Amós 8:5 - Kaxinawá Bíblia (BR)

⁵ Matubunã, eska yui mã hãtxamiski: “Ushe bena hanu besiti binukainaya nukũ shekiwã trigo hatu inãkĩ pei itxapa bikatsi ikĩ nũ hatu inãkubaĩtiruki. Hanua huĩrukũti shaba binukainaya hawẽ tanati pishta inũ hawẽ shãkama unãti txakabuwẽ hawẽ karu shekatã nũ hatu inãkubaĩtiruki.

Amós 8:5 Referans Kwoze

Isaías 1:13

Matũ inãkuĩ ẽ ana betxipaiamaki. Ana hamẽ ea beshũyamakãwẽ. Habũ kuĩ inabainairã, ẽ ana shetekĩ tenetirumahairaki. Matubu ushe bena tashniai tibitiã inũ, huĩrukũti sábadotiã matunabu itxawatã keĩ benimai mã besimiski. Hakia mã hiwe txakamiswẽ taea ha besi mã imis betxipaiama ẽ danãhairaii.

Provérbios 20:23

Hawẽ shãkama unãti pemawẽ tanakĩ hatu paraĩbu ha shãkama unãti txakabu hawẽ dayaibu Senhor Deusũ hatu betxipaiama danãhairamiski.

Provérbios 16:11

Hau hatu parãyamashanũbũ hawẽ shãkama unãti inũ hawẽ txaipa tanati tibi Senhor Deusũ hawẽ hatu unãti wakatsi hatu dami wamaniki. Hamapai tanati pepa hatu yunubiani hawẽ yumetsukĩ hatu benukubaĩmisbu hatu kupishanikiki.

Provérbios 11:1

Hawẽ balançawẽ tana pewamarã, Senhor Deusũ danãkĩ betxipaismaki. Hamẽ hawẽ balançawẽ tana pewamisrã, Senhor Deusũ betxipaimiski.

2 Reis 4:23

hawẽ benẽ yukakĩ: —Haskakĩ ikis mĩ uĩ kakatsis ikai, ushe benatiã inũ huĩrukũtitiã nũ hanu habe itxamis ikis iriamabiakenã?— aka kemakĩ yuikĩ: —Ea haska shinãshũyamawe— aka

Isaías 58:13

Senhor Deusũ ana hatu yuikĩ: “Ẽ huĩrukũti wani sábadotianã, haki mesekubaĩkãwẽ. Ha shaba meribi ẽ wanirã, enaki. Haskawẽ taea ha shaba meribitiã hanu matũ daya tibi hanu mã ana hawa metirubumahairaki. Hanu huĩrukũti shaba ẽ wanirã, benimati shabaki. Ha shaba meribitianã, ea ẽ Senhor Deus mã ea habi duawai keskaki. Ha sábadotiã matũ hawara daya shinãma inũ, matũ mabu inananaĩ shinãma ea benakĩ ea duawa bestikubaĩkãwẽ.

Colosenses 2:16

Judeubu hatũ beya tibi hayabuki. Haska inũ, hatũ beya betsa txibãkĩ piti dasibi pitirubumabia piti betsa besti pitirubuki. Haska inũ, hatũ beya betsa txibãkĩ hawẽ nushuti betsa atirububia betsa atirubumaki. Haska inũ, hatũ beya betsa txibaĩ itxatã besi betsa betsapawẽ besimisbuki, ushe benatiã inũ huĩrukũti sábado tibitianã. Haska tibi txibãkĩ amisbunã, hau matukiri haska xinaĩ ha iyamakubainũbũwẽ.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.

1 Samuel 20:5

Davĩ kemakĩ yuikĩ: —Eska ẽ shinaiĩ. Meshukiri ushe bena tashniaitiã besikĩ mĩ epa shanẽ ibuhairabe tsaushũ ẽ pimiski. Hanu habetã nũ piaitiã ẽ hawẽ dateaii. Ua meshukiri bari kariama bai anu ẽ huneyukatsis ikai ea nemayamawe.