2 Samuel 7:20 - Kaxinawá Bíblia (BR)

²⁰ Senhor Deusuũ, ea mĩ tsumakiri dasibi mĩ ma unã keyuaiwẽ taeshũ eã ẽ ana hawa yuitirumaki.

2 Samuel 7:20 Referans Kwoze

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

1 Samuel 16:7

hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka

Salmos 139:1

Senhor Deusuũ, mĩ ma ea unãti waimashũ mĩ ma ea unãhairaii.

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Josué 5:14

—Ẽ minama inũ ẽ habunamariki. Hakia Senhor Deusũ nai tsuma kushipabu ẽ hatu yunumis ẽ hatũ shanẽ ibu huaki— aka nĩkatã dãti iki beti ishũ Josué yukakĩ: —Ẽ shanẽ ibuũ, hawa mĩ ea yununũ ika huamẽ? Ẽ mĩ tsuma ẽ nenuki. Ea yuiriwe— aka