Efésios 1:13 - Kaxinawá Bíblia (BR)

¹³ Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

Kashinawa : Diosun Jesúswen taexun yuba bena yiniki

¹³ Cristowen taea man judiobuma dikabitun jawen jancha chanima Diosun bake Jesús mekenankidi kakape ninkatan ikunwainbu jawen nuku tibi unanti wati yubanixun jawen Yushin Pepa nuku inantan ja dabe jawenabu nuku inun matu wadianiki.

Efésios 1:13 Referans Kwoze

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

Romanos 4:11

Hanushũ Abraãonẽ Deusũ hãtxa ikũwaĩwẽ taeshũ unãti wakĩ hawẽ xinãmati wakĩ hawẽ hina kubitxi meshtenibuki, haska ikai tsuabũra shabakabi hau unãnũbunã. Deusũ haska wanikẽ dasibibũ Deusũ hãtxa ikũwaĩbu Abraão hatũ epa ikũkaĩtiwaniki, habũ hatũ hina kubitxi meshtemisbu inũ habũ meshteabumarã. Haska tibibu Deusũ haturi unãti wakĩ: “Yura pepabuki”, hatu washanikiki.

Tito 2:11

Deusũ yurabu mai hirabi anua hawẽ duapawẽ hawẽ pashati Jesus Cristo hatu unãmakĩ bitirubu inũ biturubuma hatu shabakabi tashnimashuniki.

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Romanos 1:16

Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

Lucas 24:49

Haska ẽ Epã ea yununi keska wakĩ eãri ẽ maturi yunuaii. Deusũ hawẽ hãtxati kuxipa datetima ẽ matu yunushanai binũ ika na habia Jerusalém anu hiweyushũ manakayukãwẽ. Deusũ hawẽ kuxipa nai anua matu inã bitã nawa dasibibu yusĩkĩ taewashãkãwẽ— hatu watã

1 Pedro 2:10

Ha inũ, ha dukũ Deusunama mã inibuki. Hakia natiã mã ma Deusũ enabuki. Ha dukũ Deus matuwẽ nuiama ibiani na habiatiã matuwẽ Deus nuikiki.

Romanos 6:17

Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

Hechos 1:4

Hanua Jesus hawẽ kuxipayabube niyushũ hau Jerusalém anua kaĩbaĩyamayushanũbũ hatu nemakĩ yuikĩ: —Haska Epa Deusũ matu yubani ẽ matu yuixinarã, hau matu inãkĩ yunushanũ nenua kaĩama habianushũs manayushãkãwẽ.

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

Hechos 13:26

Abraãonẽ bababũ enabu inũ dasibi nawabu mã Deusũ kuxipaki datemisbuũ, nukũ txakabuwẽ taeshũ hau Deusũ nuku kupiyamashanũ hawẽ bakekiri kakape nukunaki. Matu yuinũ nĩkakãwẽ.

João 6:27

Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

Lucas 11:13

Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.

Apocalipse 7:2

hanua nai tsuma betsa bari huaikiria lestekiria hukĩ nukũ Epa Deus hiweatũ hawenabu unãti washũti hayatũ hui kuxipawẽ ha nai tsuma dabe inũ dabe habu kuxipa mai inũ iãnẽwã daũti hayabu hatu

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

Hebreus 2:3

Uĩwẽ. Ha dukũ nukũ Shanẽ Ibũ hamebi hawẽ pashati hakiri ibubis bebũkiri txani taeniki. Hanushũ nuku yubakĩ tsuabũra hakiri nĩkai txanima Deusũ hãtxa nũ unãkubainibuki. Nukuburã, hawẽ pashati ewapa txanima hubianikẽ mekei peama hiwe kayabikatsi ikamarã, haskatã ibubis nũ pashatirubumaki.

2 Timóteo 3:15

Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.

2 Timóteo 2:15

Hamẽ mia ikirã, hĩ hĩ ikama mĩ Deus dayashunairã, Deusũ besuubi hawa berabini mĩ dakeama ishanairã, txanima hãtxa Jesus Cristokiri dasibi hatu yui pepakũkaĩwẽ. Mĩ haskamiswẽ taeshũ Deusũ mia unãti wakĩ: “Huni dayakapakũkaĩkĩ mĩ ea dayashũmis peki”, iwanã, mia yuishanikiki. Xinaĩrakubaĩwẽ.

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.