Êxodo 20:3 - Kaxinawá Bíblia (BR)

³ Haskakẽ hamapai yushĩ betsa betsapa duawakĩ kẽwãyamakubaĩshãkãwẽ, ea besti ẽ matũ Senhor Deuskirã.

Êxodo 20:3 Referans Kwoze

Mateus 4:10

ana nemakĩ Jesusũ yuikĩ: —Haska Deusũ hãtxa kenenibu ana nĩkawe: “Matũ mekenika yushĩ Deus besti duawakĩ kẽwãkubaĩshãkãwẽ, yushĩ betsaki meseamarã”, aniwẽ taeshũ ha mĩ haska yuiairã, ẽ mia akamaki. Satanásaã, kariwe— aka

Isaías 46:9

Matũ shenipabu ikubiraniburã, haskakiriri shinãkãwẽ. Ea besti ẽ Deus kayabiki, betsa hayamarã. Ẽ habia Deuski, tsua betsa ẽ kushipa keska hayamarã.

Deuteronômio 6:5

Haskakẽ matũ mekenika Senhor Deus betxipaikĩ matũ huĩti dasibiwẽ inũ matũ hiwea dasibiwẽ inũ matũ kushipa dasibiwẽ duawakubaĩshãkãwẽ, heneamarã.

Deuteronômio 6:14

Matũ mekenika Senhor Deus matube hiwearã, yaushinãki, hawa txakabu husia uĩkatsi ikama pepa besti matu uinũ ikarã. Hakia mã kanekubainaya hawaira matuki sinatakĩ Senhor Deusũ matu yamawatiruki. Haskawẽ taeshũ matu dapi hiwebaũshanaiburã, habũ yushibubu tibi kẽwãmisbu hayaki. Hatu txibãkĩ hatubetã kẽwãyamashãkãwẽ”, hatu anikiaki.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Colosenses 2:18

Haskakẽ tsuabura pepa kayabitikiri xinaĩ keĩsbuma inũ, tsuabũra nai tsumabu kẽwãmisbu inũ, haskamabia usha namai keskakĩ hawara tashnikiranai shabakabi uĩ hatũ xinã merã keĩ xinã txãkãmisbuki. Haskamisbũ hau habũ matu txitekĩ dakewayamanũbũ uĩrakubaĩshãkãwẽ.

Filipenses 3:19

Ha yurabu haskaburã, nukũ Deuskiri xinãma habũ deusrã, pikekĩ pi bestimisburã, ha inũ, hawẽ kẽmisburã, yurabu hawẽ dakebiaibũ habu dakeama hamapai txakabu na mai anua besti xinãkĩ abukĩ akubaĩmisbu hanu bari hawẽ heneaitiã habu benunũbarikanikiki, Deusũ hatu kupiarã.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Isaías 43:10

Senhor Deusũ hawẽ hãtxa kaneama mestẽwãkĩ: “Habia mã matubuki, ẽ txaninikaburã, mã ẽ tsumabu inũ eã ẽ matu katunirã. Ea unãtã ea ikũwaĩ eki txiti ikĩ ẽ Senhor Deus dasibi binua mã ea unanũbũ ẽ matu katuniki. Ẽ iriamakẽ tsua deus betsa hayama iniki. Ha inũ, uatiã ea katxu betsa hayatirumahairaki.

Salmos 73:25

Nai anurã, ẽ tsua hayamẽ? Mia besti ẽ hayaki. Na mai ana betxipaiama mibe besti ẽ hiwekatsis ikaii.

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Isaías 42:8

Earã, ẽ Senhor Deuski, ẽ kena kayabirã. Hau tsuara betsã ẽ kushipa hawena keska wakĩ hau marias duawayamanũbũ ẽ hatu yunuismaki, hãtxa pepawẽ ea besti duawakatsi ikama dami yushĩ duawaibuwẽ taeshunã.

Jeremias 7:9

eska tibi meirã, yumetsukubainirã, huni betsa tenãkinã, aĩbu betsa beneya txutakinã, yura betsaki hamẽ txanitxakairã, yushibu Baal kẽwãkĩ sheni ininipa kuashũkinã, haska ẽ matu nemahairabianikẽ yushibu betsa betsapabu betxipaikĩ kẽwãkinã.

Juízes 6:10

Matũ ibubu yuikĩ: Matũ mekenika Senhor Deusrã, ẽ ea bestiki. Hanu mã hiweshanai anu Amorreu nawabũ yushibu betsa betsapabuwẽ dateyamashãkãwẽ, akĩ matũ ibubu ẽ hatu yuibianikẽ na habia mai anu hiweshũ mã hatũ bakebũ mã ea nĩkakatsi ismaki’, akĩ hawẽ hãtxa yuishunikã hatu yuinikiaki.”

Daniel 3:18

Hakia nuku merabewamabia shanẽ ibuũ, mianã, uĩrahairawe. Mĩ yushibubu nũ kẽwãma inũ mane ouro dami bebũ hawa dãti ishũ nũ kẽwãmariki— akaibuwẽ taea