Efésios 4:19 - Kaxinawá Bíblia (BR)

¹⁹ Ana hawa dakeama txakabu hamapai atimapa tibi hawẽ yura inãkĩ hawẽ kemuhairai huĩti kuxi hiweabuki, tsua ibubis e ikamarã.

Kashinawa : Diosun Jesúswen taexun yuba bena yiniki

¹⁹ Ana jawa dakeama chakabu jamapai atimapa tibi jawen yuda inankin jawen kemujaidai juinti kushi jiweabuki, tsua ibubis e ikamadan.

Efésios 4:19 Referans Kwoze

1 Timóteo 4:2

Ha yurabu beparamenikabu inũ txanitxakanikabũ habu hawaki dakeisbuma habũ hatũ yusĩa txibãshãkanikiki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.

Apocalipse 18:3

Ha inũ, mai pakea tibi anua bea hawẽ hamapai tibi kemu pae hawẽruawẽ kemui habe txutanamei keskaibu inũ, shanẽ ibu kuxipa betsa betsapa tibiri txai hiwea mirimabũ Babilôniabe atiai keskai habe yubakamisbuki. Ha inũ, ha mabu inãnanãmisbu mai hirabi anuari bea hanua mabuwãyaĩ habũ mabu inãkĩ pei mirima bimisbuki”, ikaya

2 Pedro 2:22

Ha panananãmisbu haskakiri hatu yuini txanima habiaskakanikiki. Uĩrakãwẽ. “Kamã hanãtã txĩtũkirã ana hawẽri pimisbuki. Ha inũ, ina yawa pupushaira datxukĩ shũpĩwãbiabu ana txĩtũkaĩ pupuski irumai ana hawẽ meweki pukumiski.” Haska ẽ matu yuiai keskakanikiki, txakabui ana pikuirã.

1 Pedro 4:3

Hamẽ Deus mã ikũwãriama ha ikũwãbuma keska mã iriapaunibuki. Hawara hakimatixara kemuti txibaĩnã, ha inũ, kemui aĩbu tibibe menamei inũ, piti mirimawẽ kemutapai inũ, nawai beyusi paeĩ inũ, dami yushĩ kẽwaĩ mã txakabuhairai keyurianibuki.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Marcos 7:22

Ha inũ, aĩyã inũ beneyabia betsabe txutanamemisbuki. Ha inũ, yura betsã mabuwẽ kemumisbuki. Ha inũ, txakabu betsa betsapa wamisbuki. Ha inũ, yura betsa parãmisbuki. Ha inũ, hatũ yurawẽ hawara pae tibi aki paeĩ txakabumisbuki. Ha inũ, yura betsa hawẽ hiwea keskama hatu uĩ huni betsa haska hayatirumawẽ nui hatuwẽ bika tenemisbuki. Ha inũ, txani txakabaũmisbuki. Ha inũ, ibubis xinaĩ keĩ: “Ẽ pepaki”, imisbuki. Ha inũ, yura betsawẽ nuikĩ duawakĩ merabewaisbumaki.