Êxodo 12:6 - Kaxinawá Bíblia (BR)

⁶ Bitã mekekubaĩkĩ ushe shaba 14tiã hati shabatiã ma bari hikiaya meshuriamakẽ habiatiãri hiwe ibu tibi dasibibũ ha hatũ piti txashuwã hau tesẽshanũbũwẽ.

Êxodo 12:6 Referans Kwoze

Êxodo 12:18

Ano tibi hanu ushe ha dukũ shaba 14tiã bari kaya misi shashawatiuma pikĩ taewakĩ matu dasibitũ txashuwã namiyabi misi shashawatiuma pikubaĩshãkãwẽ. Hanua shaba 21tiã bari kaya ana misi shashawatiya ma ana pikĩ taewabaĩtiruki.

Hechos 4:27

—Txanima na habiatiã shanẽ ibu Herodes Antipas inũ Pôncio Pilatos na mae anu nawa betsabube inũ Israelbube itxa mĩ tsuma Jesus meribi mĩ katuni Messias mĩ yununi mĩ kẽwãmis haki sinatakanikiki.

Êxodo 16:12

—Israelĩ enabũ ha ikaibu hatũ hãtxa ẽ nĩkashuki. “Bari kaya mã nami piaii. Hanua penaya misi pikĩ yanihaira watã ẽ earã, ‘Ẽ matũ mekenika Senhor Deus’, mã unãhairashanaii”, akĩ ea hatu yuishũwẽ— aka habias hãtxari Moisĩ hatu yuiaya

Lucas 23:1

shanẽ ibu dasibibũ haska wakĩ unãti wakĩ menetã hanua benibaĩkĩ Romano governador Pilatos anu Jesus iyushũ

Marcos 15:11

Deusbe nukunabu hãtxashunika shanẽ ibubũ yurã kaiã ana Jesuski sinatahairamakĩ hatu dasibiri sinatamakĩ keyukĩ: —Hau Barrabás nuku kaĩmashunũ yuikãwẽ— hatu waibũ yurã kaiãnẽ habiaskari yuiaibũ

Marcos 15:8

hanua yurã kaiã Pilatos anu ana beshũ yuikĩ: —Nawaibutiã huni betsa bari tibi mĩ nuku tashnimashũmis keska wakĩ natiãri huni betsa nuku kaĩmashũwẽ— akabu

Marcos 15:1

Ma penaya Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbu inũ mae shanẽ ibubu Sinédrio hirabi itxashũ haska wakĩ Jesus tenãtikiri yubakatã Jesus meneshshũ Romano shanẽ ibu Pilatos anushũ txitenũ ishũ iyuabu

Mateus 27:25

ha yura dasibibũ yuikĩ: —Peki. Nuku inũ nukũ bakebũ nũ yunuaiwẽ besti hau mawanũwẽ— akabu

Mateus 27:20

Pilatos nĩkamama hune Deusbe nukunabu hãtxashunika shanẽ ibubu inũ shanẽ ibu betsabũ yurã kaiã Jesuski hatu sinatahairamakĩ yunukĩ: —Barrabás hau nuku tashnimashũtã Jesus hau hatu tenãmanũ yunukãwẽ— hatu waibu mae anuabũ nĩkaibũ

Hechos 3:14

Hanushũ matũri Pilatos yukakĩ Jesus huni pepatũ hawa txakabuwaisma hau tashnimanũ Pilatos yunuama ha huni txakabu besti merabewakĩ mã yuka matu hawa washũama nitxĩshunimaki.

Hechos 2:23

Haska yubakani Deusũ ha huniwẽ abainai xinãma haska wai beshtenũ, iwanã, matũ hawẽ bake danãkĩ haki yubakatã hatu atximatã tenãmanũ, iwanã, huni txakabu mã hatu mastamaimaki.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Êxodo 12:14

Hamebi hiwemis Senhor Deus ẽ eaki. Ẽ hãtxa ikũwãkĩ ẽ yunuti shinãkĩ ano tibi na ushe 14 shabatiã ea kẽwaĩ besikĩ pikĩ heneyamakubaĩshãkãwẽ. Matũ bakebu inũ matũ bababu pahairai ano tibi habias ushe habiatiãri hawa hakimama habũri ea kẽwaĩ hau hanu besipakeshanũbũwẽ, heneamarã.

Êxodo 12:17

Egito anua ẽ matu kaĩmabainaiwẽ taeshũ ha misi shashama besitiã piti watã hau pipashanũbũwẽ. Matũ bakebu inũ matũ bababu pahairakubaĩkĩ na habias Páscoa besi hakimama ano tibi hau besikubaĩshanũbũ ẽ yunuti hãtxa ẽ matu mestẽwãmaii, pakĩ hatũ epa tibitũ hawẽ bakebu hau hatu yusĩpakeshanũbunã.

Êxodo 16:1

hanua Elim anua Israelĩ enabu dasibi ana bui Egito mai pakea anua pashai buimabu ushe ha katxu shaba 15tiã hanu tsua hiweabumanu hawẽ kena Sim anu hikiabu Elim inũ Mati Sinai namakis anua

Êxodo 19:1

Egito anua kaĩbirani beima ma ushe dabe inũ besti binukainaya hanu tsua hiweabumanu hawẽ kena Sinai anu Israelĩ enabu hikinibukiaki.

Esdras 6:19

Babilônia anu hatu iyunibu ana txĩtũbiranimashũ ano bena kaĩyaĩtiã shaba 14 inũ ushe ha dukũ ikaitiã Egito anushũ Senhor Deusũ nai tsumã Egito nawabũ huni bake iyuabu hatu tenãbauni inũ Israelĩ huni bake iyuabu tenãma hatu dũkebaini shinãkĩ Senhor Deus kẽhairawai benimai Páscoatiã besi tushinibukiaki.

Josué 5:10

Jericó besusi mai pãpa anu Gilgal anu hiweyukĩ hanu tashni taebiranibu ushe babekei 14 diatiã bari kaya ha Páscoa ikaya haska Egito anushũ Senhor Deusũ detenika nai tsumã hatu mabiris abaini shinãkĩ besikĩ