Apocalipse 14:7 - Kaxinawá Bíblia (BR)

⁷ hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Kashinawa : Diosun Jesúswen taexun yuba bena yiniki

⁷ jui kushipawen yuikin: “Diosun nai inun mai inun ianenwan inun unpax chacha tibi damiwanitun yuda dasibi unanti watan na jabiatian jatu kupikin taewaikiki. Jaskaken menan jaki danti itan Dioski datekin kenwandikanwen”, ikainaya

Apocalipse 14:7 Referans Kwoze

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Apocalipse 11:13

ha haskabaini nesebainaibũ patxa sakuaya ha mae décima parte pake betsa di akaya 7.000 yurabu debuaibũ dasibi yura betsabu habu hiweyuabu datehairai damapaikĩ Deus nai hirabi shanẽ ibu kuxipahaira ikũwãmabia kẽwaĩbu haskashanaibu nĩkakĩ ẽ uĩshuki.

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Apocalipse 18:10

ha keska tenekatsis ikama datei txai mapubaũshũ yuikĩ: ‘Yuu, yuu. Babilônia mĩ mae ewapa kuxipabiakẽ hawaira Deusũ kupikĩ mia yamawashuki.’

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

Apocalipse 4:9

Deus niti ikama hiwea ha dabe inũ dabe hiweabũ hamapai pepa hakiri xinãkĩ hawẽ pepakiri yuikĩ kẽwaĩbũ

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Isaías 40:6

haniara hui ana tashni sai ikĩ ea yuikĩ: “Sai iwe!” ea waya Eã yukakĩ: “Harakiri sai ipa?” ẽ aka ea yuikĩ: “Yurabu dasibirã, basi keskabu bestiki. Hatũ kushiparã, ni hua keska bestiki.

Apocalipse 19:5

ẽ nĩkaya ha Deus tsauwa namanua hui betsa tashniriakĩ yuikĩ: “Mã Deusũ tsumabuũ, mai hirabi anua betsabu mã shanẽ ibubu inũ betsabu mã shanẽ ibubumã Deusũ kuxipaki mesekĩ duawai pepakĩ kẽwãkubaĩkãwẽ”, ikaibu uĩkĩ nĩkatã ẽ matu keneshunaii.

Isaías 42:12

Ianẽwã kesha mai pakea tibi anushũ Senhor Deus pepawakĩ shabakabi duawakĩ hau kẽwanũbũwẽ.

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka

Apocalipse 8:10

hanushũ nai tsuma ha terceirõ hawẽ trombeta txã akaya hene inũ txatxa mai pakea betsa tibi anu bixiwã here hi iki bĩ dekua keska txashahaira nai anua kawani terça parte mai anu inũ hene betsa anu inũ txatxa anu tĩ iki kawanaya

Lucas 17:18

—Na nawã besti Deus kẽwaĩ txĩtũkirãshuki. Hawẽ tapĩkãwẽ— iwanã,

Isaías 58:1

Senhor Deusũ ana ea yuikĩ: “Dateama sai itxakayamatãwẽ, mimawati trombeta txã akai keska wakĩ mĩ hui kaĩmakinã. Enabũ kanekĩ txakabuwamisbu ha akĩ Jacó enabu hatũ txakabu hatu txitekĩ ha atãwẽ.

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 40:3

haniara hui tashni sai ikĩ yuikĩ: “Hanu tsua hiweabumanu bai pewakĩ Shanẽ Ibũ bai pesashũshãkãwẽ. Hanu hawa hayamahaira anu bai yushtuma wakĩ kayatapĩbaĩkĩ nukũ Deus bai pewashũshãkãwẽ.

1 Samuel 6:5

Mã bika teneaiwẽ taeshũ su ika keska ouro dami inũ matũ mae anushũ dasibi shuyã pikĩ dasibi txakabuwakĩ keyuaibu keska ouro dami wakĩ keyuabu ha damiyabi inãkĩ Israelĩ enabu mekenika Deus duawakĩ pewakubaĩshãkãwẽ. Mã haska wai Senhor Deusũ uĩtã matu inũ matũ yushibu inũ matũ mai pakea ana kupiama matu heneshanimẽkaĩ.

Gênesis 22:12

nai tsumã yuikĩ: —Mĩ bake haska wakĩ tenãyamawe. Deuski mesekĩ mĩ bake bestitxai mĩ haki hawa yaushiama ẽ unaiĩ— akaya

Apocalipse 18:19

hatũ beya txibaĩ mai mixpu kuru maputukui kashai saĩ ikĩ bis ikĩ yuikĩ: “Aitaa. Aitiĩ. Dasibi shashuwãyãbu Babilônia anu kashũ hatũ mabu pepa hawẽrua inãnanãtã pei mirima bibirã bibiranaibu ha mae ewapa ma hawaira yamashuki”, akĩ yuishãkanikiki, ea waya

Apocalipse 18:17

hatũ mabuwã hawaira haskashumẽ?” ikaibũ habũ shashuwã yunumisbu inũ, habũ shashuwã tuẽbaĩkĩ bushkẽ bushkẽ abaĩmisbu inũ, shashuwãwẽ bumisbu inũ, iãnẽwã anu dayamisbu nãta mapubaũshũ

1 Pedro 4:7

Hanua na mai keyui ma kemaya ana tatimama matũ xinãnẽ pe mekei unãnepai txanima kayabi Deusbe hãtxai heneyamakubaĩkãwẽ.

Mateus 25:13

—Na miyuirã, haska mã nĩkashumẽ? Ẽ matũ Hutxi Kayabi Iuwa hatiãra ẽ ana hushanai tsuã mã unãmawẽ taea tsuara ebe hiwekatsi iki unãnepai hawa txikixama pepakũkaini Deusbe hãtxakĩ ea manakĩ uĩrakubaĩshãkãwẽ— nuku watã

Malaquias 2:2

Ea Senhor Deus kushipa dasibi binuatũ matu yuikĩ: Matubunã, ea nĩkakĩ ikũwã kayabikĩ ea duawakubaĩshãkãwẽ. Mã haska ea wamakẽ ẽ matu yupushanaii. Shinãkĩ txanimawẽ mã ea duawamawẽ taeshũ matunabu mã ebe hãtxashunika ikubainai haska matu duawabiamisbũ betsa wakĩ eã ẽ matu txakabuwashanaii, yupukinã.

Salmos 115:15

Senhor Deusũ nai dami wani inũ mai dami wanitunã, hau matu duawakĩ pepawakubainũwẽ!