami inũ hawẽ inĩti sheniyabi menu keyukĩ hatu taemanikiaki.

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

1 Coríntios 10:7

Hanushũ Moisés kenekĩ: “Ouro ina awa bake damiwabu ha dami uĩ tsaushũ pi inũ mabesh aki benibaũ beyuskĩ ha dami kẽwãnibuki”, hatuki keneniki. Haska judeubũ dami betsa washũ kẽwãnibu keskarã, matũri ana haska husiayamariakubaĩkãwẽ.

Êxodo 32:3

hatũ ouro pau peka keyuabu itxawatã huni dasibibũ Arão anu bebirã bebirãkĩ inãbirãbiranaibũ

Êxodo 32:5

Arãonẽ haskaibu uĩkĩ dami bebũ hawẽ kẽwãti txi tapu watã hui kushipawẽ hatu banabimakĩ: —Meshukirirã, nukũ mekenika yushĩ Senhor Deus benimawai nũ beyus shanũbũ ikis dasibi pewakãwẽ— hatu wa

Êxodo 32:7

hanua haskaibũ Senhor Deusũ Moisés yuikĩ: —Uĩwẽ. Minabu Egito anua mĩ hatu iweimarã, hatũmebi txakabui benukanikiki. Hatu uĩ hawaira butukaĩtãwẽ.

Êxodo 32:24

ea haska yunuabu hatu yuikĩ: “Mã tsuabura ouro pau hayaburã, ea beshũkãwẽ”, ẽ hatu wa itxawatã ea inãbu txi here hi ikai namakis ẽ napua ha ouro dami ina awa bake keska hamebi tashnishinaki— aka

Êxodo 32:35

hanushũ Israelĩ enabũ habũ ha ina awa ouro dami Arãonẽ hatu ashũshina kẽwãshinabu shinãkĩ hawẽ hatu kupikĩ isĩ paepa hatu yununikiaki.

Êxodo 20:4

“Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.