2 Tesalonicenses 3:9 - Kaxinawá Bíblia (BR)

⁹ Ha inũ, nũ Jesusũ kuxipayabũ matu yusĩkubaĩkĩ hawẽ taeshũ matũ piti nũ yukatirubia nukũ piti inũ nukũ tari hawẽ biti mã nuku devebiakẽ nũ matu hawa yukama ikimaki. Hakia ibubis mekenẽ dayai haska nũ hiwemis keskai matũri nuku txibaĩ mã hiwekubaĩshanũbũ nũ matu uĩmaimaki.

Kashinawa : Diosun Jesúswen taexun yuba bena yiniki

⁹ Ja inun, nun Jesúsun kushipayabun matu yusinkubainkin jawen taexun matun piti nun yukatidubia nukun piti inun nukun tadi jawen biti man nuku dibibiaken nun matu jawa yukama ikimaki. Jakia ibubis mekenen dayai jaska nun jiwemis keskai matundi nuku chibain man jiwekubainxanunbun nun matu uinmaimaki.

2 Tesalonicenses 3:9 Referans Kwoze

2 Tesalonicenses 3:7

Hamẽ earã, matube hiweyushũ hawa tirumakĩ matu daketapawama tsuabũra piti nũ hamẽ piãma ikimaki. Haskakĩ nukũ hamapai ibubis bi bariri inũ mexu merã dayatxakayamai yumãkĩ nũ matu bikawama ikimaki. Matube hiweshũ nũ matu uĩmaima keska ikubaĩkãwẽ, tsua hamẽ ea iki daketapamarã.

1 Tesalonicenses 2:6

Ha inũ, Jesusũ kuxipayakĩ nũ matu yunutirubia matu inũ yura betsabu hau nuku shanẽ ibu wakĩ kẽwãnũbũ nũ hari yunukĩ matu hãtxa wama ikimaki.

Gálatas 6:6

Haska inũ, tsuabũra matũ yusĩnã Deusũ hãtxa matu yusĩaĩbu mã habu nĩkaibũ matũ hawara mã haya, piti inũ mabu inũ peirã, ha pashkatã matũ yusĩnã huni hatu inãkubaĩkãwẽ, merabewakinã.

1 Pedro 2:21

Eskawẽ taeshũ Deusũ matu katukĩ kenaniki. Mã hawa bika teneriamakẽ Cristo dukũ ha dukũtũ matu bika teneshuniki, ha txibãkĩ matũri mã bika teneriashanũbunã.

João 13:15

Na eã eska wakinã, habiaskari wakĩ mã ashanũbũ ẽ matu bebũkiri uĩmakĩ ashuki.

Mateus 10:10

kapãkã buama tima tari betsa buama, matũ bitxi tae betsa buama, hawẽ mestẽti betsa buyamatãkãwẽ. Hakia mã haskakainaya dayakapabu pimamisbu keska wakĩ matu pimariashãkanikiki.

1 Coríntios 4:16

Haskawẽ taea ẽ matu yunuai ẽ aka ea txibãkãwẽ.

1 Pedro 5:3

Ha inũ, maturã, habu matube itxamisburã, mã hatũ ibumaki. Haskawẽ taeshũ matũ hiwea pepa hatu uĩma bestikĩ txibãmakubaĩkãwẽ, hatube merabenãkinã.