Efésios 6:14 - Kaxinawá Bíblia (BR)

¹⁴ Hanua hãtxa txanima besti yuikĩ hawa dateama mestẽwãkãwẽ. Haska wai nũ pe hiweabu Deusũ nuku mekekubaĩmiski.

Kashinawa : Diosun Jesúswen taexun yuba bena yiniki

¹⁴ Janua jancha chanima besti yuikin jawa dateama mestenwankanwen. Jaska wai nun pe jiweabu Diosun nuku mekekubainmiski.

Efésios 6:14 Referans Kwoze

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

Isaías 11:5

Tari saweaki hawẽ nanesheketi sawekĩ mestẽwã keska wakĩ yunuti kushipa pepa inũ hãtxa txanima sawekĩ akawashanikiki.

Lucas 12:35

Jesusũ hatu yusĩkubaĩkĩ ana yuikĩ: —Tari pekariama inũ bĩ nukawariama keskashũ mã ea manakubaĩshanũ bebũkiri matu yuinũ nĩkakãwẽ.

1 Pedro 1:13

Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

Apocalipse 9:17

Ẽ nama keskatã haska ẽ uĩshu inũ haska ẽ nĩkaxina matu yuinũ nĩkakãwẽ. Huni tibitũ hawẽ shutxi atximati mane taxipa txi keska inũ, nãketapa jacinto keska, inũ paxinipa enxofre keska saweabũ habũ cavalo bushka inu leão bushka keska hayabũ hawẽ hashpa anua txi inũ, kuĩ inũ, enxofre paxinipa kui tashnibainaya

Apocalipse 9:9

Ha inũ, habũ yura atximati mane kuxipahaira sawea inũ habũ pũyã peiwẽ nuyai cavalo mirimatũ hawẽ tarãbaĩtiwẽ tarãbaĩkĩ detenameaibu iyui banabainaibu keskabuki.

Jó 29:14

Ẽ hãtxawẽ ẽ tsua parãma inũ, ẽ yunuti kushipa pepa bestiwẽ taeshũ ea duawabu haska uĩ ẽ hiwekũkainimaki.

Romanos 13:12

Haska inũ, ana bari itxapama mai anu nũ hiweyuaiwẽ taea hamapai txakabu ewakainaya menã bestẽtã xinãrikãwẽ. Nai anu Deusbe nũ hiweshanai ma kemaiwẽ taeshũ txakabu henerikãwẽ. Eska keskakinã, soldadobu tsakanamẽnũ ika hawẽ mane tari kuxipa sawemis keskakĩ Deusũ kuxipa bitã hawa dateama Satanás nemakubainãkãwẽ.

Efésios 6:13

Hanushũ Romano soldadobukiri matu xinãmanũ nĩkakãwẽ. Detenamei bui tsakanamenikabu txĩtũkatsi ikama hawẽ meketi mabu kuxipa tibi sawe keyutã detenamei bumisbuki. Haska keskariai matũri diabo Satanás nemai heẽ iyamai unãnepakatsi dasibi Deusũ kuxipa hayai keyutã matu bikawaibutiã txĩtuãma maemai kuxipakubaĩkãwẽ.