Apocalipse 2:5 - Kaxinawá Bíblia (BR)

⁵ Haskawẽ taeshũ haska mã ea duawakĩ taewani keska hani mã benukaĩnimamẽ, ana xinãhairatã matũ huĩti pewakĩ xinã betsa watã ana Deus anu txĩtũtã ea txibãkubaĩkãwẽ. Hamẽ mã haska betsa wamakẽ matu anu ana kashũ matu danãkĩ matũ ouro mane txãkã daka matu anua mebĩkĩ ẽ tsekashanaii.

Kashinawa : Diosun Jesúswen taexun yuba bena yiniki

⁵ Jaskawen taexun jaska man ea duawakin taewani keska jani man benukainimamen, ana shinanjaidatan matun juinti pewakin shinan betsa watan ana Dios anu chintuntan ea chibankubainkanwen. Jamen man jaska betsa wamaken matu anu ana kaxun matu danankin matun oro mane chanka daka matu anua mebinkin en tsekaxanaii.

Apocalipse 2:5 Referans Kwoze

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.

Apocalipse 2:19

Haska matũ xinã pepa hayashũ ea txibaĩ mã hiwekũkainai ẽ unaiĩ. Haskakẽ nuinamekĩ ea ikũwaĩ txĩtuãma ea txibãkĩ ea duawanũ, iwanã, hamapai betsa betsapa pepa mã akĩ taewani mã binumai ẽ unãriaii.

Apocalipse 1:20

Ha hawara hunea mĩ uĩshu shabakabi mia yusĩnũ nĩkawe. Ha sete bixi ẽ mekẽ yusiuri ẽ tsuma mĩ uĩshurã, ha sete mae itxamisbu tibitũ merabenã Deus yuishunikaki. Ha dikabi haki bĩ tsaũti sete ouro mane txãka daka mĩ uĩshurã, ha sete mae ikũwaĩbu itxamisbuki”, iwanã,

Lucas 1:17

Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka

Malaquias 4:6

Elias hushũ epabu inũ habũ huni bakebu sinatanameaibu pewakĩ hatu daenamemakubaĩshanikiki, hatũ shinã betsa wamakinã. Hamẽ Elias hushũ matunabu yusĩkĩ pewamakẽ hakia ea kayabis hushũ matũ mai pakea dasibi kupikĩ ẽ matu yamawakĩ keyui hushanaii”, akĩ Senhor Deusũ hatu yui txani keyunikiaki.

Isaías 1:26

Matũ shanẽ ibu unãti wanikabu habu dukũ inibu keska ẽ ana matu katushũ yunushanaii. Matũ huni unanepabu habu dukũ inibu keska matu merabewakĩ ana ẽ matu katushũ yunuriashanaii. Haska tibi ẽ ana matu waya txipu tsuabũra matu uĩtã yuikĩ: ‘Ha maewã Jerusalém anurã, ana tsua itxakanika hayamaki. Ha maewã anushũ Deus besti txibãkubaĩkanikiki’, ishãkanikiki.

Lucas 20:16

Bai ibu kashũ hatu kupiriakĩ dayakapabu hatu tenã keyutã hanushũ dayakapa betsabu hawẽ bai hatu yunushanikiki— hatu wai nĩkai e itã yuikĩ: —Hau hatu haska wayamashanũwẽ— ikaibu

Marcos 12:9

—Haskakenã, ha bai ibuã haskara hatu washanimẽkaĩ? Matu yuinũ nĩkakãwẽ. Bai ibu hawenabube hushũ bai anu dayamisbu hatu tenãtã hanushũ huni betsabu hawẽ bai anu hau dayashunũbũ hatu yunushanikiki— iwanã

Ezequiel 36:31

Hiwetxakakĩ mã txakabuwakubaini shinaĩ, ea danaĩ mã atimapakubainiwẽ mã ibubis dakekubaĩshanaii.

Apocalipse 2:2

Ea txibãkĩ ea dayashũkĩ bika tenei mã txĩtuãbumaki. Ha inũ, tsuabũra matu parãmisbũ yuikĩ: Jesusũ kuxipawẽ ẽ hawẽ yununikaki. Ea nĩkakãwẽ, ikaibu unãtã hatu danãkĩ

Gálatas 5:4

Haska Moisés yusĩa txibaĩ pepanũ ika txĩtũkirã Deus matuwẽ nuini pepa danaĩ Cristo henei mã hawenabumaki.

Malaquias 3:4

Judá enabu inũ Jerusalém anu hiweabũ Senhor Deus inãkuĩkubainaibũ Senhor Deus ana benimashanikiaki, hatũ shenipabu uatiã hiwei peshũ benimawapaunibu keska wakinã.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas

Hebreus 10:32

Hanu mã Jesus ikũwãkĩ taewaitiã mã ini xinãkãwẽ. Habũ ikũwãkatsi ikabumã matu bika tenemabiabu mestẽtã mã binukubaĩyamaki.

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

Mateus 5:14

—Hamẽ betsarã, ekiri mã hatu yusĩshanairã, mã shaba keskaki. Hanu mae betsa mati mamaki hiwe hunetirubuma keska wakĩ ẽ matu yusĩaĩwẽ huneama hatu shabakabi yusĩkubaĩshãkãwẽ.

Mateus 5:15

Ha inũ, bĩ dekutã bau namã hunekĩ tsauĩsbumaki. Hakia hanu dasibibũ uĩaĩbu txashamis anu manaũri tsaũtiki.

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.