2 Timóteo 2:19 - Kaxinawá Bíblia (BR)

¹⁹ Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

Kashinawa : Diosun Jesúswen taexun yuba bena yiniki

¹⁹ Jatu jaska wabiaibun ma medibi Diosun jawenabu kushipa wakin mestenwani jawa ana betsa wama ixanai ma Diosun jancha kaneama kenenibu jayaki. Jaskaken: “Nukun Xanen Ibun jadatuda jawenabu ma unainkiki”, ja inun: “Tsuabunda nukun Xanen Ibun kenawen Diosbe janchakinan, jatun chakabu chitetan jau jenekubainunbunwen”, adiani kenenibu jayaki.

2 Timóteo 2:19 Referans Kwoze

João 10:14

Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki.

1 Coríntios 8:3

Hamẽ tsuabũra Deus abukĩ duawakĩ hawẽ yunuti akaiburã, harã, Deusũ hatu unaĩkiki.

Lucas 13:27

hanushũ matu yuikĩ: “Mã enabumaki. Mã hania ikimẽkaĩ? Ẽ ma matu yuishuki. Txakabuwakĩ matũ xinã mã betsa waismaki. Nenua burikãwẽ”, ẽ matu washanaii.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Apocalipse 3:8

Eãnã, dasibi mã akubainai ẽ unaiĩ. Uĩkãwẽ. Matu bebũ matu anu beputi bepẽmana keska hawa tsuã matu bepũtiruma ẽ matu bepẽshunaki. Haskawẽ taea mã txĩtuãma ẽ hãtxa txibãkĩ mã kuxipa mirĩ hayabia eki dakeama hatu yuikĩ: Ẽ Jesusunabuki, mã imiski.

Apocalipse 22:4

Haria Deusbe beisinã dabeshãkanikiki, Deusũ kena hatũ betũkuki nea hayarã.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

2 Pedro 3:14

Ẽ betsabu inũ ẽ puibuũ, ẽ matuwẽ nui heneama ẽ matu yusĩkubainai eskakiri xinãkãwẽ. Hau dasibi mã hawa detsisma inũ hawa txakabu hayama inũ unãnuma mã hiwe bestikẽ hau Jesus Cristo matuki nukuyushanũ ẽ matu yusĩshu xinaĩ hakimama manakakubaĩshãkãwẽ.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Apocalipse 2:13

Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.

Salmos 1:6

Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Mateus 7:23

hatu yuikĩ: “Parananaĩ txanitxakakĩ mã txakabuwamiski. Mã enabumaki. Turi burikãwẽ”, ẽ hatu washanaii— itã

Efésios 3:15

hatũ dasibi hawenabu nai anua inũ mai anua ma hatũ kena haya mekearã.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Salmos 37:18

Habũ kaneama pepai hiwekubaĩmisbu Deusũ hatu pe mekemiski. Haska dayakĩ pepa akubaĩmisbu hatu heneshũbaina bitã hawẽ hiwepakenũbarikanikiki.

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Romanos 15:20

Hatu yusĩ kairã, hanushũ tsuã Jesus Cristokiri hatu yusĩriabumanu besti ẽ kakũkaũkatsis imiski, hanushũ Jesus Cristokiri kakape yusĩnã betsã ma hatu yusĩma anu naxui iki kamarã.

Hechos 15:17

Ẽ hatu haska waya nawa shukuabu tibibu inũ tsuabũra ẽ Yavé Deusũ kenayabũ ea yukai habũ ea benatirubuki.

Mateus 7:25

hanua ui ika bai matahairabirãkĩ hawẽ hiwe atxia ha hiwe mixkiki tsamiãwẽ taea niwẽwãnẽ tsibusketiruma keska hawẽ daya benuama ha huni unãnepaki. Ẽ hãtxa nĩkamisbu haska keskaki.

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

Provérbios 10:25

Niwe kushipahaira shubi shubi ibirãkĩ huni txakabubu yamawakĩ keyushanikiki. Hakia huni pepabunã, hawa meama hawama hiwekubaĩshãkanikiki.

Números 6:27

haska wakĩ habũ ẽ kena Senhor Deus yuikĩ Israelĩ enabu hatu pekiri yuiaya ea ẽ Senhor Deusũ ẽ hatu duawakubaĩshanaii”, haska ẽ hatu washanai ea hatu yuishũkubaĩwẽ— anikiaki.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Hechos 9:14

Hatu haska wakubaini Deusbe nukunabu hãtxashunika shanẽ ibubũ kuxipaya bexiãbukiaki. Nũ habũ mĩ kenawẽ taeshũ Deus yukaibu dasibi nukuri nenua atxitã Jerusalém anu nuku iyushũ bitxinũ ika huxiãkiaki— aka

João 13:18

Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.

Efésios 2:20

Haskakẽ mã ikũwaĩbu dasibirã, mã mixki hiwe keskabuki. Habu dukũtũ mixki hiwe wakatsi bepushkĩ buyamisbu keskarã, Jesusũ kuxipayabu inũ hawẽ hãtxa yuishunikabũ yusĩkĩ Jesus Cristokiri besti akaibu txanima Cristo hamebi hawẽ mestẽwãti kayabiki, mixki ewapa maratãshũ tsamĩkĩ mestẽwãmisbu keskarã.

Romanos 11:2

Bebũkirihaira Israelbu habu katukatsis ikĩ Deusũ katunishũ nuku danãma imiskiri matu shabakabi yusĩkĩ hawẽ hãtxa yuishunika pepa Eliaskiri ẽ matu yuiai nĩkakãwẽ. Hawenabukiri hawara Elias Deuski ha ikĩ haki txania hawẽ hãtxa yuishunika betsã keneshũkĩ:

Lucas 6:48

Tsuãra mixki hiwe wakatsi ikĩ hene kesha mai basãkĩ uke merã mixkiki pesashũ ha mamaki mixki tsamabirãkĩ hiwe warã, ẽ yuiai akubaĩmisburã, ha hiwe wanika keskabu ishãkanikiki. Hanua bai matahairabirãkĩ hawẽ hiwe atxia ha hiwe mixkiki tsamiawẽ taea hawa takash iki tsibusketirumaki.

Romanos 15:9

Haska nukukiri bestima mã Israelbumawẽri taea Cristo tashnirianiki. Haskakiraniwẽ taeshũ mã Israelbumã Deus duapahaira mã kẽwãriakubaĩtirubuki. Haska bebũkiri Deusũ hãtxa yuishunika Davi hariri nawai kenekĩ: “Haskawẽ taeshũ nawa shukua betsa tibibũ mia kẽwaĩbũ hatubetã mia xinãkĩ kẽwãkĩ hui kuxipawẽ nawati pepawẽ ẽ mia kẽwãkubaĩshanaii”, iyamakẽ

Apocalipse 21:14

Ha inũ, hawẽ kene keyatapa hawẽ kuxipa wati 12 mixkipawã hawẽ mestẽwãkĩ tsamabauna keneyaki. Ha inũ, txashuwã bakẽ 12 tsuma kuxipayabũ kena tibi mixkipawã tibiki nea hayaki, hatũ kenarã.

Hebreus 11:10

Deusũ hawẽ dami hawa kaneismatũ ma hatu mestẽwãshuni anu hari hatu hiwemashanai maewã Abraãonẽ xinaĩ na mai anushũ dukũ mana taewanikiaki.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

Hechos 11:26

Sauloki nukutã Antioquia anu iyui habe hari kaimashũ hatu yusĩkĩ ano bestitxai nitxĩkĩ yura itxapabu kaka pepa Jesus Cristokiri hatu yusĩkubainaibũ ha mae anushũ nawabũ Jesus ikũwaĩbu hatukiri xinãkĩ kenakĩ: “Naburã, habũ Cristo txibaĩbuki”, iwanã, hatu kena taewanibukiaki, nawã hãtxawẽ kenakinã, “Cristãos”, hatu wakinã.

Isaías 63:19

mĩ nukũ shanẽ ibumakẽ nuku akawakĩ inũ mĩ kena kushipa nũ hayama nuku wakinã.

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

Marcos 12:16

betsa beshũ inãbu uĩkĩ Jesusũ hatu yukakĩ: —Narã, tsuã besu inũ tsuã kena neamẽ? Ea yuikãwẽ— hatu wa habũ yuikĩ: —Romano shanẽ ibu Césarnaki— akabu