Efésios 3:4 - Kaxinawá Bíblia (BR)

⁴ uĩkĩ hawara Deusũ xinã hunea Cristokiri ẽ ikai xinaĩ: “Txanimaki”, mã itirubuki.

Kashinawa : Diosun Jesúswen taexun yuba bena yiniki

⁴ uinkin jawada Diosun shinan junea Cristokidi en ikai shinain: “Chanimaki”, man itidubuki.

Efésios 3:4 Referans Kwoze

Colosenses 4:3

Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã.

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

2 Coríntios 11:6

Habũ matu paraĩbu unãnepabu habũ hãtxa hawẽruabiakẽ ea ẽ hui kuxipamabia nukũ Epa Deus inũ nukũ Shanẽ Ibukiri tapĩnishũ matu ashũkubaĩkĩ ẽ matu uĩmamis keskawẽ habũ ea binutirumahairaki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

Efésios 6:19

Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.

Efésios 5:32

Aĩyaĩ inũ beneyai yura bestitxai keska hiwearã, mĩ tapĩtirurã, bikaki. Hakia habiaskariai Cristo inũ dasibi ha ikũwaĩbu haki dasia habiaskariki, Cristoki nũ haki dasia nũ yura bestitxai keskaburã.

Efésios 1:9

Cristowẽ nukũ txakabu buakatsi bari itxapa hawẽ xinã Deusũ hunenishũ hawẽ duapawẽ ma shabakabi nuku tashnimashuniki, nuku unãmakinã.

Lucas 8:10

hatu yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia habũ Deusũ hãtxa nĩka bestiaibu miyuiwẽs besti ẽ hatuki txanikũkainaii, uĩbiakĩ hau uĩ pewayamanũbũ inũ nĩkabiakĩ hau nĩka pewayamanũbunã— iwanã,

1 Timóteo 3:9

Ha inũ, Deusũ yununi hawẽ bakẽ kakape txanima unãhairai haskawẽ hiwekaĩkĩ ikũwaĩ hatũ xinã pepaya hau ikubainũbũwẽ.

1 Coríntios 13:2

Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

Efésios 3:3

Haskakẽ hawẽ xinã hunea Jesus Cristokiri ea shabakabi unãmani eskarabes ẽ dama matu keneshũshu

Efésios 3:9

Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.

Colosenses 1:26

Na haska ẽ matu yuiairã, Deusũ hawẽ kakape Cristokiri bari itxapahaira huneni yura betsa betsapa bari betsatiã hiwekubiranibu hatu yusĩama hunenishũ natiã habu Cristowẽ Deusũ meribi hatu wairã, Deusunã, ma shabakabi nuku uĩmaikiki.