Daniel 4:29 - Kaxinawá Bíblia (BR)

²⁹ Hanua ano bestitxai kaya Babilônia anu hawẽ hiwe hawẽrua keyatapahaira masapa anu nikaũkĩ uĩbauni ibubis kẽkĩ hawẽ merabewanikabu Nabucodonosorĩ

Daniel 4:29 Referans Kwoze

Apocalipse 2:21

Hamẽ hau Jezabelĩ hawẽ txakabu henekĩ hawẽ xinã betsa wanũ ishũ ẽ manakabia xinã betsa wakatsi ikama hawẽ kemu txutanametikiri henekatsi ikamaki.

2 Pedro 3:15

Xinaĩrakãwẽ. Nukũ Shanẽ Ibu nukuwẽ nui hĩ hĩ ikama pewẽ nuku pashawakatsi nuku merabewaikiki. Habiaskiri nukũ betsa Paulõ matu keneakeakeshũyamaki, Deusũ merabewaya unãnepakinã.

1 Pedro 3:20

Hamẽ nukũ shenipabu Noẽ hawẽ nunuti waya habias habu yushĩ patapanibu nitxĩriama hau Deusũ hãtxa nĩkanũbũ hĩ hĩ, iwanã, hawaira hatu kupikatsi ikama Deusũ hatu manayuaya hawẽ hãtxa danãnibukiaki. Ha inũ, ui heneama hene ewa wakĩ yura betsa betsapabu hatũ txakabuwẽ taeshũ ha henewẽ hatu kupikĩ Deusũ dasibi yamawanikiaki. Hanushũ yura eskarabes oito besti nunuti merã Deusũ hatu kupiama Noéwẽ besti pashai mekenibukiaki.

Gênesis 6:3

Hanushũ Senhor Deusũ hatukiri shinãkĩ: “Ẽ yushinẽ hatu merabewapaibia yurabũ ea shinãma txakabukubaĩkĩ hatũ yura besti shinaĩ hiwekanikiki. Haskaibuwẽ taea ana hatishuĩra hunibu hiwetirubumaki. Haskakubainaibu ana 120 bari besti yurabu hiwetã debushãkanikiki”, inikiaki.

Daniel 4:30

hatu yuikĩ: “Babilônia mae ewapahaira hawẽrua uĩkãwẽ. Ẽ maewã uĩkĩ ẽ kushipa hau shinãkubaĩshanũbũ shanẽ ibukĩ nenushũ ẽ hatu yunukubainũ, iwanã, na maewã hawẽrua ẽ kushipawẽ ẽ hatu amakubainimaki”, hatu wai

Daniel 4:14

hui kushipawẽ yuikĩ: Ha hi derashũ hawẽ mebi meshte meshte atã hawẽ pei sirikĩ keyutã hawẽ bimi tsekakĩ keyushũ sa akãwẽ, hanu yuinaka utamisbu inũ isapã na wamisbu hau tashni pashanũbũwẽ.

Daniel 4:22

haskarã, shanẽ ibuũ, ha hi keskarã, habia mĩ miaki, ewai mĩ ma kushipahairairã. Hatu detekubaĩkĩ hatũ mae tibi atxikubaĩkĩ nai kuĩ mĩ binua keskaki. Hanira mai hirabi anu mĩ hatu yunumisrã, haki.