Apocalipse 3:19 - Kaxinawá Bíblia (BR)

¹⁹ Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.

Kashinawa : Diosun Jesúswen taexun yuba bena yiniki

¹⁹ Ja inun, dasibi man enabuwen nuikin matu medabewa bestinun ixun jancha kushipawen matu ja akin en matu yusinxuwen taexun en yusian ninkakin pewatan matun shinan betsa watan shinan chankanjaida bestikunkainkatsis ikidan, Dios anu bedikanwen.

Apocalipse 3:19 Referans Kwoze

1 Coríntios 11:32

Hakia nukũ Shanẽ Ibũ nukũ yura kupikinã, nuku hawẽ tapĩmanũ, iwanã, nuku akikiki. Nuku kupibiatã ha Jesus ikũwãbumabe nuku tenã kayabiama ishanikiki.

Apocalipse 2:5

Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.

Jó 5:17

Hau hiwei penũbũ yusĩkĩ tsuara Deusũ hatu nemakubaina shinã txãkãmisbuki. Haskawẽ taeshũ Deus kushipahairatũ mia nemai hawẽ hãtxa hawa danãyamawe.

2 Coríntios 7:11

Hakia maturã, matũ txakabu haska Deusũ matu unãmaiwẽ matũ huĩti nixmabiatã pepanũ, iwanã, ẽ yusĩa txibaĩ ẽ haska abuai ea uĩmai eki mesekĩ ha hunĩ txakabukĩ matu txakabuwaima haska waima ẽ matu xinãma matu datei haki sinatatã pewai hawa kuxi dakewakĩ mã nemaimaki. Haska ẽ matu waima ha huni pewai mã hawa hawẽ txakabu ana habe hayama nũ unaiĩ.

Jeremias 7:28

eska hatu wakinã: ‘Matũ mekenika Senhor Deusũ matu yunubia ha yurabu mã hiweabu matu pewapanã mã ea hawa nĩkakĩ txibaĩsbumaki. Matũ hãtxa txanima matũ kesha anu ana hayamahairakiaki’, akĩ ea hatu yuishũshãwẽ”, akĩ Senhor Deusũ ea yuimaki.

Provérbios 22:15

Berunãbũ shinã pepa unãmarã, unaĩsmapatũ shinã txibaĩ patapakubainaibu hanushũ hatu pewakĩ hatu kusha kusha akĩ nĩkamakĩ hatũ patapa henematirubuki.

Provérbios 15:32

Tsuãra txakabuwai nemabiabu hatũ nemati hãtxa nĩkama hatumebi danananãmisbuki. Hakia tsuãra hatũ nemati hãtxa nĩkakĩ tapĩkubainirã, beshtekei unanepamisbuki.

Salmos 69:9

Hanu miki nukuti hiwe betxipaikĩ ẽ shinã txakayamaii. Ha inũ, tsuabura mikiri hãtxa txakabukĩ ha ikĩ mia txiteaibu eã ẽ mia teneshũkubainaii.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Romanos 12:11

Ha inũ, hawara nukũ Shanẽ Ibũ abuai dayashũkĩ ibubis txikixama hamapai tibi xinãkĩ huĩtinĩ xinaĩ benima paewẽ ashũkubaĩkãwẽ.

2 Samuel 7:14

Mĩ huni bake Israelĩ enabu shanẽ ibukũkainaya ẽ hatũ epa keska inũ habu ẽ bakebu keska ikubaĩshãkanikiki. Mĩ bakẽ kanekĩ txakabuwai pewakĩ ẽ hatu bika tenemashanaii, hatu kupikinã, haska epa pepabũ hatũ bake pewamis keska wakinã.

2 Coríntios 6:9

Yura itxapabũ nuku uĩsma akawabiaibũ betsabũ nuku unãhairamisbuki. Danãkĩ nuku debu wapaibiabu habiaskabia nũ hiweyukũkainaii. Nuku itxakawabiakĩ hawa nuku tenãriabumaki.

João 2:17

Jesusũ haska wai uĩkĩ haska nukũ shenipabu Davĩ Jesuskiri yuikĩ: “Deus kẽwãti hiwewẽ taea hawa dateama nashukui sinatakĩ ẽ yauxishanaii”, akĩ keneni atimas nũ xinãyã

Provérbios 15:10

Pe hiwei taebiakaĩkĩ hatũ hiwea bai henekĩ txakabuwaibu ana hatu pewakĩ txĩtũmairã, bikahairaki. Tsuara hatu yusĩkĩ pewabiabu hatũ hãtxa nĩkama danainã, tenãshãkanikiki.

Gálatas 4:18

Hakia itxapabu merabewakĩ mã hatu pe mekeaiburã, haskarã, pehairaki, ẽ matube hiweshũ ẽ matu yusĩa xinãkĩ mã amis keska bestima heneama hatu ashũkubaĩkãwẽ.

Jeremias 2:30

Matũ bakebu ẽ hatu yusĩbia hawa tapiãbumabiakẽ hamẽ ẽ hatu kupimiski. Maturã, pubenepa mã inu betsa leão keskabuki. Ẽ hãtxa yuishunikabu ẽ matu yunua hatuki sinatakĩ mã hatu tenãkubaĩmisbuki.

Mateus 25:7

dasibi bestẽbaũ hatũ bĩ ma nuka kemai bĩ hene manenũ, iwanã,