Apocalipse 13:10 - Kaxinawá Bíblia (BR)

¹⁰ “Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.

Kashinawa : Diosun Jesúswen taexun yuba bena yiniki

¹⁰ “Tsuada bichiti jiwe anu iyukatsi ikin bichiti jiwe anu jatu bichixankanikiki. Januxun tsuada nupe chaipawen jatu tenankatsis ikin nupewen jatu debuwaxankanikiki”, jabun chanima Dios ikunwankin jabun jawa shinan betsa wama jatun kushipa jatu uinmaxankanikiki, ikunwain medibibunan.

Apocalipse 13:10 Referans Kwoze

Apocalipse 14:12

hanushũ habũ txanima Jesus ikũwãkĩ habũ hawa xinã betsawama Deusũ hãtxawẽ hiwekĩ hatũ kuxipa hatu uĩmashãkanikiki, ikũwaĩ meribibunã.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.

Lucas 21:19

Ha inũ, tsuabũra ea txibaĩ txĩtuãmawẽ taeshũ hanu kupititiã ẽ matu piskumashanaii, matu kupiamarã.

Isaías 33:1

Mã hatu txakabuwamis tsuã matu kupikĩ txakabuwariama, mã peirawa! Hawa banabimama huni betsa parãtã mã hatu atximis maturi tsuãra matu parãshanairã, mã peirawa! Matũ dukũ hatu txakabuwakĩ mã keyushĩkẽ maturi txakabuwakĩ yamawashãkanikiki. Hawa hatu banabimama mã hatu atximakĩ keyushĩkẽ maturi atxitã iyuriashãkanikiki.

Hebreus 6:12

Ha inũ, Jesus txibaĩ txikixi hau mã punu nukayamanũbũ Jesus ikũwãkubaĩkĩ hawẽ unãnuma hiweti Deus yubakani bikubainaibu keska wakĩ hatu txibãkĩ pepa besti wakubaĩkãwẽ, hanu mã mawaitianã.

Apocalipse 2:2

Ea txibãkĩ ea dayashũkĩ bika tenei mã txĩtuãbumaki. Ha inũ, tsuabũra matu parãmisbũ yuikĩ: Jesusũ kuxipawẽ ẽ hawẽ yununikaki. Ea nĩkakãwẽ, ikaibu unãtã hatu danãkĩ

Mateus 26:52

Jesusũ hawẽ tsuma nemakĩ: —Ana hatu meama mĩ nupe ana hawẽri usũwẽ. Tsuabura nupe txaipawẽ detenameaibu habiawẽri mawashãkanikiki.

Apocalipse 16:6

Mĩ hãtxa yuishunikabu inũ Jesus txibaĩbu itxakawakĩ habũ himi habawakĩ tenãkubaĩmisbu haburi hatu kupikĩ himi mĩ hatu amaii. Haska mẽnũ ika imisburã, hau haskanũbũwẽ”, akaya

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.

Apocalipse 2:19

Haska matũ xinã pepa hayashũ ea txibaĩ mã hiwekũkainai ẽ unaiĩ. Haskakẽ nuinamekĩ ea ikũwaĩ txĩtuãma ea txibãkĩ ea duawanũ, iwanã, hamapai betsa betsapa pepa mã akĩ taewani mã binumai ẽ unãriaii.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Mateus 7:2

Hamẽ hatuwẽ nuiama txitekĩ mã hatu ha amiskẽ habiaskari wakĩ Deusũ ha mã hãtxai ha imiswẽ Deusũ matu ha akĩ txiteriashanikiki. Ha inũ, habias xinãwẽri mĩ hatu unãti wamiswẽ Deusũ maturi unãti washanikiki, kaneamarã.

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

Apocalipse 17:11

Ha inũ, ha yuinaka mese atimapahaira ha shanẽ ibu sete betsa ibiani ha dukũ hiwebiani natiã ana hayamabia ana hiwea ha oitavo shanẽ ibu ishanikiki. Hakia atimas ha yuinaka mese atimapahaira hawẽ henekĩ Deusũ kupikĩ yamawashanikiki, niti akamarã.