Apocalipse 8:7 - Kaxinawá Bíblia (BR)

⁷ ha nai tsuma betsa ha dukũ primeirõ hawẽ trombeta txã akĩ taewaya mai pakea tibi anu niri iake iakekaũkĩ barush ui inũ txi ha dabe himiyabi husia Deusũ puta mai pakea tibi anu kuakĩ ha pakea betsa anu kawãkĩ ni inũ ni mashu terça parte kuakĩ basi nãke dakayabi dasibi kuakẽ

Kashinawa : Diosun Jesúswen taexun yuba bena yiniki

⁷ ja nai tsuma betsa ja dukun primeron jawen trompeta chan akin taewaya mai pakea tibi anu nidi iake iakekaunkin badux ui inun chi ja dabe jimiyabi jusia Diosun puta mai pakea tibi anu kuakin ja pakea betsa anu kauankin ni inun ni maxu tercera parte kuakin basi nanke dakayabi dasibi kuaken

Apocalipse 8:7 Referans Kwoze

Apocalipse 9:4

yunukĩ: “Mai anushũ basi piama hamapai mibã xarabu piama hi piama yurabu habũ betũkuki Deusunabu hawẽ unãti netãbuma besti pikĩ hatu itxakawakubaĩtãkãwẽ,

Apocalipse 9:18

dabe inũ besti pakea anu yurabu ha dabe inũ besti isĩ txakabu ha cavalo hashpa anua kaĩkaĩkĩ txi inũ, kuĩ inũ, enxofre kaĩkaĩkĩ hatu tenã keyukẽ

Apocalipse 9:15

haska was ha nai tsuma dabe inũ dabe hatu peka mai hirabi anu yura tibi manibaunabu hau na habia hora inũ, dia inũ, ushe inũ, ano terça parte hau hatu tenã atanũbũ nai tsuma betsã ha nai tsumabu dabe inũ dabe hatu nitxiã tashnibainaibũ

Isaías 28:2

Senhor Deusũ huni kushipa ma hatuki tanashũ pewani txipu Samaria anu yunushanikiki. Hawẽ kushiparã, barush ui mesehaira niri ikai keskaki. Niwe kushipahaira bekĩ dasibi txakabuwamis keskaki. Ui tueketã heneisma keskaki. Hene bai mata txakayamakĩ dasibi atxibaĩmis keskaki. Hawẽ mekẽnẽ mai txakabuwakĩ berãkĩ

Apocalipse 16:21

haska waya naiuria barush ui itamama betsa 40 kilo yurabuki niri imaya barush ui mesehairawẽ taea yurabu Deuski shetxakashanaibu nĩkakĩ ẽ uĩshuki.

Isaías 32:19

Haska inũ, barush ui niri ikĩ ni shukua yamawaya ha maewã babubiaya

Apocalipse 16:2

nai tsuma betsa ha dukũ kashũ hawẽ kẽtxaki Deus sinatamis mata mai anu hukaya ha yurabu mai anu hiweabu habu ha yuinaka mese atimapa habũ unãtiyabu inũ hawẽ dami kẽwãmisbu habũ yuraki txami isĩ atimapa kaĩkĩ isĩhaira hatu tenemaya

Apocalipse 12:4

tsuãra bixi hatiubukũs watã pake dabe inũ besti habiatius wakẽ pakea betsa yuxibu sheanãtũ hawẽ hina bekũ bekũ akĩ bixi pakea betsa mai anu urẽtã ha yuxibu sheanãtũ aĩbu tuya bake kaĩnũ ikai ha dapi hawẽ besuuri nishũ hawẽ bake kaĩaĩ atxishũ shẽanũ, iwanã, manaya

Apocalipse 6:8

ẽ uĩayã hanua cavalo betsa paxĩ beshunaki tsuara betsa hawẽ kena Mawamanika haki katsauwa inũ hanu mawabu bumisbu habũ shanẽ ibu hatxũ huai ẽ uĩayã Deusũ mai hirabi anuabu yurabu shukua tibi habu anua pashkakeakekĩ ha dabe shanẽ ibu watã ha quarta parte hatu inãkĩ kuxipa wakĩ yunukĩ nupewẽ hau detenamenũbũ inũ, buniwẽ hau tenãmanũbũ inũ, isĩ betsa betsapawẽ hau tenãmanũbũ inũ, yuinaka pubẽbũ hau hatu pimanũbũ ha kuxipa inã bibainaya

1 Pedro 1:24

Haska Deusũ hãtxa betsa waismakiri hawẽ hãtxa keneshunika Isaíasĩ yuikĩ: “Yura dasibi ni mashu keskabuki. Ha inũ, hawẽ hawẽruai hawẽ pepamisburã, ni mashu hawẽ hua keskabuki. Bari betsatiã ni mashu txuxiaya hawẽ huari utsitã niri imiski.

Santiago 1:11

Mabuya hiwebiani eskashãkanikiki. Hakiri matu yuinũ nĩkakãwẽ. Ni hua tuea hawẽruabiakẽ bari tashni kuhairakirãkĩ hua hawẽrua pepabia benukĩ barĩ utsi wakĩ niri amis keskai haska keskariai huni mabuwãyã hiwea mawai hawẽ mabu hawẽruayabia hawẽ mabu inãnanãmis habu benui yamanũbarikanikiki.

Joel 2:30

Haska inũ, nai anua hawẽ e imati kushipa wakĩ mai anuari dami betsa betsapari ẽ washanaii, himi habamakĩ inũ, txi wakĩ inũ, nai anua basnũ bai kua hawẽ kuĩ keska wakĩ ẽ hatu uĩmashanaii.

Apocalipse 7:1

ha binukainaya hanushũ ana uĩkĩ nai tsuma dabe inũ dabe mapuakeakeabu ẽ uĩayã betsa bari huaikiri leste anu nia betsa bari hikiaikiri oeste anu nia betsa norte anu nia betsa sul anu nia habũ niwe dasibi tsumashũ nemakĩ mai inũ iãnẽwã inũ hi mapua hau niwe hanu shũku ikĩ hau itxakawayamayunũbũ