Daniel 3:24 - Kaxinawá Bíblia (BR)

²⁴ hatu haska waibu uinũ ika hawaira Nabucodonosor benikaĩ e ikĩ hawẽ unanepabũ merabewamisbu yukakĩ: —Huni dabe inũ besti neashũ txi anu putakãshumẽ?— hatu wa habũ kemakĩ yuikĩ: —Haa. Haska wakãshuki— akabu

Daniel 3:24 Referans Kwoze

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Daniel 6:7

Shanẽ ibu beshmasbu inũ, maewã yununikabu inũ, mia merabewanikabu inũ, mia dayashũmisbu nũ itxashũ shinãshinaki. Mĩ shanẽ ibuhairatũ yunuti bena mĩ yunutiru nuku dasibibũ eska nũ shinaiĩ. 30 shaba kaya hamapai yushĩ inũ deus inũ hunĩ hawẽ merabewati tsuã yukatirumaki. Kẽwãkĩ mia besti hau yukakubaĩshanũbũwẽ. Tsuabũra mĩ yunuti hãtxa nĩkakĩ mia akabumakẽ mai kini merã inu betsa leão pubẽ hiweabu anu hau hatu urẽshanũbũwẽ.

Hechos 26:27

Agripakiri besushũ yuikĩ: —Shanẽ ibu Agripaã, Deusũ hãtxa yuishunikabũ keneni haskakiri ẽ mia yuiairã, mĩ ikũwaĩ? Ẽ xinãnã, mĩ ikũwaiĩ— aka

Hechos 26:13

bai putxinĩ ma bari mananãbibiakẽ kakĩ ẽ uĩayã naiuria bĩ kuxipahaira bari binuatũ ea inũ ẽ haibuaibu nuku datxashaya

Hechos 12:13

hiwe hemaĩtĩ kenenibu hanu hikiti shui beputi tsã tsã akaya Mariã tsuma aĩbu hawẽ kena Rode: —Tsua ikimẽkaĩ?— ika kaĩkaĩ uĩ kashũ

Hechos 9:6

Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã— akaya

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.

Daniel 5:6

datei besu hushuhairatã hawẽ yura hirabi saki saki ikĩ

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Daniel 4:22

haskarã, shanẽ ibuũ, ha hi keskarã, habia mĩ miaki, ewai mĩ ma kushipahairairã. Hatu detekubaĩkĩ hatũ mae tibi atxikubaĩkĩ nai kuĩ mĩ binua keskaki. Hanira mai hirabi anu mĩ hatu yunumisrã, haki.

Daniel 3:17

Txi here hi ikai inũ dasibi mĩ nukũ shanẽ ibũ nuku txakabuwakatsis ikai nukũ Mekenika Deus nũ kẽwãmistũ nemakĩ nuku binumatiruki.

1 Samuel 17:55

Davĩ Filisteu nawa Golias detei kai uĩkĩ Saulũ bebũkiri hawẽ detenamenika shanẽ ibu Abner yukakĩ: —Abnerĩ, tsuã huni bake ikimẽkaĩ, ha berunanã?— aka kemakĩ: —Shanẽ ibuũ, Deusũ nuku uiãyã eãri ẽ unãmaki— aka

Daniel 3:23

hakia mai kini anu Sadraque inũ, Mesaque inũ, Abede-Nego neashũ putabu kauani txi dekẽhaira anu tĩ ikaibũ

Daniel 3:25

shanẽ ibũ ana hatu yuikĩ: —Haska wabiakãshukẽ eã uĩkinã, huni dabe inũ dabe neakama txi anu mapubaunaibu hawa menui txakabuama ẽ uiaiĩ. Ha betsarã, tsuã ha txi anu ureãma yushibũ huni bake itsaki— ikĩ