2 Timóteo 3:10 - Kaxinawá Bíblia (BR)

¹⁰ Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

Kashinawa : Diosun Jesúswen taexun yuba bena yiniki

¹⁰ Mianan, ja padananainbu min jatu chibanmaki. Jamen jaska yusiin en jiwemis keska min chibanmiski, eska tibi ea chibainan. Jaska en shinanmis inun, jaska en ikunwanmis inun, jaska jawaida jin jin ikama en tenemis inun, en nui bechipainamemis inun, jamapai ekidi kainbidanai tenei en kushipamis inun,

2 Timóteo 3:10 Referans Kwoze

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

Tito 2:7

miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

Filipenses 2:22

Timóteo ẽ bake keskai ebe hiwea dayakũkaĩkĩ kakape Jesuskiri ebetã yusĩkĩ ea merabewakubaĩmis hawẽ hiwea mã unaiĩ.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.

2 Timóteo 4:3

Txipu bari betsatiã yurabu itxatã yusĩa kayabi ana nĩkakatsi ikabuma ishãkanikiki. Hakia haska habũ nĩkakĩ abuai besti anũ ikaibu hatũ yusĩa pepamabiakẽ hawẽ benimanũ ishũ hawara haska nĩkakatsi ikaibu besti hatu yusĩmanũ ishũ yusĩnã itxapabu hatu yusĩmashãkanikiki,

2 Timóteo 2:22

Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.

2 Coríntios 1:17

Matu anu bai kanũ ika txanima ẽ yubakaimaki. Haskawẽ taea ẽ xinã dabewaisma mã ekiri xinãtirumaki.

Romanos 16:17

Ẽ betsabu inũ ẽ puibuũ, haskaibu mã uĩnũbũ ẽ matu yunuaii. Yusĩnã betsabũ habũ matu parãkĩ nũ haska matu yusĩmis betsa wakĩ matu xinã betsamakĩ matu pashkatirubuki. Uĩrakãwẽ. Haska nũ matu yusĩa mã nĩkamis keskamakẽ hatu danãkĩ hatũ yusĩa ana nĩkama ana hatube itxayamakubaĩkãwẽ.

Hechos 26:4

Dasibi judeubũ ea unã keyukanikiki, ẽ hatube hiwekũkaunirã, ẽ mae anuabu inũ hanua ẽ yumeni Jerusalém anuabunã.

Hechos 20:18

uĩbirani Mileto anu mekenikabu beabu Paulõ hatu yuikĩ: —Matũ mae pakea Ásia anu ẽ matu anu hiki taeyama haska ẽ hiwekũkaĩmis mã unaiĩ.

Hechos 2:42

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

1 Timóteo 1:3

Macedônia mai pakea anu kakĩ Éfeso anushũ mĩ hatu pewakĩ mĩ hatu merabewayunũ ẽ mia baxibiranima keska habias ẽ mia ana yunuaii. Tsuabũra ha hatũ yusĩnãbũ hatũ xinã meribis hau hatu yusĩtxakayamanũbũ hatu nemakĩ pewawe.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

Daniel 1:8

shanẽ ibũ piti inũ nushuti vinho pepawẽ txakabui hatũ huĩti detsiskatsi ikama dayaru yununika Aspenaz Danielĩ yukakĩ: —Uiã. Shanẽ ibuhairatũ piti pehairabia hawẽ pitiwẽ yushibubu dami kẽwãmisbuwẽ taeshũ nukũ mekenika Deusũ beya txibãma nũ sinatamatirubuki, txakabuwakinã. Nũ txakabukatsi ikamarã, nuku dabe inũ dabebũ ha piti piyamakubaĩshãpa?— aka

Filipenses 2:20

Haska matukiri ẽ matu xinaĩ keska inũ ẽ matuwẽ nuimis keska tsuã matukiri pe xinãma txanima tsua betsa hayamaki.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.