2 Timóteo 4:1 - Kaxinawá Bíblia (BR)

¹ Epa Deus inũ Jesus Cristo ha shanẽ ibuhairai hawẽ kuxipawẽ hushũ mawabu inũ hiweabu unãti washanaitũ nuku shabakabi uĩaĩbũ ẽ mia yunutxakayamai ea nĩkairawe.

Kashinawa : Diosun Jesúswen taexun yuba bena yiniki

¹ Epa Dios inun Jesucristo ja xanen ibujaidai jawen kushipawen juxun mawabu inun jiweabu unanti waxanaitun nuku xabakabi uiainbun en mia yunuchakayamai ea ninkaidawe.

2 Timóteo 4:1 Referans Kwoze

Hechos 10:42

Hanua bari hawẽ heneaitiã haska yura dasibi mawabu tibi inũ hiweabu tibi Jesus shanẽ ibukĩ hatu unãti washanai nũ hatu yusĩkubaĩshanũbũ Jesus habitũ nuku yunubaĩyamaki.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

1 Timóteo 5:21

Natianã, Deus inũ nukũ Shanẽ Ibu Jesus Cristo inũ hawẽ nai tsuma katuabũ habũ ea nĩkaibũ ẽ mia yunu kayabiai ea nĩkawe. Mĩ haibuaibu kasmai yura betsabu tsuãra hamapai mekĩ txakabu waxinamẽkaĩ, txakabu wamamẽkaĩ, bebũkiri txakabu xinãma dasibibu habias ma miki txaniaibũ besti unãti watã hatu pe wakubaĩwẽ.

2 Timóteo 2:14

Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã.

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.

1 Pedro 4:5

Natiã ha habu haska hiwekubaĩmisbu Deus bebunua haki txanishanaibu pewamisshũ hanu bari hawẽ heneaitiã Deusũ hiweabu inũ mawabu hatu unãti watã hatu kupishanikiki.

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Romanos 2:16

Haskawẽ taea hanu bari hawẽ heneaitiã Deusũ Jesus Cristowẽ taeshũ haska judeubu inũ judeubuma hawara txakabu inũ pepa hune akubaĩmisbu dasibi hatu unãti wakĩ keyushanikiki. Na haska washanaikiri hawẽ kaka pepa hawẽ meketi Jesus Cristokiri ẽ hatuki txanikũkainaii.

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

2 Pedro 1:11

Mã haskai hiwekubainaibu benimakĩ matu kẽwãtxakayamakĩ hawẽ mae bena anu hanu mã hikinũ hawẽ beputi matu bepẽshũtã: “Neri hiki bekãwẽ”, matu washanikiki, hanu nukũ mekenã Shanẽ Ibu Jesus Cristõ matu bitxikinã, niti ikama mã habe hiwepakeshanũbunã.

Lucas 23:42

hawẽ txakabuwẽ datekĩ Jesus yuikĩ: —Jesusuũ, mĩ shanẽ ibui taeaitianã, ewẽ nui ea hakimayamashãwẽ— akaya

Lucas 19:15

habũ danãkĩ haska hakiri yuibiaibũ ha shanẽ ibuhaira binuatũ ha huni hawenabũ abuabumabiakẽ hau habũ shanẽ ibu inũ hatu katushũxĩkẽ txĩtũkirã hikishũ ha hawẽ dez dayanikabu kenashũ ha pei hatu inãbainimakiri hatu yukakĩ: “Hati mã ana ea itxawashũxinamẽ?”, iwanã, bestibu tibi hatubetã pewanũ, iwanã, hatu kena

Lucas 19:12

habũ xinã Jesusũ unãtã hatu pewanũ, ishũ miyuiwẽ hatu yusĩkĩ: —Shanẽ ibu beshmasbiakẽ hau mae itxapa shanẽ ibuhairashanũ, iwanã, shanẽ ibu kuxipa binuatũ kena ka ha shanẽ ibu beshmas katanima matu yuinũ nĩkakãwẽ.

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.

2 Pedro 1:17

Hawẽ Epa Deusũ kẽwãkĩ kuxipa wai nũ uĩayã haskabiama Deusũ hawẽ hui tashnimakĩ hawẽ bake pepa wakĩ hãtxa wakĩ yuikĩ: “Narã, ẽ bakeki. Ẽ abuhairaii, ẽ Katuarã”, ikai

Colosenses 3:4

Haskawẽ taea Cristo shanẽ ibui benima paeya ana huaya maturi habiaskariai mã habe benimatxakayamashanaii. Cristorã, habia matũ hiwea kayabiki.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

2 Timóteo 4:18

Txakabu dasibi nukũ Shanẽ Ibũ ea binumakubaĩkĩ hanu shanẽ ibuai pepa hawẽrua nai anu ea pashawatã ea mekeshanai ẽ unaiĩ. Haskakẽ niti ikama ha duawakĩ kẽwanãkãwẽ. Haskakirã.