Colosenses 2:16 - Kaxinawá Bíblia (BR)

¹⁶ Judeubu hatũ beya tibi hayabuki. Haska inũ, hatũ beya betsa txibãkĩ piti dasibi pitirubumabia piti betsa besti pitirubuki. Haska inũ, hatũ beya betsa txibãkĩ hawẽ nushuti betsa atirububia betsa atirubumaki. Haska inũ, hatũ beya betsa txibaĩ itxatã besi betsa betsapawẽ besimisbuki, ushe benatiã inũ huĩrukũti sábado tibitianã. Haska tibi txibãkĩ amisbunã, hau matukiri haska xinaĩ ha iyamakubainũbũwẽ.

Kashinawa : Diosun Jesúswen taexun yuba bena yiniki

¹⁶ Judiobu jatun beya tibi jayabuki. Jaska inun, jatun beya betsa chibankin piti dasibi pitidubumabia piti betsa besti pitidubuki. Jaska inun, jatun beya betsa chibankin jawen nuxuti betsa atidububia betsa atidubumaki. Jaska inun, jatun beya betsa chibain ichatan besi betsa betsapawen besimisbuki, uxe benatian inun juindukunti sábado tibitianan. Jaska tibi chibankin amisbunan, jau matukidi jaska shinain ja iyamakubainunbunwen.

Colosenses 2:16 Referans Kwoze

Romanos 14:10

Hanushũ Deusũ yuikĩ: “Ẽ hãtxa txanima matu yuinũ nĩkakãwẽ. Yura dasibibu unãtã ẽ hatu kupiaya dãti itã ea kẽwãkĩ haska ea besti kuxipahairatũ ẽ hatu kupiaya ea yuiakeakeshãkanikiki”, aka hawẽ hãtxa yuishunikatũ keneniki. Haskawẽ taeshũ tsuabũra Jesus txibaĩ betsabu hatukiri nũ hatu yuaĩbu inũ tsuabũra Jesus txibaĩ betsabu nũ hatu danãmisbu nũ haska hatukiri hãtxamis Deus bebũ nia nũ haki txaniaya nuku tibi unãti wakeakeshanaiwẽ taea nukubetã Jesus ikũwaĩbu ana hatu yuãkĩ danãyamakubainãkãwẽ, nukũmebirã.

Gálatas 4:10

Hawẽ pepanũ, iwanã, Moisés yusĩa txibaĩ judeubũ besi betsa betsapa mã imiski, hanu nawatitiã inũ, ushe benatiã inũ, uitiã inũ, baritiã inũ, bari benatianã.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

Mateus 15:11

Hawara yurabũ piabu hawa hatu txakabuwaismaki. Hakia yurabũ huĩti meranua hawara hãtxa txakabu xinaĩ anua tashnikĩ hatũ hatu txakabuwamiski, Deus sinatamakinã— hatu waya

Hebreus 9:10

Ha inũ, hawẽ yubati hãtxa bena Deusũ yuiriama haska wakĩ hau pishanũbũ inũ, haska wakĩ hau nushushanũbũ inũ, haskai pepai hau datxukishanũbũ yusĩkĩ hatũ yura bestikiri Deusũ hatu yununi hawẽ hatu merabewayuniki. Hakia natiã na habias hãtxa txibãkĩ tsuã ibubis hatũ xinã mekekĩ pewatirubumaki.

Santiago 4:11

Ẽ betsabu inũ ẽ puibuũ, betsabũ ikũwaĩbu betsabukiri hawara txakabu nĩkatã yura betsabu yuibaũkĩ mã habu yuaiĩ, hatukiri haskatimabiakenã. Txanima Deusũ nuku yusĩkĩ: “Matũmebi mã nuimis keskakĩ yura betsa betsapa tibiwẽ nuikĩ hatu duawakubaĩkãwẽ”, iwanã, nuku yusĩniki. Haskakẽ tsuabũra ikũwaĩ betsabu txitekĩ Deusũ yusĩa txiteriakĩ haratura yusĩa mã abuamabia hawẽ besti hatu unãti wakĩ mã hatu txiteakeakeaii, matũ yunukĩ akawakinã. Hatu haska wai mã daki ana Deusũ yusĩa txibãkatsi ikama danaĩ mã haki meseamaki, hawẽ yunutikirã, Deusũ abiashanayarã.

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

Isaías 1:13

Matũ inãkuĩ ẽ ana betxipaiamaki. Ana hamẽ ea beshũyamakãwẽ. Habũ kuĩ inabainairã, ẽ ana shetekĩ tenetirumahairaki. Matubu ushe bena tashniai tibitiã inũ, huĩrukũti sábadotiã matunabu itxawatã keĩ benimai mã besimiski. Hakia mã hiwe txakamiswẽ taea ha besi mã imis betxipaiama ẽ danãhairaii.

Salmos 42:4

Ea haska tibi yuikĩ ea shinãmabu eã dasibi ẽ hawẽ bika teneai ẽ huĩti ẽ mia bepẽshũmiski. Mĩ tari hiwe anu enabu ẽ hatu iyuaya habũ ekiri shinãkĩ benimakĩ hatũ huĩti hirabiwẽ haska mia kẽwãkubaini nũ haskanirã, ẽ shinaiĩ. Mikiri besi pepa ẽ hakimamaki!

2 Reis 4:23

hawẽ benẽ yukakĩ: —Haskakĩ ikis mĩ uĩ kakatsis ikai, ushe benatiã inũ huĩrukũtitiã nũ hanu habe itxamis ikis iriamabiakenã?— aka kemakĩ yuikĩ: —Ea haska shinãshũyamawe— aka

1 Samuel 20:18

Jônatasã Davi ana yuikĩ: —Meshukiri ushe benakẽ nũ besiaya hanu mĩ tsaumis anu mĩ hayamakẽ mikiri yuka ishãkanikiki.

1 Samuel 20:5

Davĩ kemakĩ yuikĩ: —Eska ẽ shinaiĩ. Meshukiri ushe bena tashniaitiã besikĩ mĩ epa shanẽ ibuhairabe tsaushũ ẽ pimiski. Hanu habetã nũ piaitiã ẽ hawẽ dateaii. Ua meshukiri bari kariama bai anu ẽ huneyukatsis ikai ea nemayamawe.

Amós 8:5

Matubunã, eska yui mã hãtxamiski: “Ushe bena hanu besiti binukainaya nukũ shekiwã trigo hatu inãkĩ pei itxapa bikatsi ikĩ nũ hatu inãkubaĩtiruki. Hanua huĩrukũti shaba binukainaya hawẽ tanati pishta inũ hawẽ shãkama unãti txakabuwẽ hawẽ karu shekatã nũ hatu inãkubaĩtiruki.

Colosenses 2:20

Tsuabũra Cristo mã ma ikũwaĩburã, mã ma Cristobe mawani keskabuki. Haskawẽ taeshũ na mai anushũ shanẽ ibukĩ hatũ kuxipawẽ beya betsa betsapa yunuaibũ ana habũ matu tsumatirubumaki. Haskabia haskai ikũwãbumabe hiweshũ habũ matu yunuai nĩkakĩ mã txibãkĩ heneriabumamẽ, habu keskakinã?