Amós 8:14 - Kaxinawá Bíblia (BR)

¹⁴ Samaria anua yushibubu dami tsuabũra mã yubamisbuki. Hanua tsuabura yubakai hãtxairã, Dã anu hiweabu matũ yushibũ hiweawẽ mã yubakamisbuki. Hanua Berseba anu yushibubu hiweabuwẽ mã yubakakubaĩmisbu mawai mã di ishanaii, ana haskatã mã benitirubumarã”, akĩ txanima hãtxa Senhor Deusũ ea yuishinaki.

Amós 8:14 Referans Kwoze

Hechos 9:2

haska xinaĩ yuikĩ: “Damasco anu kashũ ha Bai Bena Jesuskiri hatu tapĩmaibu huni inũ aĩbu atxitã Jerusalém anu ẽ hatu iwekatsis ikaii, nenu hatu bitxinũ, iwananã. Haskakẽ mĩ kuxipaya kanũ, iwanã, ẽ mia yukai huaii. Ea kuxipa wakĩ Damasco mae ewapanua hanu nukunabu itxamisbu hiwe anu ẽ kakẽ hau shanẽ ibubũ ea merabewashanũbũ mĩ kuxipa hatu yunuwe, ẽ buairã”, aka: “Peki”, ishũ keneshũtã haya yunua

Hechos 24:14

Hakia haskakiri ekiri mia yuiaiburã, shabakabi mia yuinũ nĩkawe. Jesusũ Bai Bena nũ txibãyã: “Deuskiri kanekanikiki”, iwanã, nuku aki ikanikiki, haskamabiakenã. Jesus ikũwãkĩ nukũ shenipabũ Deus kẽwãpauni ẽ duawapakemiski, Moisés yusĩni inũ Deusũ hãtxa yuishunika betsabũri kenenibu dasibiri ikũwãkinã.

Hechos 19:23

ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ

Hechos 19:9

hanua judeubu hatiri huĩti kuxikĩ Jesus mekenã Bai Bena ikũwãkatsi ikama dasibibũ nĩkaibũ hãtxa txakabukĩ txakabu yuiaibuwẽ taea hanua Paulo ana hatube itxama hatu henebaĩkĩ ikũwaĩbu tari hatu iyushũ Tiranõ escola anushũ hatu itxawashũ Jesuskiri yusĩ shaba tibi hatube hãtxanamekũkaĩkĩ

Hechos 18:25

Jesus mekenãkiri unãmaimabu ikũwãkĩ haska Joãonẽ besti hatu naximani ha besti unãkĩ hawa dateama benima paẽwẽ yusĩkĩ haska Jesus hiwekũkaĩni mawa ana besteni shabakabi hatu yusĩayã

Amós 5:2

Israelĩ enabu hawẽrua hawa txakabuma pepa besti mã ibianibu mã ibubis atimapai txakabutiani mã txakabuki, tĩ itã haska ana benitiruma keskairã. Tsuã matũ txakabuwẽ taeshũ matu benitiruma matũ mai anu tĩ ikima mã maniabuki.

Isaías 43:17

detenamenika mẽtsisipabu hatũ detenameti cavalo inũ hawẽ tarãbaĩti ha baiwẽ buaibu hanu hatu yamawakĩ ana haska benitima wakĩ hanu besti hatu desũshanikiki, bĩ pahi hi ikai nukawa keska wakinã.

1 Reis 12:32

hanushũ Judá enabu Jerusalém anua hanu besimisbutiã habias shabatiãri Jeroboãonẽ hawenabu habianuri hatũ besiti bena washũkĩ ha habias oitavo ushe shaba 15tiã Betel anushũ hatu amashĩshũ taewakĩ hawenabu ouro ina awa bake dami wamashĩshũ hanu hatu mestẽwãmakĩ hatũ yushibu dami kẽwãkĩ inabu menukĩ hau kuakubaĩshanũbũ ibubis shinãkĩ Jeroboãonẽ hatu yunuima hawenabu hatũ deus benabe hãtxashunikabubetã hau apakeshanũbũ Betel anushũ hawẽ kẽwãti txi tapu waimabu anushũ Jeroboãonẽ inabu nami inũ hawẽ inĩti sheniyabi menu keyukĩ hatu taemanikiaki.

Miquéias 1:5

Jacó enabũ Deusũ hãtxa txibãma danãkubainaibu inũ Israelĩ enabu shanẽ ibubũ txakabuwakubainaibuwẽ taeshũ hatu haska washanikiki. Jacó enabũ Deusũ hãtxa danãkubainaiburã, hania ikanimẽkaĩ? Samaria maewã anushũ akanikiki. Judá enabũ mai pakea anushunã, hanishũ yushibu dami kẽwãmisbumẽ? Habia Jerusalém maewã anushũ amisbuki.

Amós 5:1

Israelĩ enabuũ, ea Amós ẽ hãtxai ea nĩkakãwẽ. Matuwẽ taea nui matukiri habuai ẽ kashai ea nĩkakãwẽ: