Colosenses 1:5 - Kaxinawá Bíblia (BR)

⁵ Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

Kashinawa : Diosun Jesúswen taexun yuba bena yiniki

⁵ Man jaskaidan, Jesucristokidi kakape chanima ninkatan benimakin matun jiwea nai anu Dios anu man jaya man manakaibu nun matu unaiin.

Colosenses 1:5 Referans Kwoze

Efésios 1:13

Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

1 Coríntios 15:19

Ha inũ, na hiweawẽ besti Cristo ikũwãkĩ nũ manakaiburã, nũ nuitapatxakayamakeanaii, haska betsabũ nuku danãkĩ nukukiri xinãtiruburã.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

Gálatas 5:5

Hanua nukunã, Jesuski dasitã nũ ikũwaĩwẽ taeshũ Deusũ Yushĩ Pepatũ nuku merabewaya Deus kaneismatũ nukũ txakabu nuku buashuniwẽ pepai nũ habe hiwekuĩshanai hawa teama nũ manayukubainaii.

2 Coríntios 5:19

Na habias Deusũ xinãni ẽ matu ana yuiai ea nĩkakãwẽ. Cristowẽ yurabũ txakabu ana xinãtimawani Cristobe Deus dayakĩ yura dasibibu hatu haibuwakatsis ikĩ habũ Cristo unãtã ikũwaĩ hau unãnuma hiwekubaĩshanũbũ na txanima hãtxa nũ hatu yusĩkubainũ nuku yununiki.

Hechos 23:6

shanẽ ibubu itxabu Sinédrio anu hatiri saduceubu inũ hatiri fariseubu Paulõ unãkĩ hui kuxipawẽ hatu yuikĩ: —Ẽ betsabuũ, earã, ẽ fariseuki. Ẽ epa inũ ẽ shenipabu fariseubu irianibuki. Mawa ana hiweshanaibu ikũwãkĩ ẽ manaya ea unãti wakĩ mã daka ea danaĩ ikai— hatu wa

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

Hechos 24:15

Haska wakĩ yura pepabu inũ txakabubu kupikatsi Deusũ hatu ana bestẽwãshanai ikũwãkĩ ẽ manaii. Habiasri na judeubu nukube itxabũ habiaskari manariakanikiki.

1 Timóteo 1:15

Na haskarã, txanima kayabiki, tsuabũra ikũwãtiruburã. Ikũki Jesus Cristo mai anu tashnirã, txakabu wamisbu hau Deusũ hatu kupiyamashanũ hatũ txakabu buatã hatu mekẽnũ ika huniki. Hamẽ eãnã, txakabu wakĩ yura dasibibu ẽ binuhairaniki.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

Romanos 10:8

Hakia haska Deusũ hãtxa nũ txibãtirukiri hawẽ hãtxa yuishunikatũ yuikĩ: “Deusũ yusĩa mã hayaki, matũ huĩti merã mã hakiri xinãmis inũ, matũ keshawẽ hakiri mã hãtxamisrã”, iniki. Habias kaka nukũri yusĩ nũ hawẽ hãtxariakũkainaii.

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Lucas 12:33

Matũ mabu hawara ma hayawẽ nuiama matũ mabu betsawẽ pei bitã hawẽ nuitapaibu merabewakubaĩshãkãwẽ. Hamẽ ha pei matũ kapãkãki mã arua yumetsubũ bibaĩtirubuki. Ha inũ, hawẽ masãnẽ pesa pesa atiruki. Hakia matũ pei yauxiama mã inãnanãmisbu pewẽ matu kupikĩ nai anua hawa txapui keyuisma Deusũ matu inãshanikiki.

Hechos 13:26

Abraãonẽ bababũ enabu inũ dasibi nawabu mã Deusũ kuxipaki datemisbuũ, nukũ txakabuwẽ taeshũ hau Deusũ nuku kupiyamashanũ hawẽ bakekiri kakape nukunaki. Matu yuinũ nĩkakãwẽ.

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Gálatas 2:14

Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

2 Pedro 1:12

Ma bebũkiri txanima hãtxa matu yusĩabu unãkĩ mã mestẽwani mã hawẽ hiwea haska dasibi matukiri xinãkĩ eãri matu xinãmakĩ ẽ henekatsi ikamaki.