Ester 8:13 - Kaxinawá Bíblia (BR)

¹³ Hatuki sinataibu hatu kupinũ, iwanã, Judeu nawabũ hau pewakubaĩshanũbũ província tibi inũ dasibi hanu hiwebaunabu tibi hatu banabimakĩ keyubaũkĩ na yunuti hãtxa shanẽ ibuhairatũ hãtxa keska yununikabũ hau hatu unãmakubaĩshanũbũwẽ.

Ester 8:13 Referans Kwoze

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu

Ester 3:14

Shanẽ ibuhairatũ hatu yunuawẽ taea kene bunikabu hawaira kaĩbaini bushũ yununika tibi inũ shanẽ ibubu tibi hawẽ yunuti hãtxa hatu inãbaunabu ha shabatiã Judeubu dasibi detekatsi hau pewanũbũ província tibi anu inũ yura shukuabu dasibi tibi anu hatu banabimakĩ keyutã hanushũ hanubi shanẽ ibuhairatũ mae ewapa Susã anu habias yunuti hãtxa hatu banabimariabaunabu, yura itxapa haskatima itimaskabaunaibũ hakia unanuma shanẽ ibuhaira Assuero inũ Hamãnẽ uva vinho akaibũ,

Lucas 18:7

hamẽ Deusũ nuku merabewakĩ habũ matu txakabuwakatsi ikaibu nemairã, hawẽ xinã betsahairaki. Hawẽ katuabu Deusũ matu merabewakĩ bariri inũ mexu merã mã ea atã manaibu nĩkatã manama hawaira hatu nemakĩ matu pewashũmiski. Haskawẽ taea ea matũ Hutxi Kayabi Iuwa ẽ ana huaitiã habũ ea ikũwãkĩ henekubainabuma ẽ hatu betxituxishanimẽkaĩ?— iwanã,

Juízes 16:28

hui kushipawẽ Sansãonẽ Senhor Deus kenakĩ yukakĩ: “Senhor Deusuũ, ẽ mia ea akĩ yukaii. Ẽ beru ea tsekaimabu keska wakĩ ẽ hatu dasibi kupiriai ea shinãkĩ na habiatiã ea ana besti wakĩ kushipa ea inãyuwe, ẽ ma mawairã”, aka

Ester 8:14

Shanẽ ibuhairatũ hatu yunuawẽ taea kene bunikabu cavaloki katsaumetã hawa manama hawaira kaĩbaini buabũ shanẽ ibuhairatũ maewã kushipa Susã anu habias yunuti hãtxa hatu banabimai hatuki txaniriabaunabu