Colosenses 1:28 - Kaxinawá Bíblia (BR)

²⁸ Haska Cristokiri matuki txanikĩ matu yusĩkĩ nema pewakĩ dasibi matu unãnepa wakĩ haska Cristo bebũ mã pepa mapushanũbũ nũ matu yusĩmiski.

Kashinawa : Diosun Jesúswen taexun yuba bena yiniki

²⁸ Jaska Cristokidi matuki chanikin matu yusinkin nema pewakin dasibi matu unanepa wakin jaska Cristo bebun man pepa mapuxanunbun nun matu yusinmiski.

Colosenses 1:28 Referans Kwoze

Efésios 5:27

Cristo habũ nũ ikũwaĩbu pepahaira hawa detsis neama hawa tari txũpima ana hawa txakabu betsa tibi hayama nukũ hiwea sheni henetã pepa meribi besti haska hatũ besu uĩkatsis ikikiki.

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

1 Coríntios 2:6

Haskakẽ mã unãnepabũ Jesus ikũwãtã ma pe tapĩkĩ mã mestẽwaĩ ha unãnepa hãtxawẽ haska wakĩ nũ matu haska yusĩaĩnã, hawa txakabumaki. Hakia na mai anua haska shanẽ ibukĩ unãnepabũ ibubis hatũ xinãnẽ amisbu keskama inũ habu shanẽ ibu kuxipakĩ yunubaũmisbu keska haska kuxipa xinãwẽ nũ matu yusĩsmaki. Hatũ kuxipa inũ hatũ unãnepa keyuaya nukuna Deusũ nuku inãkubainai keyuismaki.

Colosenses 1:22

Hamẽ natianã, Deusũ bake Cristo ma huni hawẽ yurawẽ nuitapatã matu mawashũkĩ hawẽ mawawẽ Deus matu daewamashuniki. Haska matu wakinã, hawẽ besuuri hawa txakabuma inũ hawa mexu tsamiama inũ tsua txakabu matuki txanitiruma matu nitxĩkatsi iki matu ishuniki.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

Hechos 8:35

Filipẽ unãmakĩ Deusũ hãtxa dama yuishurã, hawẽ yusĩ taewakĩ kakape Jesuskiri Etíopianawa tapĩmakĩ nĩkamakubaina

Hebreus 10:14

Jesus Cristõ hawẽ hiwea besti wakĩ Deus inãkĩ ma dasibi pehairawai mawaniwẽ taea tsuabura Deusũ ma hatu pewani ma meribi hiweshũkanikiki.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

Colosenses 2:10

Cristo mã ma haki dasitã ikũwaĩburã, Cristona dasibi mã hayaki, Deusũ hawẽ kuxipa habiasri inãniwẽ taearã. Ha dikabi yushĩ dasibi inũ, nai tsuma pepa inũ, txakabu dasibi inũ, shanẽ ibubu mai anua shanẽ ibuhairakĩ hatu binu keyuaki.

1 Coríntios 12:8

Yushĩ Pepawẽ yura bestibu tibi hawẽ kuxipa yunukĩ Deusũ xinãwẽ shabakabi hau hãtxanũbũ unãnepa kayabibu hatu wamiski. Habias Yushĩwẽ bestibu tibi shabakabi pe yusĩti xarawakĩ itxapa unãhairaibu yusĩnãbu hatu wariamiski.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

2 Coríntios 10:14

Haskawẽ taea nuku dukũ matu anu Deusũ nuku yunua kashũ nukũ dukũ Deusũ kakape Cristokiri datã akĩ nũ matu yusĩ taewaniki. Hamẽ hari Deusũ nuku yunuama inirã, nukurã, haskarara nũ matube ikeanaii.

1 Coríntios 15:12

Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 2:15

Tsuabura Yushĩ Pepa hayatunã, txakabu inũ pepa unãtirubuki. Hamẽ ha Yushĩ hayamatunã, Yushĩ Pepa hayabu unãti watirubumaki, txakabu inũ pepa wairã.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

Hechos 17:3

—Deusunã, hawẽ Messiasrã, hau mawayushanũ yununiki. Mawatã ana bestẽshanikiki, akĩ hakiri keneniburã— akĩ Paulõ hatu yusĩ pewatã ana hatu yuikĩ: —Ha Jesuskiri matu yui ẽ txanikũkainairã, Deusũ Katua Messias Cristoki— hatu wa

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Hechos 8:5

merabenã betsa Filipe mae ewapa betsa Samaria anu kashũ Messias Cristokiri hatuki txanikĩ taewakĩ

Hechos 5:42

hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki.

Hechos 3:20

Deusũ matu hawẽ daewakĩ pepawakĩ benimawakatsis ikĩ hawẽ bake Messias Cristo bebũkiri katutã matu yubaniki, hau mã haki dasishanũbunã.

Marcos 6:34

Jesus shashuwẽ kai keti itã shashu anua butukaĩkĩ yurã kaiã uĩ hatuwẽ nuihairakĩ habu txashuwã uĩnikauma keskabuwẽ taea hatuwẽ dabanã ikĩ hatu yusĩ taewashũ betsa betsapawẽ hatu yusĩbaiaya

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Deuteronômio 4:5

Haskakẽ matunã, uĩrakãwẽ. Hanu mã hiweshanai anushũ hawẽ hãtxa mã txibãkubaĩshanũbũ Senhor Deusũ hãtxa kushipa inũ hawẽ yunuti inũ hawẽ nemati hãtxa ea yuikubirana ẽ matu yusĩriakubiranimaki.

2 Pedro 3:15

Xinaĩrakãwẽ. Nukũ Shanẽ Ibu nukuwẽ nui hĩ hĩ ikama pewẽ nuku pashawakatsi nuku merabewaikiki. Habiaskiri nukũ betsa Paulõ matu keneakeakeshũyamaki, Deusũ merabewaya unãnepakinã.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

1 Tesalonicenses 4:6

Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

1 Coríntios 4:14

Na eska ẽ matu keneshũ bumairã, matu dakewanũ ishũ ẽ matu akamaki. Hakia matu yusĩ pewai mã ẽ bakebu kayabi matuwẽ nuikĩ abuai keska wakĩ ẽ matu akaii.

Hechos 13:38

—Enabuũ, Moisés nuku keneshuniwẽ nukũ txakabu buakĩ nukũ xinã xarabu pewatirumaki. Hakia Jesuswẽ taeshũ Deusũ hau matũ txakabu matu buashũshanũ unãkĩ ha txibãkãwẽ. Hanushũ tsuabũra Jesus habũ ikũwaĩbu Deusũ hatũ txakabu buashũkĩ hatu pepawakĩ keyushanikiki.

Hechos 11:20

hakia ha haskaibũ ikũwaĩ betsabu Chipre anuabu inũ Cirene mai pakea anuabu Antioquia anu bushũ Gregoburi Deusũ kakape Shanẽ Ibu Jesuskiri hatu yusĩrianibukiaki.

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Esdras 7:25

Hamẽ miarã, Esdrasĩ, ea nĩkawe. Haska mĩ mekenika Deusũ mia tapĩmakĩ yusĩmis txibãkĩ Hene Eufrates bari kaikiri hene kesha betsauri hiweabu mĩ mekenika Deusũ hãtxa unaĩbu inũ unãbuma hatu yusĩkubaĩwẽ. Ha inũ, hau habũ mae mekekĩ yununũbũ hatũ yununika kushipabu katukĩ hatũ shanẽ ibu beshmasbu katukĩ hatu yunushãwẽ, hau habũ hawa kaneama hatu pe mekekĩ yunukubaĩshanũbunã.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.