Êxodo 19:24 - Kaxinawá Bíblia (BR)

²⁴ Senhor Deusũ ana yuikĩ: —Bututã Arão iwei ana hutãwẽ. Hakia eanu bekatsi ikaibu ea hatu hãtxashunikabu inũ minabu dasibi bei hawẽ unãti hau binubirãyamanũbũ hatu nemawe, hakia nĩkamas eanu beaibu ẽ hatu kupitirukirã— aka

Êxodo 19:24 Referans Kwoze

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Gálatas 3:19

Haskakẽ haska Deusũ hãtxa Moisés yununirã, matu yuinũ nĩkakãwẽ. Kanekĩ haska habũ txakabu waibukiri hau shabakabi unãnũbũ Deusũ hawẽ yunuti inũ hawẽ nemati Deusũ hawẽ nai tsumabu Moisés yuimakubainiki. Haska bebũkiri Abraão hawẽ baba betsakiri Deusũ yubani huriamakẽ hau Moisés yusĩa txibãkubainũbũ yurabu hatu yusĩkubainibuki. Deusũ nai tsumabũ hawẽ yunuti Moisés yuimabiakubaĩshanai

Romanos 4:15

Hamẽ hawẽ yunuti inũ hawẽ nemati hãtxa Deusũ Moisés yusĩmani kaneaibu hatuki Deus sinatakĩ kupimiski. Hakia hanu yunuti inũ nemati hãtxa hayamakẽ hawawẽ taeshũ tsua kupitirumaki.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

Lucas 16:16

Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.

Lucas 13:24

—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.

Mateus 11:12

Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.

Êxodo 24:9

hanua Arão inũ, Nadabe inũ, Abiú inũ, 70 Israelĩ enabu shanẽ ibubu hatu iyui Moisés ana mapekeshũ

Êxodo 24:1

Senhor Deusũ Moisés ana yuikĩ: —Butushũ ẽ hãtxa hatu yuitã Arão inũ, hawẽ huni bake dabe Nadabe inũ Abiú inũ, 70 Israelĩ enabu shanẽ ibubu na ẽ nia anu ana mapekekĩ hatu iweshãwẽ. Habu beaburã, benãta niti itã habũ ea kẽwaĩ hau dãti ishanũbũwẽ.

Êxodo 19:12

Na mati ẽ matirã, hau hanu kemayamashanũbũ hawẽ nemati hatu washũshãwẽ. Haska watã hatu yuiwe, hau uĩrashanũbunã, mesekirã. “Ẽ hatu kenamarã, mati anu hau mapekei hanu kemayamashanũbũwẽ. Hau hanu bua binukaĩ paiyamashanũbunã, haratura nĩkamas binukaĩ kanekĩ txakabuwayarã, hau mawanũ kupikĩ tenãshãkãwẽ.

Êxodo 19:25

butushũ Moisĩ habias hatu yuia