Efésios 6:23 - Kaxinawá Bíblia (BR)

²³ Nukũ Epa Deus inũ nukũ Shanẽ Ibu Jesus Cristo mã habũ ikũwaĩbu haska tibi habu haya matu inã bikubaĩkãwẽ, ikũhairawakinã, ikũwaĩbu betsabuwẽ nuikinã, unãnuma hiwekũkaĩkinã.

Kashinawa : Diosun Jesúswen taexun yuba bena yiniki

²³ Nukun Epa Dios inun nukun Xanen Ibu Jesucristo man jabun ikunwainbu jaska tibi jabu jaya matu inan bikubainkanwen, ikunjaidawakinan, ikunwainbu betsabuwen nuikinan, unanuma jiwekunkainkinan.

Efésios 6:23 Referans Kwoze

Gálatas 6:16

Haska ẽ matu yuiai keska xinã betsa watã Jesus besti ikũwaĩ mã hawẽ dasibi hiweaibu txanima mã Deusunabu kayabiki. Hanua Deus matuwẽ nuikĩ hau unãnuma matu hiwemariakubainũwẽ.

1 Pedro 5:14

Haska inũ, Cristo txibaĩbu tibi hatuki nukutã hatu danãma hatube abunamekubaĩkãwẽ. Cristo ikũwaĩ mã hawenaburã, hau Deusũ unãnuma matu hiwemakubainũwẽ. Hatiski, ẽ hãtxarã. Pedro

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

1 Timóteo 1:14

Nukũ Yavé Deus ha besti nuikipahairakĩ ea duawatxakayamakĩ hawẽ xinãwẽ ẽ xinã ea betsa wamatã Jesus Cristo ẽ itxakawabiaya ha ikũwaĩbuwẽ ea hatuwẽ nuitiwaniki, Jesus Cristowẽ taeshunã.

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

1 Timóteo 1:3

Macedônia mai pakea anu kakĩ Éfeso anushũ mĩ hatu pewakĩ mĩ hatu merabewayunũ ẽ mia baxibiranima keska habias ẽ mia ana yunuaii. Tsuabũra ha hatũ yusĩnãbũ hatũ xinã meribis hau hatu yusĩtxakayamanũbũ hatu nemakĩ pewawe.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

1 Coríntios 1:3

Nukũ Epa Deus inũ nukũ Shanẽ Ibu Jesus Cristõ hau matu unãnuma hiwemakĩ pewakĩ duawakubainũbũwẽ.

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

Gênesis 43:23

haska wabu José hiwe mekenikã hatu yuikĩ: —Ea haska yui hawẽ dateyamakãwẽ. Eanã, matũ peirã, ẽ matu bishuĩmaki. Haskakenã, matũ mekenika yushinẽ matũ epa mekemistũ matũ saku merã pei matu mistushunimamẽkaĩ— akĩ hatu haska watã hawẽ hiwe mekeshũmistũ meketi hiwe anua hatũ betsa Simeão hatu kaĩmashũtã

1 Timóteo 5:8

Haskakẽ tsuabũra hawenabuskiri xinãkĩ hatuwẽ nuikĩ merabewama Jesus Cristo ikũwãbiai danãkanikiki. Hatunabuwẽ nuikĩ merabewamawẽ taearã, habũ ikũwãbumã xinã betsa waisma keska habũ ikũwãbiai xinã hayama nuima txakabuki.

Romanos 15:33

Deusũ hau matu unãnuma hiwemanũ haska ẽ matukiri xinaiĩ, haskakirã.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Efésios 6:24

Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo

3 João 1:14

Hakia samama mia anu ka uĩnanaĩ ẽ mibe hãtxai kashanaii.