Amós 2:13 - Kaxinawá Bíblia (BR)

¹³ Eã matu kupikĩ ina awã tarãbaĩti shekiwã trigo matahairawashũ bumakĩ tarãbaĩkĩ mai purekĩ mishpu wamabaĩmis keska wakĩ habũ matu txai iyuaibu hanu mã paikainai ha mai ẽ matu pure pure amakubaĩshanaii.

Amós 2:13 Referans Kwoze

Isaías 1:14

Ushe bena tashniaitiã inũ haska itxatã mã pi beyuskũkainairã, mã haskabiakubainaiwẽ taea ẽ matuki txikishtxakayamaii. Mã haskakĩ ea bika tenemai ẽ ana haska tenetirumahairaki!

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Isaías 43:24

‘Hawara ininipa peiwẽ bitã mã ea benimawanũ’, ikai ẽ matu yunuama inũ, ha binumakĩ: ‘Yuinaka sheni ea kuashũkãwẽ’, iwanã, ẽ matu hawa yunuamaki. Hamẽ haskama maturã, atimapa tibikĩ ea danãmakĩ txakabukĩ mã ea bika tenemakubainaii.

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

Jó 39:12

Mĩ shekiwã trigo tsekashũ mĩ mae anu hanushũ mĩ shememis anu mia itxawashũtirurã, haska mĩ shinaĩ? Mia haska washũtirumahairaki, pubẽhairawẽ taearã.