Deuteronômio 18:15 - Kaxinawá Bíblia (BR)

¹⁵ Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

Deuteronômio 18:15 Referans Kwoze

Hechos 7:37

Hanushũ habias Moisés Israelbu hatu yuikĩ: “Hawẽ hãtxa ẽ matu yusĩnũ Deusũ ea katuni keska wakĩ habia matunabu anuari Deus yuishunika betsa kuxipa ea keska matu anu yunushanikiki”, anikiaki.

João 1:45

Filipẽ hawẽ haibu Natanael benakĩ hawẽ hiwe anu kashũ yuikĩ: —Baa, mia yuinũ, ea nĩkawe. Hakiri Moisés inũ Deusũ hãtxa yuishunikabũ keneniburã, nũ ma haki nukuxinaki, Josẽ bake Jesusrã. Hawẽ mae Nazaréki— aka

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

João 6:29

Jesusũ ana hatu yuikĩ: —Deus benimawakinã, hatũ ea yununi besti ikũwãkãwẽ, ẽ eakirã— hatu wa

Lucas 24:19

hanushũ hatu yukakĩ: —Haskaxinamẽ? Ea yuiwe— aka ana yuikĩ: —Jesus Nazaré anua ewani itxakawakĩ eskaya tenãxinabuki. Mia yuinũ nĩkawe. Deusũ hãtxa yuishunika pepahaira eskakĩ Deus inũ yura itxapabu hawẽ aka uĩmakĩ daya duapa inũ hãtxa kuxipai unãnepai

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.

Lucas 10:16

habũ txibaĩbu betsabu yuikĩ: —Tsuabura ẽ hãtxa mã hatu yusĩayã matu nĩkakĩ eari nĩkashãkanikiki. Hamẽ tsuabũra matũ hãtxa danãkĩ enari danãriashãkanikiki. Ha inũ, ea danãkĩ hatũ ea yununiri danãriashãkanikiki— hatu watã hatu nitxiã bunibukiaki.

Deuteronômio 34:10

Moisés keska Deusũ hãtxa yuishunika betsa Israelĩ enabu anua tsua haska keska hayama inibukiaki, haska habe beisinaĩ hãtxapauni keskarã.

João 1:21

—Mĩ tsuaraka, Deus hãtxashunika Elias kanirã, mĩ hamẽ?— akabu —Ẽ hamariki— hatu wa —“Deusũ hãtxa yuishunika kuxipa ea keska hushanikiki”, akĩ Moisés yuinirã, mĩ hamẽkaĩ?— akabu —Ẽ hamariki— hatu wa

Lucas 2:32

Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya

Mateus 21:11

Jesusbe bukĩ hatu yuikĩ: —Deusũ hãtxa yuishunika Jesuski. Galiléia mai pakeanua hawẽ mae Nazaréki— hatu akubainaibũ,

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Lucas 7:16

Jesusũ haska wai uĩ haska uĩsbuma hawẽ datei mesehairakĩ: —Habaa! Nuku anu Deusũ hãtxa yuishunika pepahaira ma ana tashnixinaki. Hawenabu duawai Deus ana bayushuki— ikĩ Deus kẽwãkubainaibũ

João 4:19

nĩkai e iki teku iki huĩti metesheketã yuikĩ: —Shanẽ ibuũ, mĩ Deusũ hãtxa yuishunika ẽ mia nĩkaii.

João 9:17

huni shushaxina ana yukakĩ: —Mĩ beru mia shushawaxinawẽ taeshunã hakiri hawa mĩ yuiai?— akabu —Ha hunirã, Deusũ hãtxa yuishunikaki— hatu wa

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Números 12:8

Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai